Zenezi 14:20 - ꞌRe Ihâimana Uꞌâsi Mono Zadawa Wasuꞌu

²⁰ Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Zenezi 14:20 ပူးပေါင်းရင်းမြစ်များ

Zenezi 14:21

Tawamhã taha pari Sodoma ãma apito, te Abrãhã ma hã tãma tinha ãne: — Marĩ hã aima hâimana za'ra. A'uwẽ norĩ si te za apâ ĩma isõmri za'ra.

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Zenezi 47:24

Tawamhã duré 're itehâri za'ra wa'aba mono, misi sa'u na imrotõ hawip sidâpâsi te za apito Fara'oho ma 're isani za'ra wa'aba mo. Duré ihâiba amo maparane si'uiwa na ãma sidâpâsi te za 're izuri aba mono da hã duré ãma 're asaihuri aba mono da hã 're isani za'ra wa'aba mo, ai'ra norĩ sazéb da, duré 'ri 're, asiré 're ihâimana za'ra wa'aba mono norĩ sazéb da zama.

Zenezi 47:26

Ãne ma tô Zuzé, tinhimiroti ta hawim haré 're ihâimana mono da hã 'manha. Ãne na isimiroti hã: Ezitu ãma amnho, da te 're itehâri za'ra mono zép sidâpâsi te za misi sa'u na imrotõ hawip sidâpâsi apito ma, 're hâimana za'ra. Sasedoti norĩ nhipti'a si apito ma, 're hâimana za'ra mono õ di za.

Zenezi 9:26

Te duré tinha ãne, Nowé hã: “Uburé Danhib'apito ãma 're wawata za'ra wa'aba mono, Sẽhẽ nhib'apito ãma. Cana'ã hã pawa'âbâ õ nherẽ, isib'a'uwẽ na tãma 're hâimana mono.

Neemia 10:37

Sasedoti norĩ ma, wa za duré amnho trigu wahup sidâpâsi wa te 're itehâri 'rata mono 'rã zu pese wai'o 'manharĩ hã 'Re ihâimana u'âsi mono nhorõwa 'ri u wa te 're ãwisi za'ra. Duré ihâiba amo na wanhoprubzé hã wa za duré wa te tãma 're sõmri za'ra, uwa 'rãi wa'u isé hã, azeitona wa'u to hã, duré uburé rob'rã isipu'u pese norĩ zama. Levita norĩ ma, wa za duré wanhimitehâri za'ra 10 na isa'rata ãmamhã wa te 're sani za'ra, wa te tãma 're sõmri za'ra mono da. E marĩ wa. Ta norĩ hã 'ri nho'õmo mono na wa te 're iromhuri za'ra mono zéb ãma, danhoprubzé apo'o waibui'wa wa.

Neemia 13:12

Tawamhã uburé Izaraéu nhihudu norĩ, ma tô apâ ro'wasari na ãma sãna'rata za'ra, 'Re ihâimana u'âsi mono nhorõwa 'ri 're, 're iromnhimi'wara mono zéb u 10 na amnho wasi misi iwasi mrami na hã, uwa 'rãi wa'u isé mrami na hã, duré azeitona wa'u to mrami na hã.

Salmu 44:3

Wahi'rata norĩ hã sib'ézé i'wa pa nai õ di, ti'a te te siwi dawi i'âri hã. Duré tinhiptete nai õ di, te te da'ãma i'ai'uté za'ra hã. Ta norĩ hã aiwaihu'u pese na si, duré asiptete na si duré ai'ãma rowa'a na si ma tô da'ãma ai'uté za'ra. Ãne zarina, ma tô a hã asimizawizé hã ãma ihâi'ré za'ra.

Ezodu 18:10

Tahawa, te ãne tinha: — Uburé Danhib'apito ãma wa ĩwata, ezipsiu norĩ nhib'rata hawi, duré ta norĩ nhib'apito nhib'rata hawi te te ai'awazere aba wa!

Luca 18:12

Maparane bâtâ na romhuri sidâpâsi, wa ĩsai ãna 're ĩnhamra, te aima 're romhuri mono da, ĩmreme na. Ĩpawa'â hã wa duré te aima 're po'o, suru na.” Ãne ma tô farizeu hã tiwẽ hã sina tihi, 'Re ihâimana u'âsi mono ma.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Zozué 10:42

Uburé Danhib'apito, Izaraéu nhihudu norĩ te 'Re ihâimana u'âsi mono hã ma tô tinhib'a'uwẽ norĩ ma, te te a'wapé. Tahawa Zozué hã ma tô apito norĩ ãmamhã ai'uté za'ra, isipti'a za'ra ãmam zama, tô misi haré dasi'wapézém na hã.