Zenezi 17:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Abra'ã, te 'Re ihâimana u'âsi mono ma, ãne tãma tinha: — Tô aré iwẽ, iwẽ hã ĩma 're i'anhomri mono ne, ĩhâiba u'âbâ Ismaeu ma, iwẽ hã duré 're anhomri mono da, taha ré 're hâimana u'âsi mono da.

Zenezi 17:18 ပူးပေါင်းရင်းမြစ်များ

Zenezi 17:17

Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Zenezi 17:19

Tane nherẽ, 'Re ihâimana u'âsi mono, ma te ãne asa ãma tãma wa'rã: — Te inharĩzéb zarina te za tô aimro Sara aima ti'ra. Tawamhã a hã te za isisi, Izaqui na. Tawamhã taha ma, wa za ĩnhimiropisutu zahi isi'utõrĩ'õ õne u'â te tãma 're 'manharĩ, isihudu norĩ ma ropibu ma.

Zenezi 21:11

Ãne wa, Abra'ã hã hâtâ'â uptabi di, Ismaeu zama i'ra na hâimana wa.

Zenezi 4:12

Tahawa duré ti'a na 're rob're mono da, sada 're ropese mono wamhã, aima 're i'rãi mono da hã mare di za. A hã te za hâiwi si õne u'â daro mono bâ 're aimo.

Zenezi 4:14

à bâtâ na te za ã hã ti'ai hawi ĩzatõ. Tahawa wa za ai'ubu wi hã 're ĩsima'uri u'âsi. Duré siwa'ru wa za daro mono bâ 're mo, hâiwi si. Tawamhã duré siwa'ru da te dasiwi 're ĩnhopẽtẽ mono wamhã, te za dasima da te 're wẽ za'ra, da te dasiwi ĩwĩrĩ da hã.

Salmu 4:6

Da'ahâ uptabi na te ãne 're damreme zusi: “E 'wa hã te za iwẽ hã te te wama 're anhomri. Tahawa, Uburé Danhib'apito, ma'ãpé iwẽ hã wa'ãma 're a'madâ'â mono.”

Salmu 41:12

Te za duré 're ĩpawaptob u'âsi mo, i'uwaibaba na si marĩ te 're ab'manharĩ mono wa. Duré õne u'â asõ'remhã te za 're ĩnhimizusi mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:39

Ãne ma tô aima ropisutu siromo za'ra wa'wa, te te aima 're sõmri za'ra wa'aba mono da, asihudu norĩ ma zama. Wasiré'õ norĩ ma zama ma tô tãma ropisutu siromo za'ra. Wanhib'apito, 'Re ihâimana u'âsi mono, za sitẽme sô 're ihârâ za'ra mono norĩ ma, ma tô ropisutu siromo za'ra, Tipẽ'ẽzani na hã.