Zenezi 15:2 - ꞌRe Ihâimana Uꞌâsi Mono Zadawa Wasuꞌu

² Tawamhã Abrã asa ma te ãma sada'â ãne: — Uburé Danhib'apito, ĩte 'Re ihâimana u'âsi mono! Ĩma hã marĩ dai õ di, iwẽ ĩma 're i'anhomri mono zé ĩ'ra ãna za 're ĩhâimana u'âsi mono da nherẽ. Eriézéhé si Damascu ãma, te za uburé ĩ'uirĩ na ĩnhibrob na hã ãma ate za'ra.

Zenezi 15:2 ပူးပေါင်းရင်းမြစ်များ

Zenezi 14:15

Tawamhã tame tite aibâ norĩ na maparane iwa'õtõ na hã ma tô ãma aipo'o. Tawamhã tinhitob'ru norĩ, bara na te te sima sahui wamhã, ma tô ãma ai'uté za'ra. Te duré isarina hã timorĩ za'ra, Damascu nhipai ãma hâiwa nhimi'e niwĩ, Hoba na 'ri nho'õmo nhisi 're ihâimana mono u.

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 15:3

Ĩ'ra hã ĩma 'manhomri õ di. Tahawa ĩma romhuri'wa ĩnhorõwa 're, ipoto si te za ĩ'uirĩ na ĩnhibrob na hã ãma ate za'ra za.

Zenezi 24:10

Tawamhã 10 na Abra'ãhã te, awaru ba'õmore norĩ hã ma tô waibu. Duré isimarĩ iwẽ norĩ ma tô waibu. Taha pari 'ri nho'u Mezopotãmia ãma Nao 're ihâimana mono zéb u ma tô oto mo.

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Zenezi 39:9

Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Zenezi 43:19

Tawamhã isõrõwa 'ridawa u oto sihutu wamhã, 'ri 'madâ'â'wai ma, te tãma nharĩ za'ra ãne:

Zenezi 44:1

Tawamhã Zuzé, tinhorõwa 'madâ'â'wai ma, ma tô tãma waihu'u ãne: — Aibâ norĩ tite sa'u we te te i'wasari hã te za mram na tãma i'masisi za'ra, isiptete bâ za'ra, te te i'wasari da hã. Tahawa, te za duré ite mono bâ sa'ui wata 'remhã ite za'ra rob'uiprazé apâ tãma iséme mo.

Provébiu 13:12

Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Provébiu 17:2

Pawa'âbâ ãna dama romhuri'wa i'rãiwaihu'u pe hã te za ti'madâ'â'wai 'ra hã sipa, tinhimiwada'uri na, timama ma, te te sina irowazém hiri hã. Taha zarina te za duré imama nhimarĩ zama isisãnawã norĩ siré sima 'mai'â, i'uirĩ na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Ruti 2:6

Tawamhã ma tô tãma wasu'u: — Õ hã moabita norĩ nhipi'õ we imorĩ, Noẽmihi siré, Moabi hawi.

1 Samuéu 1:11

Tawamhã te ropisudu sena na tãma 'manha ãne: — Wanhib'apito 'Re ihâimana u'âsi mono I'aiwaihu'upe, ma'ãpé asib'a'uwẽ hã, ĩ'madâ'â! Duré sa'ẽtẽ na, robzei'õ te te ĩ'azârizé hã 'madâ'â! Tahawa, asib'a'uwẽ ãma, ĩ'ãma aipo're si'âri õ di za! Duré a hã ĩ'ra ĩma sõmri wamhã, wa za aima ropisutu, apâ te aima sõmri da za. Duré niwamhã ta hã tizéré hã te te sihâri õ di za.