Zenezi 14:23 - ꞌRe Ihâimana Uꞌâsi Mono Zadawa Wasuꞌu

²³ asimarĩ hã za ĩma ihâimana za'ra õ na te tãma ropisutu da hã, niha wamhã, abazi isidi surure na, niha wamhã duré dapara'uza wasisizém na hã. Ãhã wamhã, a hã niwamhã ãne na inharĩ da hã mare di za: “Tãma ĩnhimi'manharĩ wẽ zéb zarina ma tô Abrã hã sisimarĩ pese.”

Zenezi 14:23 ပူးပေါင်းရင်းမြစ်များ

2 Corĩtu 12:14

Si'ubdatõ ãma, wa za oto ãma atẽme ĩmorĩ 'wa, te duré asabu na sahu za'ra wa'aba da. Tawamhã ãma atẽme ĩmorĩ aba wamhã, asiwi ĩpawa'âbâ aba da, te aiwi rowaptẽrẽ za'ra wa'aba õ di za, asimarĩ za'ra wa'aba zô, ãma atẽme ĩmorĩ aba õ wa za. Taré Cristuhu wasu'uwẽ na te aipawaptob za'ra wa'aba da si, wa za tô ãma atẽme ĩmorĩ 'wa. E damama norĩ ma, te za da'ra norĩ hã te te 're ubumroi pese za'ra, dasazé hã. Mare di. Damama norĩ si, te za te te 're rob'ubumroi pese za'ra, ti'ra sazéb da hã. Tane duré wa hã, aimama za'ra wa'aba ne, aima 're ĩhâimana za'ra wa'aba mono wa, te 're aipawaptob za'ra wa'aba mono da si, wa tô te ai'ãma 're rosa'rata u'âsi za'ra wa'wa, ĩsima. Tahawa, asiwi ĩpawa'âbâ aba õ di za.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”