Zenezi 18:12 - ꞌRe Ihâimana Uꞌâsi Mono Zadawa Wasuꞌu

¹² Tahawa te sihâ sina ãne 'râwi sima tinha: — E niha wa za ĩnhib'apito ãma te ĩsima rosa'rata ze, wa norĩ hã oto ihire nherẽ, ãhã na hã. Sadai õ di.

Zenezi 18:12 ပူးပေါင်းရင်းမြစ်များ

Zenezi 17:17

Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Zenezi 18:13

Tawamhã Uburé Danhib'apito, te Abra'ã hã sadanha ãne: — E marĩ wa, te Sara hã aihâ. E marĩ da, te tinha, ihi wa, za oto i'ra waihu'u õ na hã.

Salmu 45:11

A hã ai'madâ'â zei wa, te za apito hã sima ai'madâ'â ze pese. Ta hã te za 're iwazé wẽ mo, tô asib'apito wa.

Éfézu 5:33

Aima za'ra wa'aba zama, te rowasu'u hã 're hâimana, ãma 're i'aihâimana za'ra wa'aba mono zéb da hã oto. Tahawa, aibâ norĩ, te za aimro 're isawi pese za'ra wa'aba mo. 'Re isawi pese za'ra wa'aba mono zéb zarina, marĩ iwẽ zô asima 're asõpré wa'aba mono ne, te za duré aimro ma zama 're asõpré wa'aba mo, iwẽ zô hã. Duré pi'õ norĩ, aimro hã te za 're iwazéb za'ra wa'aba mo.

1 Pedru 3:6

Ãne Sara hã ma tô 're mo. Timro mreme hã ma tô te te 're wapari pese, Abra'ãhã mreme hã. Tahawa, ma tô tinhib'apito na te te 're sisi Sara, Abra'ã hã. Tane te za duré a norĩ wa'wa hã aimro ma 're aihâimana wẽ za'ra wa'aba mo. Asina aihâtâ'â ãna, te za duré 're anomro aba mo. Tawamhã Saraha nhihudu na te za te te 're asisi za'ra wa'wa, 'Re ihâimana u'âsi mono hã.

Zuize 19:26

Tawamhã awẽ wi oto pi'õ morĩ wamhã, ma tô 'ri 're imro iwa inomrozé 'ridawa nho'remhã waptãrã. Tawamhã tamem haré ma tô nomro, ãma irowa'a pese zéb u.