Zenezi 17:22 - ꞌRe Ihâimana Uꞌâsi Mono Zadawa Wasuꞌu

²² Tawamhã Abra'ãhã ma, ãne na te te tãma nharĩ mono pari, ma tô 'Re ihâimana u'âsi mono hã oto tiwi mo hâimo.

Zenezi 17:22 ပူးပေါင်းရင်းမြစ်များ

Zenezi 17:3

Tawamhã Abrã, hi'rãtitõ ma tô tãma nhamra. Ti'ai u ti'ubu na ma tô ãma ropto. Tahawa, te 'Re ihâimana u'âsi mono ãne duré tãma tinha:

Zenezi 18:33

Tawamhã Uburé Danhib'apito, Abra'ãhã ma, te te nharĩ pari, ma tô oto tiwi mo apâ. Abra'ãhã zama te duré oto apâ mo, tinhorõwa u.

Ezodu 20:22

Uburé Danhib'apito, Izaraéu nhihudu norĩ ma, te te tãma nharĩ za'ra da, ma tô Mozésihi ma waihu'u ãne: — Hâiwa hawi te inharĩzé hã, ma tô a norĩ wa'wa hã i'madâ'â za'ra wa'wa.

Zuwã 1:18

Ti'ai ãma 're idanomro mono hã datõmo na da te 're 'madâ'â za'ra mono õ di, 'Re ihâimana u'âsi mono hã. Õhõ si, ma tô Timama hã 'madâ, siré 're simasisi u'âsi zahuré mono wa, Timama me. I'ra hã misire, 'Re ihâimana u'âsi mono 'ra hã. Ta hã ma tô te te dama 're wasu'u u'âsi Timama hã, da te 're waihu'u za'ra mono da.

Zuwã 10:30

Wa norĩ hã aiwa wawaihu'u pese di, Ĩmama me.

Zuize 13:20

Ẽne danhoprubzé zatazém hawi unhama ro hâimo nasi ro'o pusi ré, ma tô Manoa norĩ, timro me hã Hâiwa ãma Romhuri'wa, hâiwa u unhama ro'o wa'wamhã morĩ ré, te te 'madâ'â zahuré. Ãhã wa, hi'rãtitõ ma tô aimasisi. Duré ti'ubu na ti'ai u hã ma tô roptob zahuré.

Zuize 6:21

Tahawa, Hâiwa ãma Romhuri'wa, tinhib'rata wedehu te te 're i'âri hã ma tô sarõtõ hâimo. Taha 'rãsutu na ma tô romnhi hã, i'u'ẽtẽ wapu me hã ãma upi zahuré. Tawamhã ẽtẽ hawi uzâ iro'o watobro na, ma tô romnhi norĩ hã, i'u'ẽtẽ wapu me hã ãma sazu zahuré. Ãhã pari ma tô hâiwa ãma romhuri'wa zô hã oto tirobaba.