Zenezi 16:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Sara'i, Abrãhã mro te zahadu timro ma, 'ra ãna 're hâimana. Tawamhã Sara'ihi ma, romhuri'wa te Aga na isisi tãma 're 'maihâimana, ezipsiu norĩ nhipi'õ hã.

Zenezi 16:1 ပူးပေါင်းရင်းမြစ်များ

Zenezi 11:30

Tawamhã Sara'i hã te 'ra waihu'u ãna 're hâimana, 'razé wasété wa.

Zenezi 12:16

Tawamhã duré taha hâiba u'âbâmhã ma tô apito, Abrãhã ma, marĩ hã tãma 'manharĩ wẽ. Tahawa pone'ẽrebâ norĩ hã, duré powawẽ norĩ hã, duré awaru po're pore si'aibâ norĩ isipi'õ norĩ me, duré pawa'âbâ ãna romhuri'wa si'aibâ norĩ pi'õ norĩ me hã, duré awaru ba'õmore norĩ hã ma tô tãma sõmri za'ra.

Zenezi 15:21

amoreu norĩ nhipti'a hã, cananeu norĩ nhipti'a hã, gigazeu norĩ nhipti'a hã, duré zebuzeu norĩ nhipti'a hã.

Zenezi 21:12

Tane nherẽ, 'Re ihâimana u'âsi mono te ãne tãma tinha: — Abra'ã, 'watébrémi na hã, duré aima romhuri'wa na hã aihâtâ'â õ di za. Sara aimro mreme hã te za uburé i'manha. E marĩ wa. Izaquihi hawim na asihudu hã za 're hâimana za'ra mono dâ'âsina.

Zenezi 21:21

Tahawa ina hã, ma tô ezipsiu norĩ nhipi'õ hã tãma 'mai'â, ãma mro da.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Luca 1:36

Te duré tãma tinha, ãne: — Ana wapté hã wa za duré aima wasu'u, Izabé hã. Si'ihi uptabi nherẽ, ma tô tiwasã. 'Ra waihu'u õ na, ma tô aré da te 're wasu'u za'ra. Tazahã, wasã ré sãmra ré hã, 6 na ma tô oto ãma ai'utõ, a'amo hã.

Luca 1:7

Tane nherẽ, 'ra zahuré õ di. Izabé hã 'ra waihu'u õ wa, ma tô 'ra ãna si'ihi zahuré.

Galata 4:24

Ta hã marĩ te sina wasu'u. 'Re ihâimana u'âsi mono te te sima da'ãma irotizé hã te pi'õ norĩ wasu'u zahuré. Maparane te te sima da'ãma irotizé hã. Imorĩ'rada hã Sina'i na ẽtẽ 'rãihâ nhisi ãma, 'Re ihâimana u'âsi mono te te sima da'ãma irotizé. Ta hã, Aga te wasu'u. Agaha 'ra hã ma tô tina zabâdâ danhimiwada'uri zarina 're hâimana, robzei'õ na. Tane Sina'i ãma 'Re ihâimana u'âsi mono, te te sima da'ãma irotizém niwĩ 're idanomro mono norĩ hã, Agaha 'ra ne, danhimiwada'uri zarina pawa'âbâ ãna 're idahâimana za'ra mono ne, te robzei'õ na 're dahâimana za'ra, ãhã na hã.

Zuize 13:2

Tawamhã aibâ te 're hâimana 'rinho'u Zora na isisi ãma, Manoa na isisi hã Dãhã nhihudu hawi a'uwẽ. Imro hã i'razéb 'ré.

1 Samuéu 1:5

Tane nherẽ, Ãnahã ma si, maparane inhi wa'õno hã ma tô te te tãma 're sõmri. E marĩ wa. Tãma sawi uptabi wa, Eucanahã ma hã, zahadu Uburé Danhib'apito te te tãma pisutu õ nherẽ, 'ra da hã.