Zenezi 18:2 - ꞌRe Ihâimana Uꞌâsi Mono Zadawa Wasuꞌu

² 'Rãi wahutu wa, te te rob'madâ'â wamhã, ma tô si'ubdatõ aibâ norĩ isõ're isimasa 'madâ'â za'ra. Te te 'madâ'â za'ra wamhã, ma tô si'aba'ré na itẽme tiwara za'ra, te te sina uzusi za'ra da. Tawamhã hi'rãtitõ, ma tô isõ'reb za'ra nhamra. Ti'ubu na ti'ai u ma tô ropto.

Zenezi 18:2 ပူးပေါင်းရင်းမြစ်များ

Zenezi 17:3

Tawamhã Abrã, hi'rãtitõ ma tô tãma nhamra. Ti'ai u ti'ubu na ma tô ãma ropto. Tahawa, te 'Re ihâimana u'âsi mono ãne duré tãma tinha:

Zenezi 18:16

Tawamhã itẽme isihutu norĩ, ihawi si'aba'ré da, oto wahutu za'ra wamhã, ma tô 'ri nho'u Sodoma sisahâpâ siwi 'madâ. Tahawa, Abra'ã ma tô isiré timorĩ za'ra, bâdâdi te te a'â tãma wasu'u za'ra mono da.

Zenezi 18:22

Tawamhã maparane itẽme isimasi, ma tô oto tineb zahuré, Sodoma nho'õmoi baba. Tane nherẽ, Uburé Danhib'apito si te Abra'ãhã siré tihâiba, isa'u zahuré hã.

Zenezi 18:3

Tawamhã ma tô ãne tãma nharĩ za'ra: — Ĩnhib'apito norĩ, niha na asiwi ĩwẽsãmri aba wamhã, ma'ãpé wasitẽme wasihutu ãna wahâimana za'ra da hã, ĩnhorõwa ĩré asiwi sa'rei wa'aba õ di za.

Zenezi 19:1

Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto.

Zenezi 23:12

Tawamhã Abra'ã, ma tô hitita norĩ nho're apâ hã tãma aiwẽ'ẽ za'ra.

Zenezi 23:7

Tawamhã Abra'ã hâiwi sa wamhã oto, ma tô hitita norĩ nho'remhã tãma aiwẽ'ẽ za'ra.

Zenezi 24:63

Tawamhã hâiwahâ pesere nherẽ, ma tô watobro, ro hã te te 're awaimrami mono da. Tahawa, 'rãi wahutu wi, ma tô awaru ba'õmore we isi'aba'ré hã sãmri za'ra.

Zenezi 32:24

Tane nherẽ, te tawamhã daza'u siwaprosi za, zara niwĩ. Taha ré tame siwaprosi hâimana ré, aibâ itẽme we imorĩ hã ma tô Zaco 'wamhâ, ãma irowa'a zahuré zéb u.

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 43:26

Tawamhã Zuzé ma tô wi, tinhorõwa u. Wisi wi, ma tô tinhibzari hã tãma sõmri za'ra, tiza'rui hawi te te siré tãma i'wasari hã. Te te tãma sõmri za'ra wamhã, ma tô hi'rãtitõ isõ'remhã tãma asimro, ti'ubu na te te tãma roptob za'ra sina, ti'ai u.

Zenezi 43:28

— Ĩhe, aima romhuri'wa wamama za'ra hã te zahadu rowẽ na 're hâimana.

Zenezi 44:14

Tawamhã Zuzé zahadu tinhorõwa ãma hâimana ré, ma tô Zuda tisisãnawã norĩ me apâ itẽme aihutu. Sihutu wi, ma tô isõ're hi'rãtitõ tãma asimro, ti'ubu na ti'ai u te te roptob za'ra sina.

Zenezi 48:12

Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Roma 12:13

Asiré isazei'wa norĩ wi, marĩ zô tiwi 're irowaptâ'â za'ra mono zéb zarina, te za asimarĩ na 're ipawaptob za'ra wa'aba mo. Duré darob amoi hawi atẽme wa'aba 're dasihutu mono wamhã, te za sô 're atob'uzu za'ra wa'aba mo, asiré isazei'wa norĩ zô hã, asõrõwa u 're 'mazasi za'ra wa'aba mono da.

Hebreu 13:2

Darob amoi hawi atẽme 're dasihutu za'ra wa'aba mono wamhã, asõrõwa u, te za duré 're ida'mazasi wẽ za'ra wa'aba mo. Ni'wam norĩ hã tinhorõwa u te te 're da'mazasi wẽ za'ra mono wamhã, hâiwa ãma 'Re ihâimana u'âsi mono ma romhuri'wa norĩ hã ma tô te te 're 'mazasi wẽ za'ra, ta norĩ ma, tãma sa'rese za'ra õ nherẽ, hâiwa ãma romhuri'wa norĩ hã.

Zozué 5:13

Tawamhã Zozué, Zerico 'rata hâimana ré, ma tô aibâ simiza'rese õ ré tãma iwatobro hã 'madâ, sib'ézé 'wa pa ré isõ're isa hã. Tawamhã Zozué ma tô 'râwi itẽme wi. Itẽme wisi wamhã, ma tô sadanha ãne: — E a hã wasiré dasi'wapéi 'manharĩ'wa. E wanhitob'ru norĩ niwĩmhã.

1 Pedru 4:9

Te za duré 're ida'mazasi wẽ za'ra wa'aba mo ari'iwi, 're dawata'ẽ za'ra wa'aba mono ãna.

Zuize 13:3

Tawamhã Hâiwa ãma Romhuri'wa ma tô itẽme wi. Ta hã itẽme wisi wamhã, ma tô ãne tãma tinha: — Ai'ra waihu'u ãna te aré 're aimo. Tahawa aré niwamhã dana na hã 're aihâimana waihu'u mono õ di. Tane nherẽ, te za ãhã na hã oto aiwasã, ai'ra aima poto da.

Ruti 2:10

Tawamhã Ruti ma tô hi'rãtitõ nhamra. Ti'ubu na ma tô ropto, ti'ai u hã. Tawamhã te Buazihi ma tinha, ãne: — E tihai wa, ma tô ĩwẽsã, tiha hã ĩma i'manharĩ wẽ zéb da hã, wa hã dasiré a'uwẽ õ nherẽ.