Zenezi 19:38 - ꞌRe Ihâimana Uꞌâsi Mono Zadawa Wasuꞌu

³⁸ Tawamhã duré inoi ma zama i'ra hã, ma tô tãma podo. Ta hã ma tô duré sisi, Bẽ-Ami na. Ta hã te oto amonita norĩ hi'rata na ãhã na hã 're hâimana.

Zenezi 19:38 ပူးပေါင်းရင်းမြစ်များ

Zenezi 20:1

Tawamhã Abra'ã, Mare na romnhisi hawimhã, ma tô watobro. Tahawa hâiwa nhimi'e niwĩ Cana'ã ti'ai wa'õtõ nho'õmo u te mo, Cadi na romnhisi norĩ wa'wa, Su na romnhisi wa'wa me 're hâimana mono da oto. Tawamhã nimahã na Gera na 'ri wa'õtõ nhisi ãma 're hâimana mono ré hã,

Zuize 10:6

Tawamhã Izaraéu nhihudu norĩ, ma tô apâ Uburé Danhib'apito wi tiwasédé te te 're 'manharĩ za'ra. Ma tô ihâiba'õ Baauhu ãma, 'ri nho'õmo mono bâ 're wata za'ra, ihâiba'õ Asitaroti ãma, Siria norĩ te ihâiba'õ ãma, Sidõ norĩ te ãma, moabita norĩ te ãma, Amo norĩ te ãma, duré filisteu norĩ te ãmamhã. Tahawa ta norĩ, Uburé Danhib'apito te te siwi rẽme pese wa, ãma 're wata za'ra mono õ di oto.

1 Samuéu 14:47

Tawamhã Sau Izaraéu nhihudu norĩ ma si'i'rãnho'õmo parimhã, ma tô iwaptoma isitob'ru norĩ uburé 're isi'ubumroi mono norĩ hã a'wapé, Moabi na romnhisi ãma 're ihâimana za'ra mono norĩ hã, Amo na romnhisi ãma 're ihâimana za'ra mono norĩ hã, Edõ na romnhisi ãma 're ihâimana za'ra mono norĩ hã, Zoba na romnhisi ãma danhib'ihâ'a 're ihâimana za'ra mono norĩ hã, duré filisteu norĩ hã. Tawamhã ã norĩ hã te te a'wapéi mono wamhã, ma tô uburé ãma ai'uté za'ra.