Zenezi 2:3 - ꞌRe Ihâimana Uꞌâsi Mono Zadawa Wasuꞌu

³ Tawamhã bâdâ 7 ãma, ma tô iwẽ na hã pisutu, aimawi wazéb zahi na dama 're hâimana mono da hã. E marĩ wa. Taha bâtâ na wa'utu wa, uburé te te aropoto mono pari.

Zenezi 2:3 ပူးပေါင်းရင်းမြစ်များ

Zenezi 1:31

Tawamhã 'Re ihâimana u'âsi mono, uburé marĩ te te duré i'apoto mono hã ma tô iwẽ na hã ab'madâ'â ze. Tawamhã ma tô duré timara. Ma tô ti'awẽ. Ã hã oto 6 na bâtâ ãma hã.

Zenezi 2:2

7 bâtâ ãma hã ma tô tinhimipodo hã te te apoto 'rãsutu. Tawamhã ma tô oto wa'udu, taha bâtâ na.

Zenezi 2:4

Ãne ma tô hâiwa duré uburé iwa 're isimasa mono da hã ti'ai me hã poto za'ra. — Uburé Danhib'apito 'Re ihâimana u'âsi mono, hâiwa duré uburé iwa 're isimasa mono da hã ti'ai me hã, te te poto za'ra wamhã,

Neemia 9:14

A hã ma tô duré sabadu iwazéb zahi na te te 're i'madâ'â za'ra mono zéb da hã tãma iroti za'ra. Ma tô duré asimiroti na rob'ui'éré hã tãma isõmri za'ra, Mozésihi nho'õmoi baba.

Ezodu 34:21

— 6 si bâtâ 'rep si te za asimiromhuri ré hã 're aihâimana za'ra wa'aba mo. Tane nherẽ, 7 bâtâ ãma 're romhuri za'ra wa'aba mono õ di za, da te 're iti'a hâipo'o mono zép te a'amo na nherẽ, duré da te 're iroptehâri mono zé a'amo na nherẽ.

Provébiu 10:22

Uburé Danhib'apito nhimipawaptobzé wẽ zarina te za danhimarĩ hã dama 're wairébé. Tahawa, duré ni'wa 'râwi tinhiptete na hã te te ãma sisiwi waihu'u õ di, tinhimarĩ na hã.

Marcu 2:27

Tawamhã ãne ma tô Zezusi hã tãma 'rãsutu za'ra, timreme na: — Wa hã 'Re ihâimana u'âsi mono te te ĩpisudu, dasiré ĩpoto da, ti'ai ãma. Tahawa, dama ĩpire di, sabadu na roti hã te dama 're i'apisutu mono zéb da hã.

Luca 23:56

Tawamhã 'ri tẽme te apâ ai'aba'ré. Tahawa, ma tô marĩ hã sada wa'u za'ra, wedewa'u isadaze hã, te te siwi ãma hâiba u'ré da. Romhuri zahârizém na hã ma tô tiwa'utu za'ra, 'Re ihâimana u'âsi mono te te ipisutuzéb zarina.