Zenezi 19:3 - ꞌRe Ihâimana Uꞌâsi Mono Zadawa Wasuꞌu

³ Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Zenezi 19:3 ပူးပေါင်းရင်းမြစ်များ

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 21:8

Tawamhã 'watébrémi oto prédu wamhã, ma tô oto tina hâ hã tirẽ. Tahawa tina hâ te te irẽmezé bâtâ na, ma tô Abra'ã dasa na dato isa'ẽne hã 'manha.

Zenezi 24:31

Tawamhã Labã te ãne tãma tinha: — To ĩsiré ãma aimorĩ. A hã aibâ, Uburé Danhib'apito, iwẽ hã te te aima 're i'apisutu mono. E marĩ zô bâ, te rowim haré asa. Asô wa tô robza'ra pese. Duré awaru ba'õmore norĩ isimasabzéb da zama wa tô sô pisutu siromo za'ra.

Zenezi 26:30

Tawamhã Izaqui, dasa isa'ẽne te te tãma 'manharĩ za'ra wamhã, ma tô duré isimihârizé te te tãma i'manharĩ za'ra zém na tisa hã uburé ãma simihâri za'ra.

Ezodu 12:15

Tawamhã te duré Mozési norĩ ma, 'Re ihâimana u'âsi mono hã waihu'u zahuré ãne: — Ãne te za duré Izaraéu nhihudu norĩ ma, ĩzadawa wasu'u wa'wa. Tawamhã bâdâ 7 na si'utõrĩ mono ré, te za asa hã ihuri aba mo, i'u'ẽtẽ duptoi'õ na. Tahawa te za dia 1 bâdâ isãna'rata hawi, i'u'ẽtẽ duptozé hã rob u isani za'ra wa'aba mo, 'ri para isimi'wara mono hã. E marĩ wa, te za rob u isa'ra aba mo. Ni'wa hã bâdâ 7 mara u, romhâimana õ ré, i'u'ẽtẽ duptoi ré hã te te 'rẽne wamhã, za Izaraéu nhihudu siré 're hâimana mono õ dâ'âsina.

Ezodu 12:39

Tawamhã Izaraéu nhihudu norĩ hã ma tô i'u'ẽne hã te te sebre, Ezitu hawi te te i'wasari hã, iwai'oi wari na hã. U'ẽtẽ dupto da, da te 're iwazari za'ra mono zéb õ na, ma tô tisa te te huri, rowãiwa isimizahâri za'ra mono zéb ãma. E marĩ wa, ma tô i'u'ẽtẽ wapuzém na wazari ãna tisa te te huri. Ezipsiu norĩ waptu na te te tãma rob'ru za'ra wa, duré tãma bâtâ za'ra õ wa. Tahawa, ma tô ti'ai wa'õtõ nho'u Ezitu hawi, wazarizéb ãna iwai'oi wari na iwaptẽrẽ si siré 'wasa. Tahawa, te oto taha na si tisa te te huri.

Luca 14:23

— Tahawa, te isib'apito hã duré asa tãma tinha, ãne: “Tane wamhã, dazô airĩtĩ mono pé, bâdâdi na. Da'manhopẽtẽ wamhã, ta norĩ hã te za we isimroi mo, ĩnhorõwa hã da te dasiwi 'masisi da.

Luca 5:29

Tawamhã Zezusi te te sawi da, ma tô tinhorõwa ãma dasa hã dama 'manha, sa'ẽtẽ na. Zezusihi siré, te za dasa hã huri ni. Tahawa, rob'uiprazé arĩ ubumroi'wa norĩ hã te i'rata ai'ubumro, isiré saihuri da, da'ahâ na. Ni'wam norĩ zama, te isiré tisa tihu.

Zuwã 12:2

Tawamhã wisi wamhã, ma tô tãma api za'ra ni, sa da, Zezusi hã sawi te. Taha wamhã, Marta hã ma tô ĩsa tãma a'â. Lazaru hã te taha wamhã isiré dame nhamra.

2 Corĩtu 5:14

Cristu hã te te 're wa'azawi pese mono wa, wa wanhimi'ẽ na, wa te tãma 're romhuri za'ra, da'ãma. Wa norĩ hã wasima si, 'râwi 're wasi'madâ'â za'ra mono õ di za. Dawasété wa'âbâzéb da, ma tô Cristu hã uburé dazada dârâ da'upana, dawasété wi 'râwi 're dasiwa'âbâ za'ra mono da, dasi'uihâ na dasisada 're dadâ'â waihu'u za'ra mono õ wa.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

Zuize 6:19

Tawamhã Gidiã 'ripara u sébré wamhã, ma tô pone'ẽrebâ zéré uzé 'ra na dasa hã 'manha. Ma tô duré i'u'ẽtẽ wapu duptoi'õ na 'manha, 10 kilu na trigu zub'a na hã. Taha pari dasa te te i'manharĩ hã, ma tô si'õtõ 're tisẽ. Ma tô duré iwa'ui ré hã piza'a 'remhã tisẽ. Tawamhã dasai ré te te oto âri wamhã, ma tô Uburé Danhib'apito ma Romhuri'wa, carvariu zahâpâ isãmra ma tãma tisõ oto.

1 Samuéu 28:24

Tawamhã ma tô pi'õ hã waptu na tiwĩ powawẽ zapu hâi pe hã. Ma tô duré ti'â amnho trigu zub'a ré zama. Ma tô warutu. Tawamhã ma tô duré sebre tãma, i'u'ẽtẽ wapu duptoi ãna.