Zenezi 17:21 - ꞌRe Ihâimana Uꞌâsi Mono Zadawa Wasuꞌu

²¹ Tane nherẽ, wa za ai'ra Izaquihi ma, ĩnhimiropisutu zahi hã tãma 'manha, tô ãhã a'amo wahup tém na Saraha zé're ipoto ma.

Zenezi 17:21 ပူးပေါင်းရင်းမြစ်များ

Zenezi 17:19

Tane nherẽ, 'Re ihâimana u'âsi mono, ma te ãne asa ãma tãma wa'rã: — Te inharĩzéb zarina te za tô aimro Sara aima ti'ra. Tawamhã a hã te za isisi, Izaqui na. Tawamhã taha ma, wa za ĩnhimiropisutu zahi isi'utõrĩ'õ õne u'â te tãma 're 'manharĩ, isihudu norĩ ma ropibu ma.

Zenezi 18:10

Tawamhã te Abra'ãhã ma, nimahã tãma tinha ãne: — Wahup tém na tô ã a'amo na wa za we apâ atẽme mo. Tawamhã taha na te za aimro Saraha ma, i'ra hã tãma podo. Tahawa, Sara 'ridawa ãma ibabarã na isa hã ma tô isimirobzanhamrizé sina wapa.

Zenezi 18:14

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Zenezi 21:1

Tawamhã Uburé Danhib'apito te te iropisutuzéb zarina, ma tô iwẽ hã tãma pisutu, Saraha ma.

Zenezi 46:1

Tawamhã Zaco, uburé tinhimarĩ ré ma tô oto watobro. Watobro wamhã, ma tô Beseba u hã wi. Tame ma tô imama Izaquihi te, 'Re ihâimana u'âsi mono ma, danhimizama zata na tinhopru, ãma iwatazéb da hã.

Zenezi 48:15

Taha pari ma tô ti'ra Zuzéhé ãma, 'Re ihâimana u'âsi mono ma hã mre, ãne: “'Re ihâimana u'âsi mono, ĩmama norĩ Abra'ã, Izaquihi me te te aima 're iromhuri zahuré mono hã ma'ãpé ã hã ipréduptém norĩ ma, iwẽ hã tãma 're apisutu zahuré mono. Duré 'Re ihâimana u'âsi mono, ibâ na 're ĩmorĩ ré ã bâtâ u hã ĩnhimizama 'madâ'â na 're ĩhâimana mono ré, we ĩzaprõni wẽ 'wa, ma'ãpé iwẽ hã tô tãma 're apisutu zahuré mono.

Ezodu 2:24

Tawamhã 'Re ihâimana u'âsi mono, Izaraéu nhihudu norĩ 're iwazidi za'ra mono zé hã ma tô wapa. Tahawa Abra'ãhã ma, Izaquihi ma, duré Zacoho ma, tinhimiropisutu zahi te te i'manharĩzém na hã, ma tô sina po're puru.

Ezodu 3:6

— Wa hã aihi'rata norĩ nhib'apito 'Re ĩhâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Tawamhã Mozési ma tô si'ubu zuwa, pahi wa, 'Re ihâimana u'âsi mono te te i'madâ'â da hã.

Luca 1:72

Te za tô te te dama 're ab'manharĩ wẽ u'âsi, wahi'rata norĩ ma, te te iropisutuzéb uwaibaba. Tô sena te te tãma iropisutuzé hã, te za te te ãma 're a'uwaimrami u'âsi. Tiwi simani õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:7

Tawamhã Zezusi te asa tãma nharĩ za'ra, ãne: — Ĩmama ma si waihu'u pese di. Taha si ma tô bâdâ hã sima pisutu pese, te te dama ãma i'uwaimramizéb da hã. A norĩ wa'wa hã bâdâ hã waihu'u za'ra wa'aba da, Ĩmama te te aima pisutu za'ra wa'aba õ di, te te dama ãma i'uwaimramizéb da hã.

Roma 9:9

Duréihã 'Re ihâimana u'âsi mono hã Abra'ãhã ma, te te iropisutuzé hã, ãne isimiroti wasu'u hã: “Wahub amo na, wa za duré we atẽme wi, tô ã a'amo za duré iwa iwaptã'ãzém na. Tawamhã apâ we atẽme ĩwisi õ ré, te za Saraha ma i'ra podo, aibâ na.” Ãne duréihã Abra'ãhã ma, 'Re ihâimana u'âsi mono te te iropisutuzé hã.

Hebreu 11:9

'Re ihâimana u'âsi mono si te te sina 're i'umnhasi mono zéb zarina, ma tô darob amoi ãma 're sãmra Abra'ã hã, dasiré õ nherẽ, 'Re ihâimana u'âsi mono, za ãma isa'ru da hã te te tãma ipisutuzéb ãma. Ãhã wamhã, romhâ 'manharĩ na 'ri wa, te oto 're sãmra, 'ri uptabi õ wa. Izaqui norĩ hã ma tô duré romhâ 'manharĩ na 'ri wa, 're simasisi zahuré, Zacoho me. Ta norĩ ma, ma tô duré ropisutu zahuré, Abra'ãhã ma te te iropisutu ne, 'Re ihâimana u'âsi mono hã.