Zenezi 18:25 - ꞌRe Ihâimana Uꞌâsi Mono Zadawa Wasuꞌu

²⁵ 'Re idanomro wasété mono zu, dawẽ na 're idahâimana za'ra mono i'uprosi da hã te ãma rosa'rata waihu'u õ di, dasine tiwasédé te te 're 'manharĩ za'ra mono õ nherẽ. Asimirob'manharĩzéb uwaibaba õ di, ãne hã. E marĩ wa. A hã uburé pese da'ãma 're irowairébé mono 'wa te 're aihâimana mo. Tahawa te za i'uwaibaba na si niha na dama 're i'ab'manharĩ mo.

Zenezi 18:25 ပူးပေါင်းရင်းမြစ်များ

Zenezi 18:24

Bété 50 na 'ri nho'õmo 're, dawẽ norĩ dahâimana za'ra wamhã. E tane nherẽ, te za 'ri nho'u hã iré i'uprosi za'ra. E 50 na dawẽ norĩ aima isawi pe ihâimana za'ra zéb zarina, asimihâzé hã bété 'ri nho'õmo ma, ba'a õ di za.

Neemia 9:33

Uburé marĩ wa'ãma 're ihâimana za'ra mono zé hã ma tô i'uwaibaba si wa'ãma 're i'a'madâ'â mo. Duré wa norĩ hã wawasété si wa te aiwi 're 'manharĩ za'ra mono nherẽ, ma tô ibâ na si wama 're i'arob'manharĩ mo.

Salmu 94:2

A hã te uburé ti'ai ãma da'ãma rowairébé'wa na 're aihâimana mo. Tahawa, ma'ãpé 're isi'madâ'â ze za'ra mono norĩ ma, niha na tãma rob'manharĩ za'ra na, tô ibâ na marĩ te te 're i'manharĩ za'ra mono zéb zarina.

2 Corĩtu 5:10

E marĩ wa, wa za ãhã zô si, wa te 're rob'ruiwapari u'âsi za'ra, ti'ab ré hã. Niwapsi, wa za tô uburé Cristuhu nho're aimasam ni, te te wa'awaihu'u da, wahâimana wẽ na, duré wahâimana wasété na zama. Tame te za oto niha te te wama 're arowairébé, ti'ai ãma uburé marĩ, wa te 're i'manharĩ za'ra mono zéb zarina, iwẽ na, duré iwasété na.

Hebreu 12:23

Tame te oto 'Re ihâimana u'âsi mono nhib'a'uwẽ norĩ hã to sina 're si'rã'õtõ, aibâ hã dama 're poto 'rata za'ra mono wa, dama isawi pese ne, 'Re ihâimana u'âsi mono te te 're i'azawi pese mono norĩ hã, hâiwa ãma sisi ui'éré ré 're ihâimana za'ra mono norĩ hã. Tamomo ma tô itẽme 're irob'umhutu za'ra wa'aba mo, dahâimanazém na i'uwaibaba si te te 're ida'awaihu'u mono zéb zarina, da'ãma rowairébé'wai u hã. Duré ti'ai ãma ré iwẽ si te te 're i'manharĩ za'ra mono norĩ hã 're ihâimana za'ra mono zéb u, ma tô duré 're irob'umhutu za'ra wa'aba mo, 'Re ihâimana u'âsi mono te te tãma 're iwẽ za'ra mono zéb zarina si, rowẽ uptabi na oto 're ihâimana za'ra mono norĩ u hã.

Zuize 11:27

Mare di, wa hã! Marĩ te 'manharĩ õ di, taha u'âbâ asada ĩhâimana za'ra wa'aba da hã. Aiwétési ma iwasédé hã i'manha, ĩ'wapé da, asima iwẽzéb zarina. Uburé Danhib'apito si, da'ãma rowairébé'wa hã. Tahawa, te za taha si nimahã i'uwaibaba ma, tãma rowairébé zahuré, niha wamhã, Izaraéu nhihudu norĩ ma, niha wamhã duré amonita norĩ ma hã.