Zenezi 19:24 - ꞌRe Ihâimana Uꞌâsi Mono Zadawa Wasuꞌu

²⁴ Wisi wi, ma tô Uburé Danhib'apito, hâiwa hawi tã 're ita'a mono ne unhama norĩ, ẽtẽ ro'o nhizédé uzé pire me sisa'wari zahuré mono da hã 'manha, Sodoma norĩ nhisiwi Gomora me.

Zenezi 19:24 ပူးပေါင်းရင်းမြစ်များ

Zenezi 13:10

Tawamhã Lo te te 're rob'madâ'â mono wamhã, Zodã na romharé nhisi ma tô 'madâ, 'ri nho'u Zoa na isisi tẽme, pa nho'õmo nhipti ahâ ré ro inomro hã, Uburé Danhib'apito te, rob're iwẽ 're ihâimana mono sine hã, duré Ezitu ãma ti'a iwẽ 're ihâimana mono ne hã. Ãne na romharé iwẽ na ma tô aré 're hâimana, Uburé Danhib'apito, 'ri nho'u Sodoma, Gomora me te te uprosi zahuré wana ré hã.

Zenezi 13:12

Tawamhã Abrã, Cana'ã ti'ai 'remhã ma tô sisa'u zahuré hã 're hâimana u'âsi. Tane nherẽ, Lo hã ma tô ta hawimhã zâmo, ro Sodoma 'rata, 'ri nho'u siwaptõma, ihâimana za'ra wa'wa ẽtẽ siwa'aba ãma, te te sima 'ri nharĩ da,

Zenezi 18:17

Tawamhã Uburé Danhib'apito te 'râwi sima tinha, ãne: “Abra'ãhã wi, za marĩ te i'manharĩzé te tiwi i'udâ da hã mare di za.

Zenezi 19:23

Tawamhã Lo, bâdâ 'rãi watobro parip si ma tô Zoa u hã wi.

Ezodu 9:23

Tawamhã Mozési tisiwazusizé hâimo hâiwa u te te wẽ wamhã, ma tô Uburé Danhib'apito, tãirãrã'ã ma hã rob'ru. Duré ti'ai wa'õtõ nho'u hã, tã nhama na, duré tãi wapsa'a na ma tô azâ. Tawamhã tã ipĩni nhama ré pĩni nhiptete na

Luca 10:12

Ma duré tãma waihu'u za'ra, ãne: — Niwapsi, aiwẽ'õ'wa norĩ wa'aba ma hã, 're robze za'ra mono õ di za. Niwapsi bâdâ hã iwa iwaptã'ãzém na, te za dazô nhamra, marĩ, da te 're i'manharĩ za'ra mono zém na, te te 're da'awaihu'u mono da, 'Re ihâimana u'âsi mono hã. Sodoma ãma 're idasi'ubumroi mono norĩ ma, te te irob'manharĩ pipa zém nhipai u, te za tô aiwẽ'õ'wa norĩ wa'aba ma, te te tãma 're arob'manharĩ za'ẽtẽ.

2 Pedru 2:6

Duré, dahâimana wasété wa, ma tô 'Re ihâimana u'âsi mono hã siwi da'awẽ'õ, Sodoma na 'ri nho'õmo nhisi ãma, duré Gomora na 'ri nho'õmo nhisi ãma zama. Unhama ro'o na ma tô da'uprosi, da te ãma waihu'u za'ra da, dawasété na si 're dahâimana za'ra mono wa, aiwa za te te 're ida'ahâ za'ra mono na.

Zuda 1:7

Duré ãma asipo're pu'u za'ra wa'aba, duréihã Sodoma na 'ri nho'õmo nhisi ãma 're idahâimana wasété za'ra mono norĩ ãma, duré Gomora na 'ri nho'õmo nhisi ãma 're idahâimana wasété za'ra mono norĩ ãma, duré i'rata 'ri wa'õtõ mono bâ 're idahâimana wasété za'ra mono norĩ ãma hã. Tamemhã ma tô uburé dahâimana wasété uptabi na 're dahâimana za'ra, dasiwazari. Dahâiba na ma tô dasina 're danhimisaihuri za'ra. Duré aibâ nherẽ, ma tô aibâ si'uiwa na dasina 're dawasété za'ra. Hâiwa ãma aré te te 're iromhuri za'ra mono norĩ hã, 'Re ihâimana u'âsi mono hã te te 're iwapari za'ra mono õ ne, da te 're wapari za'ra mono õ di. Tahawa, ma tô unhama ro'o na dama rob'manharĩ za'ra, 'Re ihâimana u'âsi mono hã, da te 're robzépata u'âsi za'ra mono da, wẽ te bâ, unhama ro'o u'âsi na. Taha na te za ãma 're dasipo're pu'u u'âsi za'ra, ta norĩ zarina ãma 're danomro wasété tõ mono da, isirã za'ra zéb zarina.