Zenezi 14:13 - ꞌRe Ihâimana Uꞌâsi Mono Zadawa Wasuꞌu

¹³ Tane nherẽ, ma tô aibâ misi dawi aimani. Tawamhã ta hã ma tô mo, uburé marĩ ihâimanazé hebreu Abrãhã ma, te te tãma rowasu'u da. Abrã hã te rowede iwazéb zahi 'rata 're hâimana, amoreu norĩ siré Mare te rowede 'rata. Tawamhã Mare norĩ hã te tisisãnawã Escol me Aner norĩ me hã Abrãhã niwĩmhã 're hâimana za'ra.

Zenezi 14:13 ပူးပေါင်းရင်းမြစ်များ

Zenezi 10:16

Cana'ã nhihudu norĩ hã ãne: Zebuzeu norĩ, amoreu norĩ, gigazeu norĩ,

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 14:24

Marĩ ĩma ihâimana da hã te ĩsima wẽ õ di. Ĩnhib'a'uwẽ norĩ tisa te te ãma ihuri si te za ĩma ti'maihâiba za. Tane nherẽ, te za ĩsiré norĩ ma si marĩ hã ite mono bâ tãma tihâimana za'ra, ã norĩ ma, Aner, Escol, duré Mare.

Zenezi 18:1

Tawamhã Uburé Danhib'apito, Abra'ãhã ma, ma tô tãma sihâi'ré, rowede iwazéb zahi, Mare na isisi 'rata hâimana ré. Tawamhã Abra'ã, hâiwahâ tẽme rowa'ro wa, ma tô romhâ 'manharĩ na tinhorõwa 'ridawa zahâpâmhã nhamra rowi.

Zenezi 21:24

Tawamhã Abra'ã ma te asa ãma tãma wa'rã ãne: — Wa za tô aima ropisutu.

Zenezi 21:27

Tawamhã Abra'ã, niha pone'ẽrebâ norĩ hã powawẽ me, ma tô te te simro, Abimelequihi ma, te te tãma sõmri za'ra da. Tahawa, ma tô roti na isisazezé hã sima 'manharĩ zahuré, itete na.

Zenezi 21:32

Tawamhã Beseba na 'ri nho'õmo nhisi ãma tinhimiropisutuzéb zahuré zé te te sima 'manharĩ zahuré parimhã, ma tô Abimelequi, Ficoho me, filisteu norĩ nhipti'ai u hã oto apâ sina siri zahuré.

Zenezi 39:14

ma tô 'ri 're tãma zahuré romhuri'wa norĩ zô tihârâ za'ra. Tahawa, te ãne tãma siwasu'u za'ra: — Ãhãta ma'ãpé asiwi 'madâ'â aba! Ã hã hebreu, ĩmro, wanhorõwa 'madâ'â'wa da, we te te i'ãwi hã ma tô rowazé wama waze. Ĩnhib'ri 're wa'wa u, ma tô we ĩtẽme ãzé, ĩ'ãma hâimana da. Tane nherẽ, wa tô tiwi 're ĩzadari, ĩzadari 'rãihâ na hã.

Zenezi 40:15

Sena ĩzada iropsisapẽtẽ hawimhã ma tô hebreu norĩ nhipti'ai hawimhã dasiwi ĩwazere ni, Ezitu u we da te dasiwi ĩzaprõni da hã. Duré ãme Ezitu 'remhã marĩ te 'manharĩ õ nherẽ, ma tô dazazéb u hã we ĩnherẽ ni, ĩzab da.

Zenezi 41:12

Tamemhã te hebreu wasiré hã 're hâimana, apito 'madâ'â'wa norĩ nhib'ihâ'a ma, romhuri'wa hã. Tawamhã taha ma, wa tô wanhimirosawẽrẽ hã tãma wasu'u ni. Tahawa ma tô ãma wama saprĩ, wa te irosawẽrẽzé, marĩ te te iwasu'uzém na hã.

Zenezi 43:32

Tawamhã Zuzéhé ma, ma tô abzuma ĩsa hã tãma sãrĩ ni, danhiti wedeza tãma isabzéb ãma. Ma tô duré isisãnawã norĩ ma, ĩsa hã tãma sõré ni, wedeza aimawi tãma isab za'ra zéb ãma. Te duré wedeza aimawi hã za, ezipsiu norĩ tame dasiré isi'ubumro norĩ, ãma isaihurizéb da hã, ta norĩ hã Izaraéu nhihudu norĩ siré 're saihuri waihu'u mono õ wa, tãma za'ra hã iwẽ na 're hâimana mono õ wa.

Ezodu 2:11

Tawamhã Mozési ma tô oto si'aibâ. Tahawa te nimahã bâtâ na tisiré norĩ te te sabu da oto mo. Morĩ wamhã, ma tô ab'madâ, romhuri pire na te te rob'ma'wamarĩ ré hã. Tahawa ezipsiu norĩ siré hã, isiré Izaraéu nhihudu te te i'mai'azâri zama hã ma tô 'madâ.

Ezodu 2:6

Tawamhã Apito Fara'oho 'ra, ma isidâzé sa'o. Te te sa'o wamhã, ma tô ai'utére hã 'madâ, wawai ré. Tahawa ma tô ãma tipẽ'ẽzé. Tawamhã te tinha ãne: — Ã hã 'watébrémi, Izaraéu nhihudu 'ra.

Ezodu 3:18

— Tawamhã duré ãne tãma ĩzadaihu'u za'ra wamhã, te za ĩnhib'a'uwẽ norĩ aiwapari za'ra. Taha pari te za Izaraéu nhihudu norĩ ma i'rãnho'õmo norĩ me hã ai'aba'réi wa'wa, Ezitu te apito ma, nharĩ za'ra wa'aba da hã. Tahawa, te za ãne tãma inharĩ za'ra wa'wa za: “Uburé Danhib'apito, hebreu norĩ te 'Re ihâimana u'âsi mono, ma tô wama za'ra hã sihâi'ré. Tahawa, wama rowairébé za'ra na, a'ubuni wi rop si 're irosa'wari mono u wasi'aba'ré da. Tawamhã wasi'aba'réi ré te za si'ubdatõ bâdâ hã wa'ãma tineb za'ra, Uburé Danhib'apito wate 'Re ihâimana u'âsi mono ma, wanhimizama zata na tãma ãma wanhoprub za'ra da hã.”

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

2 Corĩtu 11:22

Zezusihi zadawa wasu'u'wa newa, tô senai'õ na te te aima 're iroti za'ra wa'aba mono norĩ hã te sina aima 're wata za'ra wa'wa, hebreu na 're ihâimana za'ra mono na hã, duré Izaraéu nhihudu 're ihâimana za'ra mono na hã, duré Abra'ãhã nhihudu 're ihâimana za'ra mono na hã. Tane, wa duré wa hã hebreu na, duré Izaraéu nhihudu na, duré Abra'ãhã nhihudu na ĩwamri na hã 're ĩhâimana. Ãne na wawamri na 're iwahâimana za'ra wa'aba mono hã aiwa tô wama za'ra hã.

Filipu 2:5

Cristu Zezusi hã sima si 're hâimana mono õ di. Tahawa, isimirosa'rata ne, te za duré a norĩ wa'wa hã 're irosa'rata wẽ za'ra wa'aba mo.

1 Samuéu 29:3

Tawamhã filisteu norĩ te dasi'wapéi 'manharĩ'wa norĩ 'madâ'â'wa hã ma tô ãne anharĩ za'ra: — E marĩ te hebreu norĩ hã ãmemhã 'manharĩ za'ra. Tawamhã Aqui ma tô ãma sada'âbâ za'ra ãne: — Ã hã Dawi, Izaraéu nhihudu norĩ nhib'apito ma romhuri'wa aré, Sauhu ma hã. Duré ma tô bâtâ ahâ na hã ĩsiré 're hâimana, Sau te te irẽme hawim haré. Tô ĩtẽme wisi hawim haré, marĩ hã te 'madâ'â õ di, te te i'manharĩ upazé hã, ĩwi.

1 Samuéu 4:12

Tawamhã taha bâtâ na ma tô aibâ Bẽzamihĩ nhihudu hã wara dasi'wapézém hawi Silo u hã. Tawamhã tô bâtâ na ma tô wi. Duré robzei õ na da te waihu'u za'ra da hã ma tô uza hâsi wazui ré wi, duré ti'a na 'rãzazub ré.