Zenezi 19:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Lo, timro ré duré ti'ra norĩ ré 're siwairĩ mono wa, ma tô hâiwa ãma romhuri'wa norĩ hã pawaibu za'ra. Tahawa ma tô 'ri nho'õmo hawi oto te te simro. E marĩ wa. Uburé Danhib'apito, Loho ãma siwamri wa.

Zenezi 19:16 ပူးပေါင်းရင်းမြစ်များ

Zenezi 19:15

Tawamhã hâiwa ãma romhuri'wa norĩ, robza'rã ré te Loho ma rob'ru zahi za'ra, ãne: — Ma'ãpé ai'aba'ré na aimro norĩ, ai'ra sipi'õ maparane ihâimana zahuré me ã hawimhã sani za'ra na, 'ri nho'u si'utõrĩ wa, dame ai'utõrĩ aba tõ da.

Zenezi 43:10

Wazô rowaptâ'â za'ra ãna wahâimana za'ra õ 'wa'âhã, wa aré maparane wasi'aba'rézém na nasi wasina siri za'ra ni, õwamhã duré we apâ hã.

Salmu 103:13

Damama, ti'ra norĩ ãma 're isiwamri pese mono ne, te duré Uburé Danhib'apito te te 're iwazéb za'ra mono norĩ ãma hã sa'ẽtẽ na 're siwamri.

Salmu 118:1

Uburé Danhib'apito ãma si te za 're aiwata u'âsi za'ra wa'aba mo, õhõ si wẽ wa, duré isimizawizé hã õne u'â 're hâimana mono wa.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Salmu 32:10

Iwasété norĩ hã te te 're robzépata za'ẽtẽ za'ra mono di. Tane nherẽ, Uburé Danhib'apito, te te sina 're i'umnhasi za'ra mono norĩ hã te i'wawi 're simapa za'ra.

Salmu 34:12

E asima wẽ za'ra wa'aba õ di bété, ato sina 're i'aihâimana za'ra wa'aba mono zéb da hã. E duré asima wẽ za'ra wa'aba õ di, 're aihâimana hâ za'ra wa'aba mono da hã.

Ezodu 34:6

Tawamhã Mozésihi nho're te te oto ro'razâri wamhã, ma tô mreme 'rãihâ na tinha ãne: — Wa hã Uburé Danhib'apito, 'Re ihâimana u'âsi mono! Wa hã da'ãma 're ĩsiwãrĩ wẽ mono 'wa, duré da'ãma 're ĩpẽ'ẽzé mono 'wa. Dazada hã 're ĩnhiti'ru su'u mono õ di. Duré dama ĩ'umnhasizé, ĩnhimizawizé me hã sa'ẽtẽ uptabi zahuré di.

Ezodu 34:7

Tahawa, danhihudu dasitébré mono sidâpâsi wa õne u'â ĩnhimiropisutuzém na hã te tãma ãma 're a'uwaimrami. Duré marĩ iwasédé da te 're i'manharĩ za'ra mono zém na hã, duré 're idawasété za'ra mono zém na hã te da'ãma 're ab'madâ'â mono õ di, nima norĩ ãma hã. Tane nherẽ, damama tiwasédé te te 're i'manharĩ za'ra mono u'âbâmhã i'ra norĩ ma hã, isihudu norĩ ma hã, isihudu 'ra norĩ ma hã, duré isihudu 'ra 'ra norĩ ma hã, ĩnhimihâzé hã te tãma 're ba'a waihu'u za'ra mono õ di.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Zuwã 6:44

Dasi'uihâ na da te 're ĩzazei waihu'u za'ra mono õ di za. Ĩmama si te za te te 're da'apisutu we ĩzatõrĩ'wa hã, da te 're ĩzaze za'ra mono da. Tawapsi te za da te 're ĩzaze za'ra. Tawamhã 're dadâ'â za'ra mono wa, wa za bâtâ na ab're hawi da'ahâiwa'utu ti'a isi'utõrĩzéb ãma, apâ 're dahâimana u'âsi za'ra mono da oto.

Roma 9:18

Tahawa, 'Re ihâimana u'âsi mono hã ni'wam norĩ ãma 're pẽ'ẽzé za'ra mono da, te te sima 're wẽ za'ra mono wamhã, te za tô ãma 're pẽ'ẽzé za'ra, ãma 're siwãrĩ za'ra mono da. Duré te te sima 're ida'awẽ mono zéb uwaibaba, te za te te 're da'a'rãnhito, danhimirosa'rata wasété nhiptete na a'â 're dahâimana za'ra mono da.

2 Corĩtu 1:3

'Re ihâimana u'âsi mono ãma si, 're wawata za'ra wa'aba mono za, Wanhib'apito Zezu Cristuhu mama ãma. Ta hã te wa'ãma 're siwamri u'âsi. Te duré te te 're wa'apawaptob u'âsi, wapẽ hã i're wama 're simi'wara u'âsi mono da.

Titu 3:5

'Re iwanomro wasété mono hawi, ma tô te te 're wa'anho'reptu. E 're wanomro wẽ mono wa, duré e wa te dama 're rob'manharĩ wẽ za'ra mono wa, ma tô te te 're wa'anho'reptu. Mare di. Wa'ãma 're ipẽ'ẽzé mono zarina, ma tô te te 're wa'anho'reptu. Tipẽ'ẽzani te te wama 're i'anhomri mono na, ma tô wapẽ'ẽ 're te te 're wa'apoto té. Wawasété hawi, ma tô wapẽ'ẽ 're, te te 're wa'a'upsõ, ãma 're wanomro wẽ mono da oto.

Zozué 6:22

Tawamhã te Zozué, aibâ norĩ te te iwapsãi'a zahuré ma hã, tãma nharĩ zahuré, ãne: — Ma'ãpé azasi aba, Ra'abi siwa'ru 're ihâimana mono nhorõwa u, we wazere aba da rob u, isiré isõrõwa 're, isi'ubumro norĩ me, tãma iropisutu aba zéb zarina.

2 Pedru 2:7

Loho si 're morĩ wẽ wa, ma tô sõ'reptu, 'Re ihâimana u'âsi mono hã. Dahâimana nhiséb'õ na, 're dahâimana za'ra mono wa, ma tô tipẽ'ẽ na aré te te 're robzépata, Lo hã.

2 Pedru 2:9

'Re ihâimana u'âsi mono ma, waihu'u pese di, Lo hã te te isõ'reptuzéb da hã. Tane duré, Wanhib'apito ma waihu'u pese di, ro'wa'rutu hawi te te 're i'anho'reptui mono zéb da hã, isimiroti 'madâ'â pese 'wa norĩ hã. Duré tãma waihu'u pese di, te te 're ida'ahâ za'ra mono zéb da hã, 're idanomro wasété mono norĩ hã, bâdâ iwa iwaptã'ãzéb u hã, dahâimanazém na te te ida'awaihu'uzéb da hã. Tawapsi te za dahâimanazéb zarina te te dama 're arowairébé, rob'rãsutuzéb ãma.