Zenezi 15:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã oto mara wamhã, ma tô Abrã hã sina tipahâ pese, aptâ ãma isimei pese zarina sõtõ pese wa. Taha nherẽ, waptu na ma tô tipahi. Ma tô ipẽ'ẽwara hã iwab ãzé.

Zenezi 15:12 ပူးပေါင်းရင်းမြစ်များ

Zenezi 15:11

Tawamhã sipahutu norĩ abaze na ãma isipo'o mono zô ma tô aré nasi ana. Tane nherẽ, Abrã hã te nasi ãma te te awano'õ apâ.

Zenezi 2:21

Tahawa Uburé Danhib'apito 'Re ihâimana u'âsi mono, ma tô aibâ ma aptâ'â uptabi hã tãma tisõ, ãma sõtõ pese da. Tahawa sõtõ pese ré, ma tô iwaihi zati hã misi tiwi waze. Duré te te iwazerezéb ãma hã ma tô apâ inhi na ãma ato.

Zenezi 28:11

Tawamhã hâiwahâ pesere ro iwazéb zahi u wisi wamhã, ma tô tame a'â mazazâ, ãma awẽ da, bâdâ hã za oto sébré wa. Tawamhã tamemhã ẽne hã ma tô sima 'mai'â, ti'rã zaparizéb da. Tahawa ma tô oto nomro, sõtõ da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:9

Tawamhã 'ritéi'wa hã, Euticu na isisi hã ma tô zanela 'ri zadazâri ãma nhamra, Paulu hã te te wama roti za'ra ré. Wama simiroti za'ẽtẽ za'ra wa, tãma aptâ'â di, 'ritéi'wai ma. Tahawa tãma aptâ'â uptabi wa, ma tô nhono. Sõtõ pese ré, ma tô waptãrã ti'ai u, hâimo zanela 'ri zadazâri hawi. Tawamhã dâ'â siromo, ma tô siwi ti'â.

1 Samuéu 26:12

Tawamhã Dawi hã ma tô tiwi ti'â, isi'uwazi 'rã'wa si, duré ub'rẽ si, Sauhu 'rã ãma isima'wara norĩ si. Taha pari, ma tô oto ne, Abisaihi me hã. Taha ré hã ni'wa hã te te 'madâ'â zahuré õ di. Duré ni'wa hã te te waihu'u zahuré õ di, marĩ te te i'manharĩ zahuré zém na hã. Ni'wa hã duré topo'o õ di. Uburé ma tô tinhotõ pese za'ra. E marĩ wa. Uburé Danhib'apito te te hâ za'ra wa, aptâ'â uptabi na hã.