Zenezi 18:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã powawẽ 're isimasa mono zéb u, ma tô sapraba sina wara. Tahawa ma tô powawẽ zapu iprédup té hã 'mai'â. Tawamhã tite romhuri'wai ma, ma tô tãma tisõ, dasa te te ãma 'manharĩ da.

Zenezi 18:7 ပူးပေါင်းရင်းမြစ်များ

Zenezi 18:6

Tawamhã Abra'ãhã ma tô si'aba'ré na 'ri para u hã ãzé, Saraha tẽme. Sébré wamhã, ma tô ãne tãma tinha: — Ma'ãpé, ai'aba'ré na 10 kilu na ipire pibuzém na trigu 'mai'âri, i'u'ẽtẽ wapu waptu na 'ma'manharĩ da.

Zenezi 18:8

Tawamhã powawẽ hâiwa'u tom norĩ, ihâiwa'ui me duré romnhi zebre norĩ me hã ma tô itẽme isihutu norĩ nho'remhã tãma sa'ra za'ra. Tawamhã saihuri ré hã, ma tô Abra'ã i'ratab za'ra rowede zahâpâ hâiwim haré za.

Zenezi 19:3

Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Mateu 22:4

Tahawa, te duré apito, tãma iromhuri'wa norĩ hâiba amo hã satõrĩ za'ra, ãne: “Mo oto ai'aba'réi wa'aba, aré sô ĩhârâ 'rata za'ra norĩ zô. Tawamhã ãne te za tãma ĩzadawa wasu'u za'ra wa'wa: ‘Powawẽ norĩ hã, duré powawẽ zapu da te dasima ihâipese za'ra hã ma dasiwi simro ni. Uburé ma tô marĩ hã dasiwi 'rã'õtõ ni, dasa da te ihurizéb da hã. Tahawa, te za we ĩtẽme ai'aba'réi wa'wa oto, wasiré wasa hã wa te huri da, ĩ'ra ĩma imrozém na.’ Ãne te za ta norĩ ma ĩzadawa wasu'u za'ra wa'wa.” — Tawamhã apito hã te te sô satõrĩ za'ra wa, te oto sô ai'aba'ré.

Luca 15:23

Tawamhã te duré tãma nharĩ za'ra, ãne: “Powawẽ zapu zama, we asiwi 'mai'ãwisi aba, wĩrĩ aba da, ihâipe hã.

Luca 15:27

— “Ano hã rowẽ na ma tô wei wi. Tahawa, wei wisi wẽ te, ma tô wama ti'ru aimama hã, powawẽ ihâipe hã wa te wasiwi wĩrĩ da, wasaihuri da.” Ãne te idub'rata ma rowasu'u, romhuri'wa hã.

Luca 15:30

Ãhã na ai'ra hã ma tô wi. Asibro hã tãma ipo hã ma tô pi'õ na si hã uprosi. Tane nherẽ, ma tô wisi wi, dama i'ru, powawẽ ihâipe hã da te tãma 'maiwĩrĩ da.” Ãne te timama ma tinha, idub'rada hã.

1 Samuéu 28:24

Tawamhã ma tô pi'õ hã waptu na tiwĩ powawẽ zapu hâi pe hã. Ma tô duré ti'â amnho trigu zub'a ré zama. Ma tô warutu. Tawamhã ma tô duré sebre tãma, i'u'ẽtẽ wapu duptoi ãna.