Zenezi 14:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Quedorlaome ãma, duré isiré norĩ apito ãma te te ai'uté za'ra pari, Abrã apâ tinhorõwa u te te sina siri wa, ma tô Sodoma ãma apito hã itẽme mo, 'râwi te te sõpẽtẽ da, romharé Savé na isisi ãma, isisi amo hã romharé Danhib'apito na iwamri ãma.

Zenezi 14:17 ပူးပေါင်းရင်းမြစ်များ

Zenezi 14:1

Taha wahub 'remhã, te Anrafe na isisi, Sina na romnhisi ãma apito na 're hâimana. Arioqui, Elasa na romnhisi ãma apito na te 're hâimana. Quedorlaome, Elã na romnhisi ãma te apito na hã 're hâimana. Duré Tidau, te Go'ĩ na romnhisi ãma apito na hã 're hâimana.

Zenezi 14:10

Tawamhã Sidĩ na romharé nhisi ãma te ab're, wedewa'u tob ré hã ahâ na 're hâimana za'ra. Tawamhã Sodoma ãma apito, Gomora ãma apito me dasi'wapéi wi sima'uri pibu zahuré da sisamroi wamhã, ma tô nima norĩ ite dasi'wapé 'manharĩ'wa hã ab're 'remhã nasi titobro za'ra. Tahawa, nima norĩ si ma tô dawi aimani za'ra, ẽne 're ihâimana za'ra mono u hã.

Zenezi 14:5

Tawamhã duré Quedorlaome, tisiré apito na 're ihâimana za'ra mono norĩ me ma tô 14 wahub ãma ãne a'uwẽ wamri norĩ ãma hã ai'uté za'ra: Refa'ĩ norĩ Asterote-Carna'ĩ ãmamhã, zuzĩ norĩ Hã ãmamhã, duré emi norĩ Savé-Quiriataĩ ãmamhã.

Provébiu 14:20

Isimarĩ'õ waptoma 're idahâimana za'ra mono norĩ ma hã tãma wẽ'õ za'ra di. Tane nherẽ, isimarĩ pese norĩ si te siwaihu'u ahâ na 're hâimana za'ra.

Provébiu 19:4

Isibro pe hã te za tisiwaihu, ahâ na te te sitẽme 're a'wani. Tane nherẽ, isimarĩ'õ siwaihu'u si te za te te 're arẽme.

Hebreu 7:1

Ta hã Mequizédéqui hã Salẽ na 'ri nho'õmo nhisi ãma danhib'apito, ma tô dama 're hâimana. Sasedoti na te duré dama 're hâimana, 'Re ihâimana u'âsi mono ma, da'ãma romhuri'wa na. Danhipai u dama pire uptabi na 're ihâimana mono ma, romhuri'wa na te 're hâimana. Duréihã Abra'ã norĩ hã, danhib'apito norĩ, maparane si'uiwa na te te ãma ai'uté za'ra pari, apâ si'aba'réi ré, ma tô sõpẽtẽ Mequizédéqui hã, Abra'ã hã. Tahawa, ma tô mreme pire na Mequizédéqui hã ãma mre, 'Re ihâimana u'âsi mono ma, marĩ hã iwẽ si te te tãma 're apisutu mono da, Abra'ãhã ma hã.

Zuize 11:34

Tawamhã Zépté apâ Mispa ãma tinhorõwa u te te sina siri wamhã, ma tô i'ra sipi'õ te te sõpẽtẽ da, itẽme watobro, si'rẽne mono sina, duré ropta'azé tãborĩ na te te ropta'a mono sina. Ta hã õhõ sire i'ra hã. Aimawi i'ra sipi'õ hã, duré i'ra si'aibâ hã tãma 're 'maihâimana mono õ di.

1 Samuéu 18:6

Dawi, Gulia te te wĩrĩ pari, dasi'wapéi 'manharĩ'wa norĩ apâ si'aba'réi wamhã, ma tô uburé 'ri'ahâ mono bâ Izaraéu nhihudu norĩ nhipti'ai ãma pi'õ norĩ hã wairé, apito Sau te te siwi sõpẽtẽ da, sõ're za'ra sina rowẽ te, si'rẽne za'ra mono sina, piza baihâ 'manharĩ na te te ropta'a za'ra mono sina, duré rowamremezé te te siwi sõrõta'a mono sina.