Zenezi 15:3 - ꞌRe Ihâimana Uꞌâsi Mono Zadawa Wasuꞌu

³ Ĩ'ra hã ĩma 'manhomri õ di. Tahawa ĩma romhuri'wa ĩnhorõwa 're, ipoto si te za ĩ'uirĩ na ĩnhibrob na hã ãma ate za'ra za.

Zenezi 15:3 ပူးပေါင်းရင်းမြစ်များ

Zenezi 12:2

Tawamhã asihudu sidâpâsi ahâ uptabi na 're hâimana za'ra mono da hã, wa hã wa za pisutu, a'uwẽ misi ãma isitom na dama siptete na 're hâimana za'ra mono da. Duré iwẽ uptabi hã wa za te aima 're anhomri u'âsi. Duré uburé dama hã asisi wasu'u za'ẽtẽ di za. Tawamhã iwẽ hã te aima 're i'apisutu mono zéb u'âbâ, te za duré a hã iwẽ na hã 're ida'apawapto mo.

Zenezi 13:16

Asihudu norĩ hã ti'a zapru ahâ uptabi na 're ihâimana za'ra mono ne, wa za ahâ uptabi na 're hâimana za'ra mono da hã tãma pisutu za'ra. Ti'a zapru hã da te 're isa'rata waihu'u za'ra mono õ ne, duré asihudu norĩ, da te 're isa'rata waihu'u za'ra mono da hã mare di za.

Zenezi 14:14

Tawamhã Abrã, i'ra wapté da te dasiwi âri wa, da te dasiwi isaprõnizé te te waihu'u wamhã, ma tô tite aibâ norĩ dasi'wapé na ãma 're isisanho za'ra mono hã sima 'rã'õtõ, uburé isõrõwa mono bâ 're ipoto za'ra mono norĩ hã. Uburé ta norĩ hâiba za'ra hã 318 na. Tawamhã Abrã, maparane si'uiwa na apito norĩ zarina ma tô isiré za'ra mo, 'rinho'u Dã na isisi u hã.

Zenezi 15:2

Tawamhã Abrã asa ma te ãma sada'â ãne: — Uburé Danhib'apito, ĩte 'Re ihâimana u'âsi mono! Ĩma hã marĩ dai õ di, iwẽ ĩma 're i'anhomri mono zé ĩ'ra ãna za 're ĩhâimana u'âsi mono da nherẽ. Eriézéhé si Damascu ãma, te za uburé ĩ'uirĩ na ĩnhibrob na hã ãma ate za'ra.

Provébiu 13:12

Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Provébiu 29:21

Dama romhuri'wa ai'uté na hâimana ré ihâ'â zarina marĩ zô 're isiti'ru mono, siwa'ru marĩ da te tãma 're i'manharĩ wẽ u'âsi mono hã te za nimahã na hã sima wẽ, uburé marĩ tede'wa na oto 're hâimana mono da.

Provébiu 30:23

pi'õ dama iwẽ'õ uptabi, imrozé hã; duré pi'õi ma romhuri'wa sipi'õ, tinhib'ihâ'a nhowa're're isébré hã.