Zenezi 18:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã Abra'ã te duré ãne tãma tinha: — Ĩnhib'apito, ĩzada asiti'rui õ di za, za duré te aima inharĩzém na hã. Bété 30 na 're idanomro wẽ mono dahâiba wamhã, e niha za tawamhã. Tawamhã 'Re ihâimana u'âsi mono, ma ãne ãma sada'â asa: — 30 na 're idanomro wẽ mono dahâiba wamhã, te uprosi õ di za, 'rinho'u hã.

Zenezi 18:30 ပူးပေါင်းရင်းမြစ်များ

Zenezi 18:29

Te duré Abra'ã tãma tinha ãne: — Bété 're idanomro wẽ mono 40 na dahâiba wamhã, e niha te za tawamhã tiromhâiba. — 40 na dawẽ norĩ dahâiba wamhã, ĩma isawi za'ra zéb zarina, 'ri nho'u hã te uprosi õ di za. — Ãne ma te asa ãma sada'â, 'Re ihâimana u'âsi mono hã.

Zenezi 18:31

Abra'ã te duré ãne tãma tinha: — Ĩnhib'apito, ĩmreme nhiséb'õ na wa tô aima nharĩ siwapto. Tane nherẽ, ĩ'ruiwapari õ di za. Bété 20 na 're idanomro wẽ mono dahâiba wamhã, e niha za duré. — 20 na dawẽ norĩ dahâiba wamhã, ĩma isawi za'ra zéb zarina, 'ri nho'u hã te uprosi õ di za. — Ãne ma te asa ãma sada'â 'Re ihâimana u'âsi mono hã.

Zenezi 44:18

Tawamhã Zuda, Zuzéhé u 'râwi pesere te te sina ropto wamhã, te ãne tãma tinha: — Apito, ma'ãpé ĩzawi na hã a'â bâdâ ĩma sa'ré na, ĩsima iwẽ na ĩnhiptete sina te aima nharĩ da. Ĩzada asahi tõ, a hã danhipai u apito uptabi ne aihâimana dâ'âsina.

Salmu 10:17

Uburé Danhib'apito, a hã te za da te ãma 're iro'wa'rutu za'ra mono norĩ mreme hã 're i'awapari mo. Te za duré ipẽ'ẽ nhiptetezé hã tãma 're i'anhomri mo.

Salmu 89:7

A hã aiwazé pese na, te ta norĩ 're isi'rã'õtõ mono zéb ãma tãma 're aihâimana za'ra mo. Tame te te siwi 're i'ai'uirĩ za'ra mono norĩ hã te duré uburé te te siwi 're aiwazé pese.

Zuize 6:39

Ãhã wa, ma tô duré 'Re ihâimana u'âsi mono wi tiwi rowaptẽ ãne: — Ma'ãpé ĩzada asahi tõ. A'â duré bâdâ hã ĩma sa'ré na, misi irẽme ma, te duré aiwi waptẽrẽ da. Ma'ãpé ĩzawi na hã ĩma waprosi, niha zô pone'ẽrebâ zéré a'â duré te sa'ra na sahu da, pé pone'ẽrebâ zéré si ãhã na hã te te waihi ãna hâimana zô, pé duré oto ti'a si te te waihi zô, atébré hã.