Zenezi 13:9 - ꞌRe Ihâimana Uꞌâsi Mono Zadawa Wasuꞌu

⁹ Tahawa wa za wasima aiwãnhizari ni. Õhõta ro inomro hã ma'ãpé 'madâ'â, rob're za'ẽtẽ uptabi di. Tahawa, ma'ãpé nima niwĩ ro inomro hã asima pisutu! Asimi'e niwĩ aimorĩ da wamhã, wa hã wa za ĩnhimire niwĩmhã mo. Duré asimire niwĩ aimorĩ da hã wamhã, wa hã wa za duré ĩnhimi'e niwĩmhã mo.

Zenezi 13:9 ပူးပေါင်းရင်းမြစ်များ

Zenezi 13:10

Tawamhã Lo te te 're rob'madâ'â mono wamhã, Zodã na romharé nhisi ma tô 'madâ, 'ri nho'u Zoa na isisi tẽme, pa nho'õmo nhipti ahâ ré ro inomro hã, Uburé Danhib'apito te, rob're iwẽ 're ihâimana mono sine hã, duré Ezitu ãma ti'a iwẽ 're ihâimana mono ne hã. Ãne na romharé iwẽ na ma tô aré 're hâimana, Uburé Danhib'apito, 'ri nho'u Sodoma, Gomora me te te uprosi zahuré wana ré hã.

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Zenezi 20:15

Taha pari, te duré tãma tinha ãne: — Abra'ã, ãhãta te ĩnhipti'a hã asõ'remhã tihâiba. Ma'ãpé asima iwẽzéb uwaibaba, nimame iwa 're aihâimana mono da, asima ro hã 'maipisutu.

Zenezi 34:10

Ãme wanhipti'ai 're, wasiré 're aihâimana za'ra wa'aba mono. Asima iwẽ na duré ti'ai wa'õtõre norĩ hã uipra za'ra wa'aba mono. Duré asima iwẽ na marĩ wede na duré marĩ uipra na hã 're romhuri za'ra wa'aba mono.

Roma 12:18

Asada 're dahâimana za'ra wa'aba mono nherẽ, rowẽ na si dasiré 're aihâimana u'âsi za'ra wa'aba mono da, te za asina 're irosa'rata wẽ u'âsi za'ra wa'aba mo.

1 Corĩtu 6:7

Ãne zarina, asisada 're aihâimana za'ra wa'aba mono wa, da'ãma rowairébé'wa norĩ u, 're asisimroi wa'aba mono wamhã, isazei'wai hâimanazém na asima 're uwaimrami za'ra wa'aba mono õ di za. Ni'wam norĩ hã asiré isazei'wa nherẽ, te te aima 're rob'manharĩ wasété za'ra wa'aba mono wamhã, tãma ãma 're wa'rãmi za'ra wa'aba mono ãna, te za tô õne haré 're aihâimana za'ra wa'aba mo. Ni'wam norĩ hã asibrom na aiwi 're sipsaihuri za'ra wa'aba mono wamhã, tãma ãma 're wa'rãmi za'ra wa'aba mono õ di za duré. Tawapsi, te za asina ãma 're i'uwaimrami za'ra wa'aba mo, isazei'wai hâimanazém na hã.

Hebreu 12:14

Rowẽ zô te za 're asõpré wa'aba mo, dasiré 're aihâimana za'ra wa'aba mono da. Duré 'Re ihâimana u'âsi mono ma si 're asisõmri u'âsi za'ra wa'aba mono da, te za 're asi'madâ'â pese za'ra wa'aba mo. Ãne hã ni'wam norĩ hã 're hâimana wẽ za'ra mono õ nherẽ, niwamhã Wanhib'apito hã titõmo na te te dame 'madâ'â za'ra õ di za, ta norĩ hã.