Zenezi 18:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Abra'ãhã ma tô si'aba'ré na 'ri para u hã ãzé, Saraha tẽme. Sébré wamhã, ma tô ãne tãma tinha: — Ma'ãpé, ai'aba'ré na 10 kilu na ipire pibuzém na trigu 'mai'âri, i'u'ẽtẽ wapu waptu na 'ma'manharĩ da.

Zenezi 18:6 ပူးပေါင်းရင်းမြစ်များ

Zenezi 18:5

Dasa zama suru na wa za aima amrami za'ra wa'wa a'â, asiptete sina bâdâdi na ai'aba'réi wa'aba zém na ãma uzusi za'ra wa'aba da, aima romhuri'wa tẽme we ãwa ĩtẽme aihutu aba dâ'âsina. Tawamhã ma te ãne asa hã ãma tãma wa'rãmi za'ra: — Wẽ di tô. Marĩ õ di, wa ãma wasiwi asaze ni.

Zenezi 18:7

Tawamhã powawẽ 're isimasa mono zéb u, ma tô sapraba sina wara. Tahawa ma tô powawẽ zapu iprédup té hã 'mai'â. Tawamhã tite romhuri'wai ma, ma tô tãma tisõ, dasa te te ãma 'manharĩ da.

Zenezi 19:3

Tane nherẽ, Lo te nasi satõrĩ zadawa za'réi õ zahuré. Tahawa ma tô isõrõwa u oto isiré tineb zahuré. Tawamhã Lo, te danhimi'ru za'ra, dasa iwẽ na tãma danhipi zahuré da hã. Duré i'u'ẽtẽ wapu duptoi'õ da te tãma 'mazebre zahuré da, ma tô dama ti'ru. Tahawa itẽme isimasi hã taha na te oto tisa zahuré.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Mateu 13:33

Tawamhã Zezusi hã ma tô duré ãne na tãma ãma romnhimiré'é za'ra, isiré 're inomro mono norĩ ma: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Pi'õ hã te za i'u'ẽtẽ wapu duptobzé hã suru na sa'wa, trigu 'rã zu pese wazari, trigu zub'a si, sa'ẽtẽ uptabi wa. Tawamhã te te wazari pese wamhã, te za tidupto, i'u'ẽne hã. Duré te te mapu wamhã, te za oto tiza'ẽtẽ. Ãhã sine duré, 'Re ihâimana u'âsi mono, da'ãma 're isib'a'uwẽ mono zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:15

Tahawa, ma tô â dawabzuri hã 'manharĩ za'ra, Lidia norĩ hã isiré isõrõwa ãma 're isi'ubumroi mono norĩ me. Taha pari, te duré wazô tihârâ za'ra, i'rata wasi'ubumro da a'â. Ãne te wazô tihârâ za'ra: — Wa hã, Wanhib'apito zazei'wa na sena na ĩwaihu'u za'ra wa'aba wamhã, ĩnhorõwa ãma te za asimroi wa'wa a'â. Ãne wama siwaihu'u za'ra zawi te, wa tô itẽme ai'aba'ré ni, i'rata wasi'ubumro da a'â.

Roma 12:13

Asiré isazei'wa norĩ wi, marĩ zô tiwi 're irowaptâ'â za'ra mono zéb zarina, te za asimarĩ na 're ipawaptob za'ra wa'aba mo. Duré darob amoi hawi atẽme wa'aba 're dasihutu mono wamhã, te za sô 're atob'uzu za'ra wa'aba mo, asiré isazei'wa norĩ zô hã, asõrõwa u 're 'mazasi za'ra wa'aba mono da.

Galata 5:13

Ĩsisãnawã norĩ, 'Re ihâimana u'âsi mono hã ma tô aima pisutu za'ra wa'wa, rowẽ na ãma 're aihâimana za'ra wa'aba mono da, isimiroti na rob'ui'éré 'rata zarina, 're irob'manharĩ za'ra wa'aba mono zém na 're asõpré wa'aba mono tõ da, taha zarina, 'Re ihâimana u'âsi mono te te 're asõ'reptu za'ra wa'aba mono dai õ wa. Tane nherẽ, rowẽ na 'Re ihâimana u'âsi mono ãma 're aihâimana za'ra wa'aba mono wẽ te, marĩ iwẽ'õ na aipẽ'ẽ 're, asima 're rosa'rata za'ra wa'aba mono wamhã, asina hã ãma 're rob'manharĩ za'ra wa'aba mono õ di za. Ãne te za oto 're anomro aba mo. Asimizawi pese za'ra wa'aba zéb zarina si, te za 're asipawaptob za'ra wa'aba mo niha wamhã asib'rata na, duré asimarĩ na zama, duré asimiroti na zama hã.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

1 Pedru 4:9

Te za duré 're ida'mazasi wẽ za'ra wa'aba mo ari'iwi, 're dawata'ẽ za'ra wa'aba mono ãna.

Zuize 6:19

Tawamhã Gidiã 'ripara u sébré wamhã, ma tô pone'ẽrebâ zéré uzé 'ra na dasa hã 'manha. Ma tô duré i'u'ẽtẽ wapu duptoi'õ na 'manha, 10 kilu na trigu zub'a na hã. Taha pari dasa te te i'manharĩ hã, ma tô si'õtõ 're tisẽ. Ma tô duré iwa'ui ré hã piza'a 'remhã tisẽ. Tawamhã dasai ré te te oto âri wamhã, ma tô Uburé Danhib'apito ma Romhuri'wa, carvariu zahâpâ isãmra ma tãma tisõ oto.

1 Samuéu 28:24

Tawamhã ma tô pi'õ hã waptu na tiwĩ powawẽ zapu hâi pe hã. Ma tô duré ti'â amnho trigu zub'a ré zama. Ma tô warutu. Tawamhã ma tô duré sebre tãma, i'u'ẽtẽ wapu duptoi ãna.