Zenezi 20:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Abra'ã, Mare na romnhisi hawimhã, ma tô watobro. Tahawa hâiwa nhimi'e niwĩ Cana'ã ti'ai wa'õtõ nho'õmo u te mo, Cadi na romnhisi norĩ wa'wa, Su na romnhisi wa'wa me 're hâimana mono da oto. Tawamhã nimahã na Gera na 'ri wa'õtõ nhisi ãma 're hâimana mono ré hã,

Zenezi 20:1 ပူးပေါင်းရင်းမြစ်များ

Zenezi 10:19

Tawamhã cananeu norĩ nhipti'a zada'ré Sidõ na 'ri nho'õmo nhisi hawi, Gera na 'ri nho'õmo nhisi u hã ma tô 're hâimana, Gaza na 'ri nho'õmo nhisi 'rata 're ihâimana mono u. Sodoma na 'ri nho'õmo nhisi u, Gomora na 'ri nho'õmo nhisi u, Adma na 'ri nho'õmo nhisi u, duré Zebo'ĩ na 'ri nho'õmo nhisi u, ma tô 're hâimana, Lasa na 'ri nho'õmo nhisi 'rata 're ihâimana mono tẽme.

Zenezi 12:9

Tawamhã ta hawi watobro wamhã, ma tô Cana'ã ti'a nho'õmoi baba si õne u'âsi nasi te te rowaimrami.

Zenezi 13:1

Tawamhã Abrã, Ezitu hawi timro ré, duré uburé marĩ tãma ihâimana za'ra ré ma tô watobro. Tahawa, hâiwa nhimire niwĩ Cana'ã na romnhisi u ma tô mo. Ãhã wamhã, te duré Lo isisãnawãi 'ra isiré hã mo.

Zenezi 14:7

Taha parimhã En-Mispate na romnhisi u ma tô apâ ai'aba'ré, tô Cadi na isisi amoi u. Tahawa, ma tô amalequita norĩ nhipti'ai ãma hã, duré amoreu norĩ Hazazã-Tama na 'ri wa'õtõ nhisi ãma 're ihâimana za'ra mono norĩ ãma ai'uté za'ra.

Zenezi 16:1

Tawamhã Sara'i, Abrãhã mro te zahadu timro ma, 'ra ãna 're hâimana. Tawamhã Sara'ihi ma, romhuri'wa te Aga na isisi tãma 're 'maihâimana, ezipsiu norĩ nhipi'õ hã.

Zenezi 16:14

Tahawa â zô ab're Cadi norĩ 're, Berete na 'ri wa'õtõ nhisi me ihâiba hã ma tô da te 're sisi za'ra, ãne: “Â zô ab're, 'Re ihâimana u'âsi mono te, te te 're ĩ'madâ'â mono te.”

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 18:1

Tawamhã Uburé Danhib'apito, Abra'ãhã ma, ma tô tãma sihâi'ré, rowede iwazéb zahi, Mare na isisi 'rata hâimana ré. Tawamhã Abra'ã, hâiwahâ tẽme rowa'ro wa, ma tô romhâ 'manharĩ na tinhorõwa 'ridawa zahâpâmhã nhamra rowi.

Zenezi 21:34

Tahawa Abra'ã, Filisteu norĩ nhipti'ai 're ma tô 're hâimana hâ pese, wahub ahâ na.

Zenezi 24:62

Taha ré Izaqui, ma tô apâ sina siri, Be'e-La'ai-Ro'i hawi, Negevi na supara si 're iropsa'wari mono zém nhisi ãma 're hâimana mono wa.

Zenezi 25:18

Tawamhã Ismaeu nhihudu norĩ, ma tô Havira na romnhisi norĩ wa'wamhã, Su na duré romnhisi wa'wa 're hâimana za'ra, Ezitu bâtâ pusizém niwĩmhã, Asiria nho'õmoi baba bâdâdi ihâimana niwĩ. Ta norĩ hã ma tô romhâ na Abra'ãhã nhihudu norĩ amo nhiti hã 're hâimana za'ra.

Zenezi 26:1

Tawamhã taha ti'ai 're, mra te da te 're sépata za'ra, Abra'ã, 're hâimana mono ré, amnho ihâimana õ wam ne. Tahawa Izaqui, 'ri nho'u Gera na isisi u ma tô mo, Abimelequi filisteu norĩ nhib'apito 're ihâimana mono zéb u hã.

Zenezi 26:20

Tane nherẽ, Gera ãma pone'ẽrebâ 'madâ'â'wa norĩ, Izaquihi ma, pone'ẽrebâ 'madâ'â'wa norĩ me hã ma tô ãma sisada'âbâ za'ra, õ hã â zô ab're ite za'ra na hã. Tahawa Izaqui â zô ab're hã ma tô sisi ãne, “ãma idasisada'âbâ za'ra zém” na.

Zenezi 26:26

Tawamhã nimahã bâtâ na Abimelequi Gera hawi ma tô mo, Izaquihi ma te te robzanhamri da. Tahawa, isiré ma tô isiwaihu Auzate hã mo, Fico dasi'wapéi 'madâ'â'wai me.

Zenezi 26:6

Ãne ma tô tawamhã Izaqui, Gera ãma hã 're sãmra.

Ezodu 15:22

Taha pari Mozési, Âpré na â nhisi hawi Su na rop si 're irosa'wari mono nhisi u ma tô Izaraéu nhihudu norĩ hã te te oto simro. Tahawa, supara 'ré si ro 're isa'wari mono na si'ubdatõ bâtâ na si'aba'ré nherẽ, â hã te te siwi 'masãmri waihu'u õ di.

1 Samuéu 15:7

Tawamhã Sau te te 'wapé za'ra wamhã, ma tô ãma ai'uté za'ra amalequita norĩ ãma hã Havira na romnhisi hawi Su na romnhisi u hã, Ezitu niwĩ bâtâ pusizém niwĩb u hã.