Zenezi 2:14 - ꞌRe Ihâimana Uꞌâsi Mono Zadawa Wasuꞌu

¹⁴ Duré si'ubdatõ ãma pa nho'õmo nhisi Tigre hã, te Asiria na romnhisi bâtâ pusizém niwĩmhã 're praba. Duré maparane si'uiwa na ãma pa nho'õmo nhisi hã Eufrati na.

Zenezi 2:14 ပူးပေါင်းရင်းမြစ်များ

Zenezi 10:11

Tawamhã ta hawi Nirodi ma tô mo, Asiria u. Tame 'ri nho'u Niniwé hã ma tô tawamhã 'manha, Reobote-Ir na 'ri nho'õmo nhisi hã, Cala na 'ri nho'õmo nhisi hã,

Zenezi 10:22

Sẽhẽ 'ra norĩ nhisi hã ãne: Elã, Assur, Arpaxade, Lude, duré Arã.

Zenezi 15:18

Tawamhã tô taha bâtâ na ma tô Uburé Danhib'apito, Abrãhã ma, tinhimiropisutuzé hã tãma 'manha, ãne: — Asihudu norĩ ma, ã hã ti'a te tãma sõmri za'ra da wa ĩnhimiropisutu zahi hã 'manha, Ezitu ãma ti'a zada'ré inomro hawi, panho'u Eufrati na isisi u hã,

Zenezi 2:13

Tawamhã duré maparane ãma pa nho'õmo nhisi hã, Ziõ na. Ta hã Cuxe na romnhisi ãma hã tipraba na te te 're isa'oto mono.

Zenezi 2:15

Tawamhã Uburé Danhib'apito 'Re ihâimana u'âsi mono, ma tô Édẽ na rob're nhisi ãma aibâ hã tisã, te te 're 'madâ'â mono da, duré te te iwa 're rob're mono da oto.

Zenezi 25:18

Tawamhã Ismaeu nhihudu norĩ, ma tô Havira na romnhisi norĩ wa'wamhã, Su na duré romnhisi wa'wa 're hâimana za'ra, Ezitu bâtâ pusizém niwĩmhã, Asiria nho'õmoi baba bâdâdi ihâimana niwĩ. Ta norĩ hã ma tô romhâ na Abra'ãhã nhihudu norĩ amo nhiti hã 're hâimana za'ra.

Daniéu 10:4

Imorĩ'rata na wahup te a'amo dia 24 na, wa tô Tigre na panho'õmo nhisi zaihâ na hã ĩhâiba.

Apocalipsi 9:14

Hâiwa ãma romhuri'wai ma, imropâ ãma isimnhihârâ ma, te te inharĩ hã wa tô duré ĩpo're na wapa. Ãne tawamhã imreme hã: — Ma'ãpé, wa'uburé maparane si'uiwa na ipawasisi ré norĩ ma, ipawasisizé hã wasihu za'ra na, Eufrati na pa nho'õmo nhisi ãma 're isi'ubumroi mono norĩ ma.