Zenezi 14:4 - ꞌRe Ihâimana Uꞌâsi Mono Zadawa Wasuꞌu

⁴ Ta norĩ hã ma tô aré 12 na wahub 'remhã apito Quedorlaome nhimi'madâ'â zahi na 're hâimana za'ra. Tane nherẽ, ta norĩ 13 na wahub ãma hã ma tô ihawi iwairébé da hã sada tihâimana za'ra oto.

Zenezi 14:4 ပူးပေါင်းရင်းမြစ်များ

Zenezi 14:1

Taha wahub 'remhã, te Anrafe na isisi, Sina na romnhisi ãma apito na 're hâimana. Arioqui, Elasa na romnhisi ãma apito na te 're hâimana. Quedorlaome, Elã na romnhisi ãma te apito na hã 're hâimana. Duré Tidau, te Go'ĩ na romnhisi ãma apito na hã 're hâimana.

Zenezi 14:3

Tawamhã ã hã 5 na apito norĩ, ma tô tite dasi'wapéi 'manharĩ'wa norĩ hã 'rã'õtõ za'ra, romharé Sidĩ na isisi ãma, Â warĩrĩ na pu'u nhisi 're ihâimana mono ãma.

Zenezi 14:5

Tawamhã duré Quedorlaome, tisiré apito na 're ihâimana za'ra mono norĩ me ma tô 14 wahub ãma ãne a'uwẽ wamri norĩ ãma hã ai'uté za'ra: Refa'ĩ norĩ Asterote-Carna'ĩ ãmamhã, zuzĩ norĩ Hã ãmamhã, duré emi norĩ Savé-Quiriataĩ ãmamhã.