Zenezi 17:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Zenezi 17:17 ပူးပေါင်းရင်းမြစ်များ

Zenezi 17:18

Tawamhã Abra'ã, te 'Re ihâimana u'âsi mono ma, ãne tãma tinha: — Tô aré iwẽ, iwẽ hã ĩma 're i'anhomri mono ne, ĩhâiba u'âbâ Ismaeu ma, iwẽ hã duré 're anhomri mono da, taha ré 're hâimana u'âsi mono da.

Zenezi 17:3

Tawamhã Abrã, hi'rãtitõ ma tô tãma nhamra. Ti'ai u ti'ubu na ma tô ãma ropto. Tahawa, te 'Re ihâimana u'âsi mono ãne duré tãma tinha:

Zenezi 18:11

Abra'ã norĩ Saraha me hã hâiba prédub zahuré di oto. Tahawa Saraha 'razéb da, ãma iwahu hã ma tô oto sa're.

Zenezi 18:12

Tahawa te sihâ sina ãne 'râwi sima tinha: — E niha wa za ĩnhib'apito ãma te ĩsima rosa'rata ze, wa norĩ hã oto ihire nherẽ, ãhã na hã. Sadai õ di.

Zenezi 21:5

Abra'ãhã ãma 100 na ãma iwahub ãma, ma tô podo, Izaqui hã.

Zenezi 21:6

Tahawa te Sara tinha ãne: — 'Re ihâimana u'âsi mono, rowẽ te, ĩsihâze ma tô ĩma tisõ. Tahawa, da te wapari za'ra mono wamhã, te za ĩme aihâ za'ra ni, da te dasima rowẽ za'ra wa.

Zenezi 21:7

Tawamhã te duré tinha, ãne na zama: — E 'wa hã Abra'ãhã ma, te te aré nharĩ da bâ bété, Sara tihâ ti'ra ma, te te tãma isõmri da na hã. Wa hã si'ĩhire nherẽ, wa tô ĩ'ra ĩzé're hawi poto da hã tãma tisõ.

Daniéu 8:17

Tawamhã Gabriéu 'râwi te te ĩtẽme sina rotété wamhã oto, wa tô ĩpahi pese. Tahawa, wa tô ĩhi'rãtitõ tãma aime. Wa tô duré ti'ai u ĩ'ubu na ropto. Tahawa, te ãne ĩma tinha: — A hã, aibâ i'atâ'â pesere, marĩ i'madâ'âzé iwaihu'u da hã tô i'ru zahi. E marĩ wa. Rob'rãsutuzé, ta hã te te sina wasu'u wa.

Mateu 2:11

Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.

Luca 1:18

Tawamhã Zacaria asa ma tô sadanha, romhuri'wa hã, ãne: — E niha wa za asaze, tane na hã. Wa hã ĩhi uptabi oto. Duré ĩmro zama, ihi uptabi.

Zuwã 8:56

Aihi'rata 'wa, Abra'ã hã ma tô ĩwaihu'u siro, we datẽme ĩmorĩzém na hã ti'ai u. Tahawa, Abra'ãhã ma, rowẽ di. Te 're to.

Zozué 5:14

Tawamhã ma te ãne ãma tãma wa'rã: Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba. Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha: — Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.

Zozué 7:6

Tawamhã Zozué, ti'uza ma tô hâiwazu, robzei'õ zé te. Ti'ai u, ma tô duré sime. Ti'ubu na ma te ti'ai u ropto, Uburé Danhib'apito nhimiroti ré wedehâ're 'manharĩ nho're. Tawamhã tô õne Zozuéhé siré ma tô Izaraéu nhihudu norĩ ma i'rãnho'õmo norĩ hã siwi 'manha. Tahawa ma tô hâiwahâ u ime tihâimana za'ra. Duré isine ma tô siwi 'manha: Ti'a na ma tô si'rãzazub za'ra, robzei'õ na tihâimana za'ra zém na siwasu'u za'ra da.

Apocalipsi 11:16

Tawamhã 24 na dama ipire za'ra norĩ hã 'Re ihâimana u'âsi mono nho'a tisimasisizém na isi'ubumro norĩ hã ma tô hi'rãtitõ tãma ana, ãma wata za'ra da.

Apocalipsi 5:8

Te te âri wamhã, ma tô maparane si'uiwa na ropoto na ihâiba norĩ hã Pone'ẽrebâi ma, hi'rãtitõ ana. 24 na dama ipire norĩ zama, ma te duré tãma ana. Rowamremezéb ré ma tô tãma aiwẽ'ẽ za'ra, ẽtẽ waipo pré oru 'manharĩ u'awi ne ré zama. U'awi 'remhã wedewa'u isadaze, te i're tiro'o za'ra. Taha nhizé hã hâimo haré wahu na, ta hã 'Re ihâimana u'âsi mono nhib'a'uwẽ norĩ, tãma 're imreme zusi mono zé, te wasu'u.

Zuize 13:20

Ẽne danhoprubzé zatazém hawi unhama ro hâimo nasi ro'o pusi ré, ma tô Manoa norĩ, timro me hã Hâiwa ãma Romhuri'wa, hâiwa u unhama ro'o wa'wamhã morĩ ré, te te 'madâ'â zahuré. Ãhã wa, hi'rãtitõ ma tô aimasisi. Duré ti'ubu na ti'ai u hã ma tô roptob zahuré.