Zenezi 19:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto.

Zenezi 19:1 ပူးပေါင်းရင်းမြစ်များ

Zenezi 11:27

à hã Teraha 'ra norĩ wasu'u, isihudu norĩ wasu'u me. Tera hã, Abrãhã mama, Naoho mama, duré Harãhã mama. Tawamhã duré Harã hã, Loho mama.

Zenezi 13:12

Tawamhã Abrã, Cana'ã ti'ai 'remhã ma tô sisa'u zahuré hã 're hâimana u'âsi. Tane nherẽ, Lo hã ma tô ta hawimhã zâmo, ro Sodoma 'rata, 'ri nho'u siwaptõma, ihâimana za'ra wa'wa ẽtẽ siwa'aba ãma, te te sima 'ri nharĩ da,

Zenezi 18:16

Tawamhã itẽme isihutu norĩ, ihawi si'aba'ré da, oto wahutu za'ra wamhã, ma tô 'ri nho'u Sodoma sisahâpâ siwi 'madâ. Tahawa, Abra'ã ma tô isiré timorĩ za'ra, bâdâdi te te a'â tãma wasu'u za'ra mono da.

Zenezi 18:22

Tawamhã maparane itẽme isimasi, ma tô oto tineb zahuré, Sodoma nho'õmoi baba. Tane nherẽ, Uburé Danhib'apito si te Abra'ãhã siré tihâiba, isa'u zahuré hã.

Zenezi 19:10

Tane nherẽ, itẽme isimasisi zahuré hã ma tô Lo hã sitẽme 'wani zahuré, 'ri para u. Taha pari ma tô 'ridawa hã iré sitob zahuré.

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 23:12

Tawamhã Abra'ã, ma tô hitita norĩ nho're apâ hã tãma aiwẽ'ẽ za'ra.

Zenezi 48:12

Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Salmu 69:12

'Re idasisõpẽtẽ pese za'ra mono zéb ãma, te duré te te sima ĩ'ãma 're robzanhamri za'ra. Âzé zei'wa norĩ hã te duré ĩ'ãma niha na 're sõ're za'ra, siwa'ru.

Luca 17:28

Duré, Lo hã 're hâimana mono ré, 're idahâimana za'ra mono zém ne, te za 're dahâimana za'ra, apâ we imorĩzéb u hã. Ta norĩ hã ma tô 're saihuri. Ma tô duré te te 're âhuri. Marĩ hã ma tô da te dasiwi 're uipra za'ra duré. Ma tô da te dasima 're rowede za'ra. Daburu ãma, ma tô da te 're robzuri. Ma tô duré da te dasima 're 'ri za'ra. Ãne, 're idahâimana za'ra mono zé hã.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

Ruti 4:1

Tawamhã Buazi te oto mo, 'ri nho'õmo 'wawi wa'ra nhitobzé uiwada 're ihâimana mono u. Tawamhã te tamemhã oto simire sina sô nhamra aibâ zô. Taha wi, ma tô Elimelequihi sisãnawã siwadi uptabi hã ro'razâ, Buazi te te iwasu'u Rutihi ma. Tawamhã Buazi te sô hâ: — Ĩsiwadi, we aimorĩ ãwa, ãme asãmra da. Tawamhã ma tô itẽme mo. Itẽme morĩ wamhã, ma tô nhamra.