Zenezi 16:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã te duré ãne tãma tinha: “Asihudu norĩ ahâ uptabi na 're hâimana za'ra mono da, wa za 'manha. Ahâ uptabi wa, da te 're sa'rata waihu'u za'ra mono õ di za.

Zenezi 16:10 ပူးပေါင်းရင်းမြစ်များ

Zenezi 13:16

Asihudu norĩ hã ti'a zapru ahâ uptabi na 're ihâimana za'ra mono ne, wa za ahâ uptabi na 're hâimana za'ra mono da hã tãma pisutu za'ra. Ti'a zapru hã da te 're isa'rata waihu'u za'ra mono õ ne, duré asihudu norĩ, da te 're isa'rata waihu'u za'ra mono da hã mare di za.

Zenezi 16:9

Tawamhã Uburé Danhib'apito ma, hâiwa ãma romhuri'wa, ma te ãne tãma waihu'u: — Apâ te za asib'apito u aimo. Isapari 're i'aihâimana mono na te za imreme 're iwapari pese mo.

Zenezi 17:20

Tawamhã duré Ismaeu ma irowaptẽrẽzéb zama wa tô wapa. Tahawa iwẽ hã wa za te tãma 're anhomri. I'ra norĩ, duré isihudu norĩ ahâ uptabi na 're hâimana za'ra mono da hã wa za 'manha. Tahawa te za 12 na dama ipire norĩ mama na 're hâimana. Duré isihudu norĩ hã a'uwẽ misi ãma isitom na dama siptete na 're hâimana za'ra mono da, wa za 'manha.

Zenezi 21:13

Romhuri'wa zé're hawib zama tô ai'ra. Tahawa isihudu norĩ da, a'uwẽ misi ãma isitom na siré 're hâimana za'ra mono da hã, wa za duré tô wa hã 'manha.

Zenezi 21:16

Taha pari ni'wa ti te te ime romhâ na prã na iwaptã'ãzém ne ma tô oto mo, isiti sãmra da hã. Tawamhã te ãne rosa'rata: “Ĩ'ra idâ'âzém na te i'madâ'â da hã, maze di. Ĩnhiptete dai õ di.” Tawamhã tame sãmra ré, 'watébrémi hã ma tô tiwawa na hã sãna'rata.

Zenezi 21:18

Mo oto wahutu, 'watébrémi hã. Pa'âri, isib'rata na. E marĩ wa. Isihudu norĩ, misi a'uwẽ ãma isitom na ahâ na siré 're ihâimana za'ra mono da hã, wa za tãma 'manha.

Zuwã 1:18

Ti'ai ãma 're idanomro mono hã datõmo na da te 're 'madâ'â za'ra mono õ di, 'Re ihâimana u'âsi mono hã. Õhõ si, ma tô Timama hã 'madâ, siré 're simasisi u'âsi zahuré mono wa, Timama me. I'ra hã misire, 'Re ihâimana u'âsi mono 'ra hã. Ta hã ma tô te te dama 're wasu'u u'âsi Timama hã, da te 're waihu'u za'ra mono da.

1 Timotiu 6:16

Õhõ si siwaprosi 're imorĩ u'â hã. Ta hã, rowa'a za'ẽtẽ na te 're hâimana u'âsi. Tahawa, ni'wa itẽme isébré da hã, mare di. Da te dasiwi ihâiba pibu da hã, mare di duré. Ta hã wẽ uptabi di. Waihu'u pese uptabi di duré. Tahawa, wa za ãma 're wawata u'âsi za'ra.

Zuize 6:11

Tawamhã Uburé Danhib'apito ma Romhuri'wa ma tô wei mo. Wei morĩ wamhã, ma tô 'ri wa'õno Opra na isisi 'rata carvariu na wede nhisi, 're isa mono zahâpâmhã nhamra. Ã wede Abi'ézé norĩ siré, Zoasihi te hã. Tahawa, i'ra Gidiã, te amnho trigu hã 'maipré'é sima'uri sina, uwa i'rãi wa'u zô da te 're iwati za'ra mono zéb ãma, midiãnita norĩ hã te te siwi sõpẽtẽ tõ da.

Zuize 6:16

Tane nherẽ, Uburé Danhib'apito te duré ãne tãma tinha: — Tane nherẽ, te za ãne hã i'manha, wa hã za te aipawapto wa. Tahawa te za a hã midiãnita norĩ ãma uburé i'ai'uté za'ra, ihâiba za'ra aima hã misi dahâiba ne.