Zenezi 17:8 - ꞌRe Ihâimana Uꞌâsi Mono Zadawa Wasuꞌu

⁸ Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 17:8 ပူးပေါင်းရင်းမြစ်များ

Zenezi 12:7

Tawamhã tame Uburé Danhib'apito, Abrãhã u wisi wamhã, ma tô ãne tãma tinha: — Asihudu norĩ ma, wa za ã ti'a hã tãma sõmri za'ra. Tawamhã tame Abrã ma tô ẽtẽ za'ra hã 'manha, tinhimizama te te tãma ãma zata da, Uburé Danhib'apito ma. E marĩ wa. Tame hâimana ré, itẽmemhã wisi wa.

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 13:17

Tahawa te za ã hã ti'a na hâiwa nhimi'e niwĩmhã, hâiwa nhimire niwĩmhã, bâtâ pusizém niwĩmhã, duré bâtâ zasizém niwĩmhã 're robzabui mono da hã 're aimo, wa hã za te aima sõmri dâ'âsina.

Zenezi 23:4

— Wa hã asiré za'ra wa'aba a'uwẽ õ nherẽ, wa tô aiwa'wa wa'aba 're ĩhâimana. Tahawa te za ti'ai wa'õno hã asiwi ĩma i'maiwede 'wa, ĩmro te iwa ãma ti'a da.

Zenezi 26:24

Tawamhã tô taha mara na, Uburé Danhib'apito tãma sihâi'ré wamhã, te ãne tãma tinha: — Wa hã, Abra'ã aimama te, 'Re ihâimana u'âsi mono. Aipahi õ di za, wa hã asiré 're ĩhâimana u'âsi mono wa. Ĩma romhuri'wa Abra'ãhã u'âbâ, wa za iwẽ hã te aima 're apisutu. Duré asihudu norĩ ahâ uptabi na 're hâimana za'ra mono da wa za aima 'manha.

Zenezi 28:4

Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.

Zenezi 36:7

Tawamhã Ezau ma tô ta hawimhã oto watobro, tino Zacoho me ti'ai wa 're ihâimana zahuré mono hã, tãma zahuré hã surure wa, duré powawẽ na hã simizama ahâ uptabi zahuré wa. Tahawa oto siré 're ihâimana zahuré mono da hã waihu'u õ di.

Zenezi 37:1

Tawamhã Zaco, Cana'ã ti'ai 're, imama 're ihâimana mono zéb ãma te oto 're hâimana.

Zenezi 48:4

Ãhã wa, ma tô ãne ĩma tinha: “Ai'ra ahâ na aima 're hâimana za'ra mono da hã wa za aima pisutu. Duré asihudu norĩ hã te za sipu'u pese na a'uwẽ ahâ uptabi na 're sitébré za'ra. Tawamhã asihudu norĩ ma, wa za ã hã ti'a hã duré tãma sõmri za'ra, isipti'a na õne u'â tãma 're hâimana za'ra mono da oto.”

Salmu 103:17

Uburé Danhib'apito nhimizawizé te si'utõrĩ ãna te te 're iwazéb za'ra mono norĩ ãma hã 're hâimana u'âsi. Ta norĩ 'ra nhihudu norĩ ma sidâpâsi, te õne u'âsi i'uwaibaba na si te te tãma 're i'ab'manharĩ mono zé hã 're hâimana,

Ezodu 13:11

— Uburé Danhib'apito, cananeu norĩ nhipti'ai u asisisi aba da, te za aima 'manharĩ za'ra wa'wa, te te aima iropisutu za'ra wa'aba zéb zarina, duré aihi'rata norĩ ma, te te iropisutuzéb zarina. Ti'a te te aima sõmri za'ra wa'aba wamhã,

Ezodu 32:13

Ma'ãpé asib'a'uwẽ Abra'ã norĩ ãma Izaqui, duré Zaco, ãma aipo're pu'u za'ra na. Duré hâiwa na wasi ahâ uptabi na 're isimasa mono ne, isihudu norĩ ahâ na 're hâimana za'ra mono da, tãma iropisutu za'ra zém na zama ãma aipo're pu'u. Duré isihudu norĩ ma, uburé ti'a za tãma sõmri za'ra wa, itede'wa na õne u'â 're hâimana za'ra mono da, tãma iropisutu za'ra zém na zama aimreme na hã aipo're pu'u.

Ezodu 40:15

Taha pari te za duré a hã, imama za'ra i'rã ti'i ne i'rã ti'i za'ra, sasedoti na te te ĩma 're romhuri za'ra mono da, duré ta norĩ hã. Sasedoti na isihudu sidâpâsi õne u'â te te 're romhuri za'ra mono da, te za ãne hã tãma i'manharĩ za'ra za.

Ezodu 6:4

Wa tô iwẽ na tãma ropisutu za'ra, Cana'ã na romnhisi ãma ti'a te tãma sõmri za'ra da, isiré a'uwẽ'õ norĩ iwa 're ihâimana za'ra mono zé hã.

Ezodu 6:7

Ĩnhib'a'uwẽ na 're anomro aba mono da, wa za ãne hã aima 'manharĩ za'ra wa'wa. Tawamhã wa hã ate za'ra wa'wa 'Re ihâimana u'âsi mono na wa za oto 're ĩhâimana. Duré tawamhã wa hã Uburé Danhib'apito, ate wa'wa 'Re ihâimana u'âsi mono, ezipsiu norĩ ma 're iromhuri za'ra wa'aba mono zém hawi te i'asõ'reptu za'ra wa'aba na hã te za oto tô a norĩ wa'wa asiwi ĩwaihu'u 'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Hebreu 9:15

Tahawa, te oto Cristuhu si te te da'ãma 're ab'madâ'â, 'Re ihâimana u'âsi mono te te dama iropisutuzép té hã. Tidâ'âzém na ma tô da'awa'â Cristu hã, dawasété na 're idanomro mono zém hawi te te oto 're da'anho'reptui mono da, zahadu 'Re ihâimana u'âsi mono te te dama iropisutuzéb 'rada hã dama 're hâimana mono ré. Taha zarina te za oto 'Re ihâimana u'âsi mono hã tinhib'a'uwẽ da, te te 're i'apisutu mono norĩ hã te te sima 're awaibu, iwẽ uptabi na te te tãma 're i'aropisutu mono zéb ré si, 're hâimana u'âsi za'ra mono da iré, ta norĩ hã.

Zozué 1:2

— Ĩma romhuri'wa Mozési hã ma tô dârâ. Tahawa te za ãhã na a hã, uburé Izaraéu nhihudu norĩ me asima irob'ubumro za'ra wa'wa za, Zodã pa panho'u â za'ẽtẽ na saprĩ za'ra wa'aba da, ti'a za te aima isõmri za'ra wa'aba zéb u asisisi aba da.

Apocalipsi 21:7

Ni'wam norĩ hã tidâ'âzéb u ĩwi sipizari ãna, Satanasihi ãma te te i'ai'uté za'ra norĩ hã ta norĩ ma, wa za Isib'apito za'ra na 're ĩhâimana. Ĩnhib'a'uwẽ si te za oto ta norĩ hã 're hâimana za'ra.