Zenezi 18:32 - ꞌRe Ihâimana Uꞌâsi Mono Zadawa Wasuꞌu

³² Abra'ã hã irẽme ma, te duré ãne tãma tinha: — Ĩnhib'apito, ĩzada asiti'ru tõ. Irẽme ma wa za oto asadanha. Bété 10 na 're idanomro wẽ mono dahâiba wamhã, e ta norĩ u'âbâ 'ri nho'u hã uprosi õ di za. — 10 na 're idanomro wẽ mono dahâiba u'âbâmhã, 'ri nho'u te duré uprosi õ di za. — Ãne ma te asa ãma sada'â 'Re ihâimana u'âsi mono hã.

Zenezi 18:32 ပူးပေါင်းရင်းမြစ်များ

Zenezi 18:30

Tawamhã Abra'ã te duré ãne tãma tinha: — Ĩnhib'apito, ĩzada asiti'rui õ di za, za duré te aima inharĩzém na hã. Bété 30 na 're idanomro wẽ mono dahâiba wamhã, e niha za tawamhã. Tawamhã 'Re ihâimana u'âsi mono, ma ãne ãma sada'â asa: — 30 na 're idanomro wẽ mono dahâiba wamhã, te uprosi õ di za, 'rinho'u hã.

Zenezi 18:31

Abra'ã te duré ãne tãma tinha: — Ĩnhib'apito, ĩmreme nhiséb'õ na wa tô aima nharĩ siwapto. Tane nherẽ, ĩ'ruiwapari õ di za. Bété 20 na 're idanomro wẽ mono dahâiba wamhã, e niha za duré. — 20 na dawẽ norĩ dahâiba wamhã, ĩma isawi za'ra zéb zarina, 'ri nho'u hã te uprosi õ di za. — Ãne ma te asa ãma sada'â 'Re ihâimana u'âsi mono hã.

Zenezi 44:18

Tawamhã Zuda, Zuzéhé u 'râwi pesere te te sina ropto wamhã, te ãne tãma tinha: — Apito, ma'ãpé ĩzawi na hã a'â bâdâ ĩma sa'ré na, ĩsima iwẽ na ĩnhiptete sina te aima nharĩ da. Ĩzada asahi tõ, a hã danhipai u apito uptabi ne aihâimana dâ'âsina.

Ezodu 32:14

Tawamhã Uburé Danhib'apito tinhimirosa'rata na ma tô ãma saprĩ. Tahawa, isib'a'uwẽ norĩ zô robzépatazé ipire watobro da, te te aré ãma iropisutuzém na hã ma tô siwi 'ma'rã, te te 'manharĩ tõ da.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Mateu 7:7

— 'Re ihâimana u'âsi mono wi, te za iwẽ hã 're iwaptẽrẽ za'ra wa'aba mo. Tawamhã te za tô te te aima 're anhomri 'wa. Iwẽ zô si te za duré asima 're asõpré u'âsi aba mo. Tawamhã taha zarina te za tô te te aima ãma 're a'uwaimrami 'wa, 'Re ihâimana u'âsi mono hã, 'râwi aima 're hâimana za'ra wa'aba mono da. Duré ni'wa hã 'ri tede'wa zô te te 're i'ridawa ta'a mono ne, te za iwẽ hã tiwi 're iwaptẽrẽ za'ra wa'aba mo. Tawamhã 'ri tede'wa te te tãma i'ridawa ne, te za tô 'Re ihâimana u'âsi mono iwẽ hã te te aima 're anhomri 'wa, si'uihâ na.

Éfézu 3:20

'Re ihâimana u'âsi mono hã waihu'u pese di, te te wama ãma 're i'a'uwaimrami mono zéb da hã, marĩ iwẽ zô wa te 're irosa'rata za'ra mono zém nhipai u, duré marĩ iwẽ hã wa te tiwi 're iwaptẽrẽ za'ra mono zém nhipai u zama. Tiwaihu'u pese na te te 're iwa'apawapto mono zéb zarina, tãma waihu'u pese di, iwẽ na te te wama ãma 're i'a'uwaimrami mono zéb da hã.

Zuize 6:39

Ãhã wa, ma tô duré 'Re ihâimana u'âsi mono wi tiwi rowaptẽ ãne: — Ma'ãpé ĩzada asahi tõ. A'â duré bâdâ hã ĩma sa'ré na, misi irẽme ma, te duré aiwi waptẽrẽ da. Ma'ãpé ĩzawi na hã ĩma waprosi, niha zô pone'ẽrebâ zéré a'â duré te sa'ra na sahu da, pé pone'ẽrebâ zéré si ãhã na hã te te waihi ãna hâimana zô, pé duré oto ti'a si te te waihi zô, atébré hã.