Zenezi 19:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã hâiwa ãma romhuri'wa norĩ, robza'rã ré te Loho ma rob'ru zahi za'ra, ãne: — Ma'ãpé ai'aba'ré na aimro norĩ, ai'ra sipi'õ maparane ihâimana zahuré me ã hawimhã sani za'ra na, 'ri nho'u si'utõrĩ wa, dame ai'utõrĩ aba tõ da.

Zenezi 19:15 ပူးပေါင်းရင်းမြစ်များ

Zenezi 19:14

Tawamhã ãne te te tãma waihu'u zahuré wa, ma tô Lo, ti'ra sipi'õi mro norĩ da hã, te te po're pu'u za'ra da hã mo. Tahawa, ma tô ãne tãma nharĩ za'ra: — Awa'awi ã hawimhã aiwairébé aba. Uburé Danhib'apito, ã hã 'ri nho'u hã te za uprosi! Tane nherẽ, te ãma rosa'rata za'ra, sima to na te te tãma nharĩ za'ra newa.

Zenezi 19:16

Tawamhã Lo, timro ré duré ti'ra norĩ ré 're siwairĩ mono wa, ma tô hâiwa ãma romhuri'wa norĩ hã pawaibu za'ra. Tahawa ma tô 'ri nho'õmo hawi oto te te simro. E marĩ wa. Uburé Danhib'apito, Loho ãma siwamri wa.

Zenezi 19:17

Tawamhã 'ri nho'õmo hawi te te oto sani za'ra wamhã, te ãne nima hã hâiwa ãma romhuri'wa tãma tinha, Loho ma: — Ma'ãpé aiwara sina si aiwara, asisõ'reptu da! Asiwa'rãmi hã we rob'madâ'â tõ. Romharé rowa'wa 're ihâimana mono ãma hã asimizazâri tõ. Ẽtẽ u si ãma aiwara waré na. Tamomo aiwara õ wamhã, te za atâ.

Zenezi 19:22

Ma'ãpé tô tamomop si ai'aba'ré na sa'ẽtẽ hã aiwara. E marĩ wa. Tamomo zahadu aiwisi õ ré, marĩ hã te 'manharĩ waihu'u õ di za a'â. Tahawa 'ri nho'u hã ma tô Zoa na da te 're sisi za'ra.

Salmu 94:23

Tawamhã 'Re ihâimana u'âsi mono te za ã hã da'ãma rowairébé'wa norĩ nhisiwi iwasété 'manharĩ za'ra zé waptã'ã da hã tãma pisutu za'ra. Uburé Danhib'apito, wate 'Re ihâimana u'âsi mono hã te za uprosi, isimi'manharĩ wasété za'ra u'âbâmhã.

2 Corĩtu 6:2

Duréihã Izaia hã ma tô 'Re ihâimana u'âsi mono mreme na rob'ui'éré, ãne: “Ai'ãma ĩpẽ'ẽzézéb da, bâdâ te ĩsima ipisutuzém na, wa tô aiwapa. Te i'asõ'reptuzéb da, bâdâ hã iwa waptã'ã wamhã, wa tô aipawapto tô.” Ma'ãpé, ĩwapari pese za'ra wa'aba. Bâdâ ma tô oto iwa waptãrã, 'Re ihâimana u'âsi mono nhimizawi pese zé hã asi'uihâ na asima tiwi waptẽrẽ za'ra wa'aba da, duré te te asõ'reptu za'ra wa'aba da.

Apocalipsi 18:4

Tawamhã wa tô duré wapa, damreme hâiba amo hã hâiwa hawi te te inharĩ hã. Ãne te tinha: — Ĩnhib'a'uwẽ norĩ, ma'ãpé ta hawi aiwairébé aba, 'ri nho'õmo za'ẽtẽ hawi, dasine 're aiwasété tõ za'ra wa'aba mono da, duré dawasété norĩ hã za te te 're irobzépata za'ra mono norĩ zu, 're robzépata tõ za'ra wa'aba mono da.