Zenezi 19:32 - ꞌRe Ihâimana Uꞌâsi Mono Zadawa Wasuꞌu

³² Tahawa oto wamama ma, uwa 'rãi wa'u isé wa te tãma õ na, te te i'rãiwamnarĩ pese zéb u. Tawamhã wa za iré waza'wari ni. Ãhã wamhã, te za i'ra hã wa hawimhã wama ti'maihâimana za.

Zenezi 19:32 ပူးပေါင်းရင်းမြစ်များ

Zenezi 11:3

Tawamhã ni'wam norĩ hã te nimahã bâtâ na ãne sima nharĩ za'ra: — Oto ti'a u'ẽne, wa te u'ẽtẽ za'ra wa'aba mono, sebre pese na! Ãne wa, te ta norĩ ma, ti'a u'ẽtẽ zebre hã tãma tihâimana za'ra, te te ãma siwi i'ri da hã, ẽne hã ihâimana za'ra upana. Wedewa'u top si te duré tãma tihâimana za'ra, te te ãma siwi i'ri uptob da hã, ti'ai wai'o hã ihâimana upana.

Zenezi 19:33

Tawamhã tô taha mara na, ma tô uwa 'rãi wa'u isé hã timama ma tãma õb zahuré. Tahawa i'ra dub'rada ma tô oto iré nomro. Tawamhã imama 'rãi wasété uptabi ré wa, i'ra i'rata nomro ré hã, duré apâ ihawi wahutu ré hã te te waihu'u õ di, 'rãihâ za'õtõ ré wa.

Zenezi 9:21

Tawamhã nimahã bâtâ na uwa'ru 'rãi wa'u isé na ma tô ãma si'rãiwamna. Tahawa ai'uréiwi, romhâ 'manharĩ na tinhorõwa 'remhã ma tô nomro.

Luca 21:34

Tawamhã Zezusi hã tinhimiroti na ma tô tãma 'rãsutu za'ra, ãne: — Asimiza'rese sina, te za 're aihâimana za'ra wa'aba mo. Datoi u hã âsipãrĩ na 're asapa'a za'ra wa'aba mono õ di za. Marĩ na si 're rosa'rata za'ra wa'aba mono õ di za. E marĩ wa. Rosa'rese õ ré, bâdâ ipire, iwa waptã'ã õ'umnhasite. Rosa'rese õ ré, te robzari hã itede'wa hã te te 're waibu, wedenhorõ na. Tane, duré rosa'rese õ ré, te za bâdâ ipire hã iwa waptãrã, uburé ti'ai ãma hã.