Zenezi 18:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã powawẽ hâiwa'u tom norĩ, ihâiwa'ui me duré romnhi zebre norĩ me hã ma tô itẽme isihutu norĩ nho'remhã tãma sa'ra za'ra. Tawamhã saihuri ré hã, ma tô Abra'ã i'ratab za'ra rowede zahâpâ hâiwim haré za.

Zenezi 18:8 ပူးပေါင်းရင်းမြစ်များ

Zenezi 18:7

Tawamhã powawẽ 're isimasa mono zéb u, ma tô sapraba sina wara. Tahawa ma tô powawẽ zapu iprédup té hã 'mai'â. Tawamhã tite romhuri'wai ma, ma tô tãma tisõ, dasa te te ãma 'manharĩ da.

Zenezi 18:9

Tawamhã imro zô, te ãne duré siwi sadanha: — E mahãta aimro, Sara hã. — 'Ripara te nhamra. — Ãne te asa tãma wasu'u za'ra.

Zenezi 19:3

Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Neemia 12:44

Tawamhã tô taha bâtâ na ma tô aibâ norĩ romnhimi'warazé te te 're i'madâ'â za'ra mono da hã dasiwi pisutu za'ra ni, 'Re ihâimana u'âsi mono nhorõwa 'ri ma danhoprubzé nhimi'warazé hã, 10 na amnho tehâri wasi misi da te 're isani za'ra mono nhimi'warazé hã, wahup sidâpâsi amnho duré robrã imorĩ'rata na da te 're isinarĩ za'ra mono nhimi'warazé hã. Tahawa, aibâ norĩ hã 'ri nho'õmo mono waptoma da te 're irobzuri mono na 're idanhoprub za'ra mono hã te te siwi 're waibu, 'Re ihâimana u'âsi mono nhimiroti na rob'ui'éré te te i'ruzéb zarina, sasedoti norĩ ma, duré levita norĩ ma, te te tãma 're sõmri za'ra mono da. Tawamhã uburé Zudaha nhihudu norĩ hã tãma to za'ẽtẽ za'ra di, sasedoti norĩ nhimiromhurizé ma hã, duré levita norĩ nhimiromhurizé ma hã.

Luca 12:37

Tãma iromhuri'wa norĩ hã sõtõ ãna, sô simipari za'ra wamhã, tãma rowẽ za'ra di za. Tawamhã ãté mara wa'wa, te za apâ wi, isib'apito za'ra hã. Ãté si'a hârâ wi, te za apâ wi. Hâimana nhimiza'rese sina, sô 're simipari za'ra mono ré, apâ wisi wamhã, tãma rowẽ za'ra di za, tãma iromhuri'wa norĩ ma hã. Tawamhã apito nherẽ, sai õ ré, te za a'â ti'uza na ãma saprĩ, isa te te tãma sõmri mono da, tãma iromhuri'wa norĩ ma. Te za duré tãma nharĩ za'ra, tisai ma, si'ubumro da. Taha pari, te za duré tãma sõmri za'ra, isa hã.

Luca 17:8

Mare di. Ãne si te za tãma inha: “A'â ĩma asipi na. Asipi parip si, te za zazahâi wa'õtõ na asi'usi, ĩsa hã we ĩma iré âri da, duré â hã. Ĩsai parip si, te za asa. Te za duré ihâ'rẽ.” Ãne si te za tãma inha. Tawamhã te za aima ãma uwaimra, tãma i'ru zarina. Asiminhimi'ru hã te te ãma aima uwaimrami wa, e te za sô amnhasi, ãma aiwata zô hã. Mare di. Sô simnhasi õ di za.

Luca 24:30

Tawamhã i'rata te tinhamra zahuré, siré saihuri da. Sãmra wamhã, ma tô i'u'ẽne hã ti'â, Zezusi hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Ta hã ma tô duré tãma sõmri zahuré.

Luca 24:43

Tawamhã ma ti'â, te te 'rẽne da, isõ'a za'ra.

Zuwã 12:2

Tawamhã wisi wamhã, ma tô tãma api za'ra ni, sa da, Zezusi hã sawi te. Taha wamhã, Marta hã ma tô ĩsa tãma a'â. Lazaru hã te taha wamhã isiré dame nhamra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41

Aihĩni, da te sabu za'ra õ di. Wa norĩ si wa tô wahâiba pisutu sabu za'ra ni. Romhâ ré, ma tô 'Re ihâimana u'âsi mono hã sima wawẽ za'ra, Zezusihi hâiwa'utuzém na wa te dama 're rowasu'u za'ra mono da. Tahawa, watẽmep si ma tô satõ, Zezusi hã hâiwa'utu parimhã. Wa tô isiré wasaihuri ni. Wa tô duré isiré âhuri ni, apâ hâiwa'utu parimhã.

Galata 5:13

Ĩsisãnawã norĩ, 'Re ihâimana u'âsi mono hã ma tô aima pisutu za'ra wa'wa, rowẽ na ãma 're aihâimana za'ra wa'aba mono da, isimiroti na rob'ui'éré 'rata zarina, 're irob'manharĩ za'ra wa'aba mono zém na 're asõpré wa'aba mono tõ da, taha zarina, 'Re ihâimana u'âsi mono te te 're asõ'reptu za'ra wa'aba mono dai õ wa. Tane nherẽ, rowẽ na 'Re ihâimana u'âsi mono ãma 're aihâimana za'ra wa'aba mono wẽ te, marĩ iwẽ'õ na aipẽ'ẽ 're, asima 're rosa'rata za'ra wa'aba mono wamhã, asina hã ãma 're rob'manharĩ za'ra wa'aba mono õ di za. Ãne te za oto 're anomro aba mo. Asimizawi pese za'ra wa'aba zéb zarina si, te za 're asipawaptob za'ra wa'aba mo niha wamhã asib'rata na, duré asimarĩ na zama, duré asimiroti na zama hã.

Apocalipsi 3:20

“Ma'ãpé duré, wapari pese za'ra wa'aba, te ãma isimiré hã. Aibâ te 'ridawab za. Tawamhã 'ri tede'wa hã te 'mahâ, sãmra zô, duré itẽme sébré da. Tawamhã 'ri tede'wa te te wapari wamhã, te za tãma 'ridawa, sitẽme te te 'mazébré da, siré sa zahuré wa, rowẽ na te te sima rowasu'u zahuré da. Tane wa hã aibâ, 'ridawa isam ne, wa asô 're ĩnhimipari za'ra wa'wa. Ĩmreme 're wapari za'ra wa'aba mono wa, ĩzô 're aihãsi aba mono zô, wa 're ĩnhimipari u'âsi. Tawamhã ĩzô 're aihãsi aba mono wapsi, duré asitẽme 're ĩ'mazasi za'ra wa'aba mono wapsi, wa za aipẽ'ẽ 're, 're ĩnhamra u'âsi za'ra wa'wa. Tawapsi, wa za wasiré rowẽ na 're wahâimana u'âsi za'ra.

Zuize 13:15

Tane nherẽ, Manoa te te waihu'u õ di, Uburé Danhib'apito ma Hâiwa ãma Romhuri'wa na, õ hã. Tahawa te ãne tãma tinha: — Ĩzawi na hã a'â aimorĩ tõ. Pone'ẽrebâ zéré uzé 'ra na aima iwanhipi hã a'â sapari. — Ĩnhamra wamhã, te 'rẽne dai õ di, asai wa'wa hã! — Ãne Hâiwa ãma Romhuri'wa ma te ãma tãma wa'rã. Te duré tãma tinha ãne: — Tane nherẽ, asima iwẽ zarina dasa 'manharĩ da wamhã, ma'ãpé Uburé Danhib'apito ma asõprubzéb da hã tãma zata.

Zuize 5:25

Tawamhã Sisera te â si waptẽ. Tane nherẽ, abaze hâiwa'u si ma te tawamhã tãma tisõ. Abaze hâiwa'u top si ma tô tãma ti'â, hâsizé isa'ẽne iwaipo iwẽ uptabi wa.