Zenezi 16:2 - ꞌRe Ihâimana Uꞌâsi Mono Zadawa Wasuꞌu

² Tawamhã nimahã bâtâ na Sara'i 'ra õ wa, te Abrãhã ma tãma tinha ãne: — Uburé Danhib'apito, ĩ'ra da te te ĩma rowairébé õ 'ru te, ma'ãpé ĩma romhuri'wai ãma aihâimana mono. Ãhã wamhã, taha hâiba u'âbâ ãté te za ĩ'ra ne ĩma 're hâimana za'ra. Tawamhã Abrã, Sara'i tinhimirosa'rada te te ãne tãma iwaihu'uzém na ma tô ãma saze.

Zenezi 16:2 ပူးပေါင်းရင်းမြစ်များ

Zenezi 11:30

Tawamhã Sara'i hã te 'ra waihu'u ãna 're hâimana, 'razé wasété wa.

Zenezi 17:16

Ĩwẽ uptabi wa za te tãma 're anhomri. Tahawa wa za duré ai'ra aima tisõ, isé're hawimhã. Wa za tô iwẽ hã te tãma 're anhomri. Tahawa te za a'uwẽ wamri mono bâ da'ahâ uptabi hi'rata sipi'õ na dama 're hâimana. Te za isihudu norĩ 'remhã nima norĩ hã dama 're si'apito za'ra.

Zenezi 18:10

Tawamhã te Abra'ãhã ma, nimahã tãma tinha ãne: — Wahup tém na tô ã a'amo na wa za we apâ atẽme mo. Tawamhã taha na te za aimro Saraha ma, i'ra hã tãma podo. Tahawa, Sara 'ridawa ãma ibabarã na isa hã ma tô isimirobzanhamrizé sina wapa.

Zenezi 19:31

Tawamhã nimahã bâtâ na te i'ra dub'rada tinoi ma hã tãma tinha ãne: — Wamama hã ma tô oto si'ihire. Ni'wa hã aibâ aimawi hã ã hã ti'ai 'remhã hâimana õ di, iré 're waza'wari mono wa, te te iwa'ra da hã, daro mono bâ dahâimanazéb zarina.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Zenezi 3:12

Tawamhã aibâ, ma duré ãma tãma wa'rã ãne: — Pi'õ, wasiré 're wasimasisi mono da, ĩma isõmri hã, ma tô rob'rã ĩma tisõ. Ta hã wa tô ti'rẽ.

Zenezi 3:17

Taha pari, te duré Adãhã ma, 'Re ihâimana u'âsi mono hã tãma tinha ãne: — Aimro mreme wapari wa, ma rob'rã hã i'rẽ, te aiwi isawi wa'wa hã. Ãhã u'âbâmhã, wa za ti'ai ma hã pisutu, wasété u'âsi 're sa'wari mono da. Tahawa, te za ti'ai hawi rob're asazéb da, ibâ na aima 're hâimana mono da hã 're iromhuri za'ẽtẽ mo, ti'a 're aihâimana mono ré.

Zenezi 30:22

Tawamhã 'Re ihâimana u'âsi mono, Raqueu ãma ma tô oto po're puru. Tahawa te te tiwi irowaptẽrẽzém na te te wapari wa, ma tô oto tãma rowairébé, 'ra da.

Zenezi 30:6

Tawamhã Raqueu te tinha ãne: — 'Re ihâimana u'âsi mono, ma tô i'uwaibaba na ĩma 'manha. Te tiwi iwaptẽrẽzém na hã ma tô ĩwapa. Tahawa 'watébrémi ma tô ĩma tisõ. Ãne wa, ma tô 'watébrémi hã sisi, Dã na.

Ruti 4:11

Tawamhã ma tô uburé ãma saze za'ra ni, ãne: — Ĩhe, wa norĩ hã wa tô ai'madâ'â za'ra ni tô. Tawamhã dama ipire norĩ hã te duré tãma nharĩ za'ra, Buazihi ma hã: — Wama wẽ za'ra di, Uburé Danhib'apito hã pi'õi ma, za ãma i'aimro ma hã te te ipisutu da hã 'ra ahâ da, Raqueu norĩ ne Léiaha me hã. Ta norĩ hã ma tô ti'ra ahâ zahuré, Zacoho ma. Taha zarina ma tô dana na 're hâimana zahuré, Izaraéu nhihudu norĩ ma hã. Wama wẽ za'ra di, asibro pese da hã, duré dama asa'rese za'ẽtẽ da, Belẽ-Efrata ãma hã.