Zenezi 18:11 - ꞌRe Ihâimana Uꞌâsi Mono Zadawa Wasuꞌu

¹¹ Abra'ã norĩ Saraha me hã hâiba prédub zahuré di oto. Tahawa Saraha 'razéb da, ãma iwahu hã ma tô oto sa're.

Zenezi 18:11 ပူးပေါင်းရင်းမြစ်များ

Zenezi 17:17

Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Zenezi 17:24

Tawamhã Abra'ãhã ãma 99 na iwahub ãma ma tô sihâiwata nhizâri ni, i'ra Ismaeu hã 13 na ãma iwahub ãma.

Zenezi 21:7

Tawamhã te duré tinha, ãne na zama: — E 'wa hã Abra'ãhã ma, te te aré nharĩ da bâ bété, Sara tihâ ti'ra ma, te te tãma isõmri da na hã. Wa hã si'ĩhire nherẽ, wa tô ĩ'ra ĩzé're hawi poto da hã tãma tisõ.

Zenezi 24:1

Tawamhã Abra'ã hã ihi uptabi na te 're hâimana oto. Duré Uburé Danhib'apito ma tô marĩ iwẽ hã te te tãma 're apisutu u'âsi.

Zenezi 24:36

Tawamhã Sara tô si'ihi uptabi nherẽ, ma tô ĩnhib'apito ma i'ra hã tãma tisõ. Tahawa, te za imama nhimarĩ hã i'ra dâ'âsina õhõ ma si si'uirĩ na hã uburé tãma sõmri za'ra.

Zenezi 31:35

Tawamhã Raqueu te timama ma tinha ãne: — Ĩzada asahi tõ, ĩwahutu õ wa. Wahâzé hã te ĩ'ãma tihâiba. Ãne Labã tite romhâibarĩ zô hã ma tô 're rĩtĩ, te te 'masãmri da ne.

Luca 1:18

Tawamhã Zacaria asa ma tô sadanha, romhuri'wa hã, ãne: — E niha wa za asaze, tane na hã. Wa hã ĩhi uptabi oto. Duré ĩmro zama, ihi uptabi.

Luca 1:36

Te duré tãma tinha, ãne: — Ana wapté hã wa za duré aima wasu'u, Izabé hã. Si'ihi uptabi nherẽ, ma tô tiwasã. 'Ra waihu'u õ na, ma tô aré da te 're wasu'u za'ra. Tazahã, wasã ré sãmra ré hã, 6 na ma tô oto ãma ai'utõ, a'amo hã.

Luca 1:7

Tane nherẽ, 'ra zahuré õ di. Izabé hã 'ra waihu'u õ wa, ma tô 'ra ãna si'ihi zahuré.

Hebreu 11:19

Abra'ã hã ãne ma tô sima rosa'rata: “'Re ihâimana u'âsi mono ma si, waihu'u pese di, 're dadâ'â za'ra mono nherẽ, apâ te te 're ida'ahâiwa'utu mono da hã. Tahawa, ĩ'ra hã te aré tãma iwĩrĩ hã, te te duré waihu'u pese di, apâ te te ĩma ihâiwa'utu da hã, te te ĩma iropisutuzém na te te ĩma ãma uwaimrami da hã.” Ãne ma tô sima rosa'rata, Abra'ã hã. Tawamhã i'ra Izaqui hã dâ'â uptabi õ nherẽ, aré dâ'â wa, apâ te te tãma ihâiwa'utu ne, ma tô dâ'â ãna tãma tisõ apâ, 'Re ihâimana u'âsi mono hã.