Zenezi 16:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Aga, ma tô Uburé Danhib'apito hã sisi, ãne: “'Re ihâimana u'âsi mono si te te 're ĩ'madâ'â mono.” Ãne 'Re ihâimana u'âsi mono te te tãma nharĩ wa, ma tô aré 'râwi sima tinha, ãne: “E ta hã te te 're ĩ'madâ'â mono hã wa te sena na ĩtõmo na 'madâ, ĩdâ'â ãna.”

Zenezi 16:13 ပူးပေါင်းရင်းမြစ်များ

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 22:14

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

Zenezi 28:17

Tawamhã pahi wa, te ãne duré tinha: “Ã hã ro hã ma tô ĩpahi sina ĩma waze. Ãme te 'Re ihâimana u'âsi mono nhorõwa hã tihâiba. Ãme te duré hâiwa 'ridawazé hã tihâiba.”

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 32:30

Tawamhã Zaco te ãne sima tinha: — 'Re ihâimana u'âsi mono, 'râwi pesere wa tô oto 'madâ. Tane nherẽ, wa zahadu ĩhâiba ré 're ĩhâimana. Tahawa ma tô ro hã sisi, Penué na.

Zenezi 32:31

Tawamhã Zaco, Penué hawi morĩ ré, ma tô bâdâ hã 'rãiwatobro. Tahawa, te morĩ sina 'rãtẽ, te te i'upata upi hawi.

Ezodu 24:11

Tawamhã 'Re ihâimana u'âsi mono hã, Izaraéu nhihudu nhib'ihâ'a norĩ hã te te uprosi õ di. Ta norĩ hã ma tô 'Re ihâimana u'âsi mono hã 'madâ'â za'ra. Taha pari simisutu ma tô duré siré tisa hã tihu. Ma tô duré siré tisa hã simihâri za'ra.

Provébiu 15:3

Uburé Danhib'apito, titõmo na te ropâ te te 're rob'madâ'â. Iwẽ norĩ hã te duré iwasété norĩ me uburé te te 're a'madâ'â.

Provébiu 5:21

'Re ihâimana u'âsi mono ma hã tãma 'madâ'â waihu'u pese di, nimomo 're i'ane mono zé hã, duré uburé marĩ 're i'ab'manharĩ mono zé hã.

Zuize 6:24

Tawamhã tame Gidiã, ma tô ẽtẽ za'ra hã 'manha, Uburé Danhib'apito ma, marĩ zatazéb da hã. Tawamhã ma tô sisi, “Uburé Danhib'apito ãma si rowẽ za'ẽne hã”. Tawamhã ãhã na zama te zahadu ẽtẽ za'ra Abi'ézéhé siré norĩ te, 'ri nho'u Opra na isisi ãma hã 're sa.