Zenezi 2:8 - ꞌRe Ihâimana Uꞌâsi Mono Zadawa Wasuꞌu

⁸ Taha pari Uburé Danhib'apito 'Re ihâimana u'âsi mono, ma tô rob're hã 'manha, Édẽ na romnhisi bâtâ pusizém niwĩ ro 're ihâimana mono ãma. Tame ma tô aibâ te te ipodo hã iwap tisã.

Zenezi 2:8 ပူးပေါင်းရင်းမြစ်များ

Zenezi 13:10

Tawamhã Lo te te 're rob'madâ'â mono wamhã, Zodã na romharé nhisi ma tô 'madâ, 'ri nho'u Zoa na isisi tẽme, pa nho'õmo nhipti ahâ ré ro inomro hã, Uburé Danhib'apito te, rob're iwẽ 're ihâimana mono sine hã, duré Ezitu ãma ti'a iwẽ 're ihâimana mono ne hã. Ãne na romharé iwẽ na ma tô aré 're hâimana, Uburé Danhib'apito, 'ri nho'u Sodoma, Gomora me te te uprosi zahuré wana ré hã.

Zenezi 3:23

Tahawa, Uburé Danhib'apito 'Re ihâimana u'âsi mono, ma tô Édẽ na rob're nhisi hawimhã tãma rob'ru, ti'a na te te ihâiba 'manharĩzém na si te te sima 're rob're mono da oto.

Zenezi 3:24

Tawamhã duré oto rob're 're ihâimana mono hawi aibâ te te satõrĩ wamhã, ma tô rob're bâtâ pusizém niwĩ ihâimana ãma sõré, hâiwa ãma romhuri'wa isiptete norĩ si hã. Sib'ézé 'wapa 'wa ro'o ré hã ma tô duré tisã, te te nasi irowaimrami mono da hã. Ãne 'Re ihâimana u'âsi mono, ma tô 'manha, ni'wa hã ãhã rowede 'rã da te 're huri mono wa, dadâ'â ãna 're idanomro u'âsi mono zé rowede tẽme 'râwi wisi tõ da hã.

Zenezi 4:16

Tawamhã Caĩ, Uburé Danhib'apito 're ihâimana mono zém hawimhã ma tô watobro. Tahawa, ma tô mo, Nodi na romnhisi ãma 're hâimana mono da oto, Édẽ bâtâ pusizém niwĩ 're ihâimana mono ãma.

Zuéu 2:3

Ta norĩ te za uburé marĩ hã te te uprosi, uzâ hã te te 're iromhõmo mono ne. We ãne hã romhâimana wana ré hã ti'a hã wẽ uptabi di, Édẽ na rob're nhisi ãmam ne. Tane nherẽ, we oto ãne romhâimana parimhã, aiwa oto rop si 're irosa'wari mono ne hã. 'Riti norĩ wi, marĩ i'maiba'a da hã mare di.