Zenezi 19:9 - ꞌRe Ihâimana Uꞌâsi Mono Zadawa Wasuꞌu

⁹ Tane nherẽ, ma te ãne asa ãma tãma wa'rãmi za'ra: — Wanho're hawimhã ai'ré na! Tawamhã te ãne duré sima nharĩ za'ra: — Ã hã aibâ wasiré a'uwẽ'õ, te sima wẽ, marĩ hã te te wama 're a'rui mono da! Taha pari Loho u, ma apâ itẽme aipizari za'ra. Tawamhã te ãne tãma nharĩ za'ra: — Ãhã na wa za marĩ iwasété uptabi hã aima 'manharĩ za'ra ni, asõrõwa u i'mazasi norĩ ma, marĩ hã wa te aré tãma i'manharĩ za'ra zém nhipai u. Tawamhã Sodoma ãma aibâ norĩ, ma tô Lo 'ridawa nhiti siwi time. Taha pari, ma tô 'ridawa tẽme aihutu, te te siwi prub da aré.

Zenezi 19:9 ပူးပေါင်းရင်းမြစ်များ

Zenezi 11:6

Tahawa, te ãne 'râwi sima tinha: — Ã hã a'uwẽ norĩ, te misi haré iwamri na hã 're hâimana za'ra. Duré misi timreme na te uburé 're mreme zusi, misi haré. Ãne te te siwi i'manharĩ na'rata zarina te za oto niha hã uburé marĩ sima iwẽ na te te 're 'manharĩ za'ra.

Zenezi 13:12

Tawamhã Abrã, Cana'ã ti'ai 'remhã ma tô sisa'u zahuré hã 're hâimana u'âsi. Tane nherẽ, Lo hã ma tô ta hawimhã zâmo, ro Sodoma 'rata, 'ri nho'u siwaptõma, ihâimana za'ra wa'wa ẽtẽ siwa'aba ãma, te te sima 'ri nharĩ da,

Ezodu 2:14

Tawamhã te tãma tinha asa ãne: — E 'wa hã ma tô wanhib'apito da hã wa'ãma 're i'arowairebé mono da hã aipisutu. Duré e ma tô asima iwẽ, ĩwĩrĩ da, ezipsiu iwĩrĩ ne. Tawamhã Mozési ma tô tipahi. Tahawa te tipẽ'ẽ na 'râwi sima tinha ãne: “Ma tô oto dasiwi ĩ'upsibi me ni, te i'manharĩ wasété zém na hã.”

Provébiu 14:16

I'rãi waihu'u wẽ norĩ hã te za ropire tãma 're hâimana za'ra mono tõ da, 're si'madâ'â pese za'ra. Tanei õ di, isimiza'rese'õ norĩ hã. Te rosa'rata ãna si'aba'ré na marĩ hã te te 're 'manharĩ za'ra.

Provébiu 17:12

Robzahi ursu wi, i'ra da te tiwi 're iwaibui mono, da te 're sõpẽtẽ za'ra mono wamhã, pipa di. Tane nherẽ, isimiza'rese'õ tihâimana nhimiza'rese'õ zarina marĩ te te 're 'manharĩ mono ré, da te ãma 're sõpẽtẽ mono wamhã, taha si ipipa uptabi hã.

Provébiu 27:3

Ẽtẽ norĩ, supara me hã pire uptabi zahuré di. Tane nherẽ, isimiza'rese'õ norĩ nhimirob'manharĩ wasété zarina ro'wa'rutuzé hã pire uptabi di, isipai u zahuré.

Mateu 7:6

— Duré 'Re ihâimana u'âsi mono 'ruiwapari'wa norĩ ma, iwasu'uwẽ na tãma 're rowasu'u za'ra wa'aba mono õ di za, te te ãma 're iwasété za'ra mono norĩ ma hã. E marĩ wa. Ta norĩ hã wapsã ma, marĩ ise hã da te tãma 're a za'ra mono nherẽ, dazô 're sipizari za'ra mono wa, te te 're idahâzu mono ne, te za ta norĩ hã asada 're hâimana wasété za'ra wa'wa. Uhâbâ norĩ hã marĩ wẽ zô, sima 're sõpré waihu'u mono õ di. Marĩ iwẽ hã wa'âbâ za'ẽtẽ nherẽ, uhâbâi ma, da te 're sãmra mono wa, taré te te 're iwati'i za'ra mono ne, te za ta norĩ hã taré te te 're wapari za'ra, iwasu'uwẽ hã. Tahawa, ta norĩ ma, 're rowasu'u za'ra wa'aba mono õ di za, 'Re ihâimana u'âsi mono 'ruiwapari'wa norĩ ma hã.

1 Samuéu 17:44

Tahawa, te duré ãne te te 'wapé da hã sô tihârâ zahi: — Ma'ãpé we aimorĩ ãwa, aihâiba hã si norĩ ma, te tãma sõmri za'ra da wamhã, te te siwi 'rẽne da, duré abaze toro norĩ ma zama.

1 Samuéu 2:16

Tawamhã duré aibâ hã ãne te te tãma ãma 're wa'rãmi mono wamhã: “A'â imorĩ'rata na te te zata romnhi wa hã. Taha parip si te za asima iwẽ na asima i'maiwaze za”, tawamhã sasedoti pawapto'wa ma tô ãne te te tãma 're anharĩ: “Mare di. Sõmri su'u, ta romnhi hã. Duré sõmri su'u õ wamhã, wa za ti'â, ĩnhiptete sina.”

1 Samuéu 25:17

Tahawa, ãne na rosa'rata wamhã, ma'ãpé asima rowairébé, marĩ 'manharĩ da hã. E marĩ wa. Iwasédé hã za oto watobro wa, wanhib'ihâ'a tẽmemhã, duré uburé i'ra norĩ tẽmeb zama. Õ hã wasété uptabi wa, ni'wa hã te te tãma irobzanhamri da hã waihu'u õ di.