Zenezi 18:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã ãne na imreme te te wapari wamhã, ma tô Sara hã tãma tipahi. Tahawa te tiwi ai'udâ ãne: — Ĩsihâ õ di. Tane nherẽ, Uburé Danhib'apito, ma te ãma tãma wa'rã ãne: — Senai õ di i'asiwasu'uzé hã. Ma! Te tô aihâ.

Zenezi 18:15 ပူးပေါင်းရင်းမြစ်များ

Zenezi 12:13

Tahawa, te za ĩhidiba na hã dama asiwasu'u. Tawamhã ãne na dama asiwasu'u wamhã, da te dasiwi ĩwĩrĩ õ di za. Te za duré dasiwi hã ĩ'âri wẽ ni.

Zenezi 18:14

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Zenezi 18:16

Tawamhã itẽme isihutu norĩ, ihawi si'aba'ré da, oto wahutu za'ra wamhã, ma tô 'ri nho'u Sodoma sisahâpâ siwi 'madâ. Tahawa, Abra'ã ma tô isiré timorĩ za'ra, bâdâdi te te a'â tãma wasu'u za'ra mono da.

Zenezi 4:9

Tawamhã Uburé Danhib'apito, nimahã na te Caĩ hã sadanha ãne: — E mahãta asisãnawã Abéu. — Me! Wa hã te waihu'u õ di. E wa hã ĩsisãnawã 'madâ'â'wa pâ. — Ãne Caĩ ma te asa ãma sada'â.

Salmu 44:21

te aré tô iwa'a'upsibi me, a hã niha na uburé danhimirosa'rada hã aima waihu'u pese wa, dasi'rep si pi'uriwi da te 're irosa'rata za'ra mono zé hã.

Salmu 44:22

Tane nherẽ, aiwétési wa te 're i'ai'madâ'â za'ra mono zarina, wa bâtâ sidâpâsi wadâ'âzé isimimnha hã wa te 're 'wapé za'ra. Duré wa norĩ hã pone'ẽrebâ da te 're isimroi mono zéb u 're inomro mono ne, wa 're wahâimana za'ra.

Provébiu 12:19

Dazadawa nhipe hã hâimana hâ õ di. Õne haré te za ai'utõ. Sena na damreme si te za 're hâimana hâ u'âsi.

Provébiu 28:13

Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

Marcu 2:8

Tawamhã 'râwi te te ãma irosa'rata za'ra zém na, ma tô Zezusi hã sina waihu'u za'ra. Tahawa, te tãma nharĩ za'ra, ãne: — E marĩ da, te ãne ĩ'ãma irosa'rata za'ra wa'wa.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

Éfézu 4:23

Asimirosa'rata wẽ na si te za oto 're irosa'rata za'ra wa'aba mo, taha zarina 're aihâimana wẽ za'ra wa'aba mono da oto.

Colosu 3:9

Taré asima 're asadawa nhipese za'ra wa'aba mono õ di za oto, 're anomro 'rata aba mono zé hã 're rẽme pese za'ra wa'aba mono nherẽ, uburé aiwasédé 're i'manharĩ za'ra wa'aba mono zé hã.

1 Zuwã 1:8

Ãté wa za taré 'râwi wasi'ãma wa te 're rosa'rata za'ra, ãne: “Wa norĩ hã wawasété ãna, wa 're wahâimana za'ra.” Ãne wasi'ãma wa te 're rosa'rata za'ra mono wamhã, wa za 'râwi wasima 're wazadawa nhipese za'ra, wawasété õ na wasina 're iwawata za'ra mono na. 'Re ihâimana u'âsi mono nhimiroti hã tô sena uptabi hã wapẽ'ẽ 're, wama 're hâimana za'ra mono õ di, ãne wamhã.