Zenezi 17:16 - ꞌRe Ihâimana Uꞌâsi Mono Zadawa Wasuꞌu

¹⁶ Ĩwẽ uptabi wa za te tãma 're anhomri. Tahawa wa za duré ai'ra aima tisõ, isé're hawimhã. Wa za tô iwẽ hã te tãma 're anhomri. Tahawa te za a'uwẽ wamri mono bâ da'ahâ uptabi hi'rata sipi'õ na dama 're hâimana. Te za isihudu norĩ 'remhã nima norĩ hã dama 're si'apito za'ra.

Zenezi 17:16 ပူးပေါင်းရင်းမြစ်များ

Zenezi 1:28

Tahawa iwẽ hã te te tãma pisutu za'ra sina, te duré ãne tãma nharĩ za'ra: — Te za atébré aba mo, asina aihâ'â aba da hã. Uburé te za duré ti'a hã asina isito wa'wa, asiptete na asiwi 're 'madâ'â aba mono da hã. Tawamhã duré â 'rowi tepe ma, te za asiptete na tãma 're aihâimana za'ra wa'aba mo, duré si hâiwi 're isisa'rei mono ma, duré uburé abaze norĩ, ti'ai baba 're inomro mono norĩ ma hã.

Zenezi 12:2

Tawamhã asihudu sidâpâsi ahâ uptabi na 're hâimana za'ra mono da hã, wa hã wa za pisutu, a'uwẽ misi ãma isitom na dama siptete na 're hâimana za'ra mono da. Duré iwẽ uptabi hã wa za te aima 're anhomri u'âsi. Duré uburé dama hã asisi wasu'u za'ẽtẽ di za. Tawamhã iwẽ hã te aima 're i'apisutu mono zéb u'âbâ, te za duré a hã iwẽ na hã 're ida'apawapto mo.

Zenezi 15:4

Tawamhã Uburé Danhib'apito te duré ãne tãma nharĩ na sahu: — Mare di. Ai'ra uptabi ma si, te za asimarĩ hã tãma irẽme za'ra. Mare di za, aima romhuri'wa Eriézéhé ma irẽme za'ra da hã.

Zenezi 17:15

Taha pari 'Re ihâimana u'âsi mono, te Abra'ãhã ma, duré tãma tinha ãne: — Ã hawimhã za oto aimro nhisi, Sara'i na i'mahârâzé ihâimana da hã mare di za, Sara na za oto isisi hã.

Zenezi 17:19

Tane nherẽ, 'Re ihâimana u'âsi mono, ma te ãne asa ãma tãma wa'rã: — Te inharĩzéb zarina te za tô aimro Sara aima ti'ra. Tawamhã a hã te za isisi, Izaqui na. Tawamhã taha ma, wa za ĩnhimiropisutu zahi isi'utõrĩ'õ õne u'â te tãma 're 'manharĩ, isihudu norĩ ma ropibu ma.

Zenezi 17:6

Asihudu ahâ uptabi di za. Te za duré ta norĩ 'remhã nima norĩ dama 're si'apito za'ra.

Zenezi 21:1

Tawamhã Uburé Danhib'apito te te iropisutuzéb zarina, ma tô iwẽ hã tãma pisutu, Saraha ma.

Zenezi 24:60

Tawamhã iwẽ hã ma tô Rebecaha ma, pisutu za'ra ãne: “Wahidiba, a hã da'ahâ uptabi 'rata na 're i'aihâimana mono da si, iwẽ hã. Duré asihudu norĩ, tinhitob'ru norĩ te, 'ri nho'õmo ãma hã te te 're i'ai'uté za'ra mono da si, iwẽ hã.”

Zenezi 25:23

Tawamhã ma te ãma sada'â ãne: “Adi'i 'remhã te maparane a'uwẽ hi'rata da hã tihâimana zahuré. Ai'ra te za aima tipoto zahuré, maparane a'uwẽ norĩ, tinhitob'ru na sima 're ihâimana zahuré mono da hã. Ai'ra hâiba amo hã te za siptete na tihâiba amo nhipai u 're hâimana. Duré dadub'rada hã te za tino zapari 're hâimana.”

Zenezi 35:11

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za.

Zenezi 36:31

à norĩ hã, Edõ na rowamri ti'ai ãma, Izaraéu nhihudu norĩ sidanhib'ihâ'a za'ra wana ré hã, ma tô dama i'rãnho'õmo na 're hâimana za'ra: Bela, Be'oho 'ra, 'ri nho'u Dinaba na isisi hawimhã. Tawamhã Bela dâ'â parimhã, ma tô isõwa're're ãzé Zobabe, Zeraha 'ra, Bosra na 'ri wa'õtõ nhisi hawimhã. Tawamhã Zobabe dâ'â parimhã ma tô Husã, Tema na romnhisi ti'ai hawimhã isõwa're're ãzé. Duré Husã dâ'â parimhã, ma tô Hadade, Bedadehe 'ra, 'ri nho'u Avite na isisi hawimhã isõwa're're ãzé. Ta hã ma tô midiãnita norĩ na ãma ai'uté, dasi'wapéi wamhã, Moabi ti'ai ãma hã. Duré Hadade dâ'â parimhã, ma tô Sãla, 'ri nho'u Masreca na isisi hawimhã isõwa're're ãzé. Duré Sãla dâ'â parimhã, ma tô Sau, Reobote hawimhã, Eufrati na pa nho'õmo nhisi 'ratamhã isõwa're're ãzé. Tawamhã Sau dâ'â parimhã, ma tô Baau-Hana, Acboho 'ra hã isõwa're're ãzé. Duré Baau-Hana Acboho 'ra dâ'â parimhã, ma tô Hadade hã isõwa're're ãzé. Taha te 'ri nho'õmo nhisi hã Pau na. Duré imro nhisi Me'etabe na, Matredehe 'ra, Me-Za'abehe nhihudu.

Roma 9:9

Duréihã 'Re ihâimana u'âsi mono hã Abra'ãhã ma, te te iropisutuzé hã, ãne isimiroti wasu'u hã: “Wahub amo na, wa za duré we atẽme wi, tô ã a'amo za duré iwa iwaptã'ãzém na. Tawamhã apâ we atẽme ĩwisi õ ré, te za Saraha ma i'ra podo, aibâ na.” Ãne duréihã Abra'ãhã ma, 'Re ihâimana u'âsi mono te te iropisutuzé hã.

Galata 4:23

Dasi'uihâ na dahâimanazém na 're ida'ra za'ra mono na ma i'ra hã tãma podo, romhuri'wai ma. Abra'ãhã 'ra hâiba amo hã 'Re ihâimana u'âsi mono te te tãma iropisutuzéb zarina, ma duré i'ra hã tãma podo, wada'uri ãna 're ihâimana mono ma hã, Saraha ma. Ãne Abra'ãhã 'ra norĩ wasu'u hã.

1 Pedru 3:6

Ãne Sara hã ma tô 're mo. Timro mreme hã ma tô te te 're wapari pese, Abra'ãhã mreme hã. Tahawa, ma tô tinhib'apito na te te 're sisi Sara, Abra'ã hã. Tane te za duré a norĩ wa'wa hã aimro ma 're aihâimana wẽ za'ra wa'aba mo. Asina aihâtâ'â ãna, te za duré 're anomro aba mo. Tawamhã Saraha nhihudu na te za te te 're asisi za'ra wa'wa, 'Re ihâimana u'âsi mono hã.