Zenezi 14:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Zenezi 14:19 ပူးပေါင်းရင်းမြစ်များ

Zenezi 14:22

Tane nherẽ, Abrã ma te ãne asa ãma tãma wa'rã: — Uburé Danhib'apito, danhipai u 're ihâimana mono, hâiwa 'manharĩ'wa, duré ti'ai 'manharĩ'wa, taha nho'a wa za ĩnhib'rada hã hâimo wẽ,

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 27:4

Asõpãrĩ nhi na, dasa ise te ĩsima iwẽzé hã ĩma ãma 'manharĩ da. Tawamhã ta hã te za we ĩma i'â. Ĩsai parip si ĩdâ'â õ ré, wa za ai'ãma mre, 'Re ihâimana u'âsi mono iwẽ te te aima 're apisutu mono da hã.

Zenezi 47:10

Tawamhã Zaco, apito sisa'u iwẽ na te te sawi pari, ma tô oto mo.

Zenezi 47:7

Taha parip si te Zuzé, timama Zaco hã saprõ, apito u, te te tãma hâiba waihu'u da. Tahawa, Zaco, apito tãma wazéb sina te te sawi parimhã,

Zenezi 49:28

à norĩ hã Izaraéu 'ra norĩ 12 na ihâiba za'ra hawimhã te za 12 na dawamri dasitébré za'ra, i'ra nhisi mono zarina. Ãne ma tô imama za'ra hã ti'ra norĩ ma waihu'u za'ra. Tahawa, hâiba mono bâ ma tô romnhowam na iwẽ na hã ãma tãma nharĩ siromo za'ra, ite mono bâ.

Salmu 24:1

Uburé Danhib'apito ma, te ti'a hã duré uburé marĩ iwa 're ihâimana za'ra mono hã 're hâimana. Uburé pese daro mono bâ, iwa 're idahâimana za'ra mono norĩ zama te duré tãma hã 're hâimana.

Mateu 11:25

Tawamhã Zezusi hã te duré ãne Timama ma hã mre: — Ĩmama, a hã Danhib'apito uptabi, hâiwa ãma hã, duré ti'ai ãma zama. A hã ma tô rowaihu'u pese 'wa norĩ wi roti iwẽ hã 're i'anhito mo, te te 're waihu'u za'ra mono tõ da hã. Rowaihu'u prãi 'wa na 're ihâimana za'ra mono norĩ ma si, ma tô marĩ iwẽ hã 're i'awaihu'u mo. Tahawa, wa ai'ãma ĩwata, asõpru wa.

Marcu 10:16

Tawamhã awa'awi ma tô nasi ai'uté hã dawi azaza tipa. Duré tinhib'rata na te te nasi upi za'ra sina, 'Re ihâimana u'âsi mono wi, ma tô ãma arowaptẽ, iwẽ hã te te tãma 're anhomri mono da.

Luca 10:21

Tame 'Re ihâimana u'âsi mono pẽ'ẽzani te te tãma iwaihu'uzéb zarina, te 're to, Zezusi hã. Toi uptabi di oto. Tahawa, te Timama ma tinha, ãne: — Ĩmama, a hã Danhib'apito uptabi, hâiwa ãma zama, ti'ai ãma zama. Ã norĩ hã marĩ te te waihu'u za'ẽtẽ za'ra õ di. Tane nherẽ, ma tô marĩ iwẽ hã tãma iwaihu'u za'ra. Rowaihu'u pese 'wa norĩ ma hã, marĩ hã iwẽ tãma waihu'u za'ra õ di. Tane tô, Ĩmama. Asima iwẽzéb uwaibaba, ma tô ã norĩ ma si a'â iwaihu'u za'ra, marĩ iwẽ hã. Tahawa, wa ai'ãma ĩwata, asõpru wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:17

Tawamhã azarudu hã ma tô Pauluhu zarina, duré wazarina zama hã mo. Mreme 'rãihâ na te nasi te te wa'mahârâ za'ra, ãne: — Õ hã aibâ norĩ hã, 'Re ihâimana u'âsi mono ma romhuri'wa norĩ, iwaihu'u pese uptabi ma romhuri'wa za'ra. Niha te za aima waihu'u za'ra wa'wa, asisõ'reptu za'ra wa'aba zéb da na hã.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Éfézu 1:6

Wamama hã te te 're wa'azawi pese mono wa, ma tô oto wa'ãma uwaimrami wẽ za'ra, i'ra tãma isawi hã te te iwa'awa'âbâ za'ra zéb zarina. Tahawa, wa za ãma 're wawata u'âsi za'ra.

Ruti 3:10

Tawamhã Buazi ma tô ãma tãma wa'rã, ãne: — Wa tô ĩsima wẽ, Uburé Danhib'apito si iwẽ hã te te aima 're pisutu mono da. Tô sena na aihâimana wẽ zém na ma asihâi'ré wẽ, aimaprebaba si'aibâ sisãnawã norĩ ma hã, aimaprebaba sipi'õ ipawapto wẽ zém nhipai u hã. E marĩ wa. A hã aibâ iprédupté isibro pese zô asima airĩtĩ õ wa, niha wamhã, duré isibrob'õ zô.

1 Samuéu 15:13

Tawamhã Samuéu ma tô Sau hã sõpẽtẽ. Tahawa, Sau hã te te sawi sina, te Samuéu ma tãma tinha ãne: — Samuéu, wa ĩsima wẽ Wanhib'apito 'Re ihâimana u'âsi mono si iwẽ hã te te aima 're sõmri mono da! Wa hã wa tô Wanhib'apito nhimiroti hã te 're wapari pese u'âsi.