Zenezi 13:7 - ꞌRe Ihâimana Uꞌâsi Mono Zadawa Wasuꞌu

⁷ Tahawa te Abrãhã nhimizama 'madâ'â'wa norĩ, rom na ãma 're sisada'âbâ za'ra, Loho nhimizama 'madâ'â'wa norĩ me hã. Tô taha wa, te duré zahadu tamemhã cananeu norĩ hã, perizeu norĩ me hã 're hâimana za'ra.

Zenezi 13:7 ပူးပေါင်းရင်းမြစ်များ

Zenezi 10:19

Tawamhã cananeu norĩ nhipti'a zada'ré Sidõ na 'ri nho'õmo nhisi hawi, Gera na 'ri nho'õmo nhisi u hã ma tô 're hâimana, Gaza na 'ri nho'õmo nhisi 'rata 're ihâimana mono u. Sodoma na 'ri nho'õmo nhisi u, Gomora na 'ri nho'õmo nhisi u, Adma na 'ri nho'õmo nhisi u, duré Zebo'ĩ na 'ri nho'õmo nhisi u, ma tô 're hâimana, Lasa na 'ri nho'õmo nhisi 'rata 're ihâimana mono tẽme.

Zenezi 12:6

Abrã ma tô ti'ai wa'õtõ nho'u hã 'razâri waré, Siquẽ na 'ri nho'õmo nhisi u wisi da, ro iwazéb zahi, Moré na romnhisi ãma rowede iwazéb zahi 're isa mono zéb u. Taha wamhã, cananeu norĩ te tame ti'ai 'remhã 're hâimana za'ra.

Zenezi 21:25

Tawamhã Abra'ã, ma te Abimelequihi ma hã tãma pri'i, tãma romhuri'wa za'ra 'wa ite â zô ab're na siptete na ãma tiwi site za'ra wa.

Zenezi 26:20

Tane nherẽ, Gera ãma pone'ẽrebâ 'madâ'â'wa norĩ, Izaquihi ma, pone'ẽrebâ 'madâ'â'wa norĩ me hã ma tô ãma sisada'âbâ za'ra, õ hã â zô ab're ite za'ra na hã. Tahawa Izaqui â zô ab're hã ma tô sisi ãne, “ãma idasisada'âbâ za'ra zém” na.

Zenezi 34:30

Tahawa te Zaco, Simiã norĩ ma, Levihi me, tãma nharĩ zahuré ãne: — A norĩ wa'wa ma tô ropire ĩzada iwazere 'wa. Tahawa te za a'uwẽ cananeu norĩ, perizeu norĩ, duré uburé ã hã ti'ai 're, 're idahâimana za'ra mono norĩ hã te te siwi 're ĩ'ruiwapari u'âsi. Duré ĩnhib'a'uwẽ si'aibâ norĩ ahâ õ di, wa hã. Tahawa ĩzada si'rã'õtõ wa, te te duré siwi ĩ'wapéi wamhã, te za uburé ĩsiwapru norĩ hã duré ĩ'ra norĩ hã ai'utõ.

Zenezi 46:34

ãne te za asa ãma tãma iwa'rãmi za'ra wa'wa: “Zahadure ré, wa tô wanhimizama hã wa te 're tébré za'ra, wahi'rata norĩ te te 're iroptébré za'ra mono ne.” Ãne zarina te za tawamhã Gosẽ ãma 're aihâimana za'ra wa'aba mono da hã aima rowairébé za'ra wa'wa, ezipsiu norĩ, pone'ẽrebâ tébré'wa norĩ te te siwi 're 'ruiwapari za'ra mono wa.

Neemia 5:9

Tawamhã wa duré tãma nharĩ za'ra ãne: — Marĩ a norĩ wa'wa 're i'manharĩ za'ra wa'aba mono hã, i'uwaibaba õ di! 'Re ihâimana u'âsi mono si 're iwazéb za'ra wa'aba mono zéb da si i'ruzahi. Duré i'uwaibaba na si uburé marĩ 're i'manharĩ za'ra wa'aba mono da si i'ruzahi hã, wasiré zudeu'õ wanhitob'ru norĩ, wa'ãma 're wa'ẽ za'ra mono tõ da.

Ezodu 2:17

Tawamhã pone'ẽrebâ 'madâ'â'wa norĩ hã ma tô duré ãma aihutu, â zô ab're u. Sihutu wamhã, ma tô timreme te te tãma 'morõwĩrĩ za'ra sina pi'õ norĩ si'aba'ré da â nhiti sãmra. Tane nherẽ, Mozési ma tô ãma sisaprĩ za'ra, pi'õ norĩ ãma, pone'ẽrebâ 'madâ'â'wa norĩ wi. Tahawa ma tô nasi tãma amrami za'ra â hã, pone'ẽrebâ te te i'âhuri da hã.

Provébiu 20:3

Uburé isimiza'rese'õ norĩ te waptu na tisi'wapé na hã dame 're hâimana za'ra. Ni'wa dasi'wapé nhiti 're ihâimana mono si dama wazéb u'âsi di.

1 Corĩtu 3:3

E marĩ wa. Isazei'õ'wa norĩ 're ihâimana za'ra mono zéb zarina, zahadu 're anomro aba mono wa. Tahawa, te zahadu 're asi'ruiwapari za'ra wa'aba mo, marĩ na. Te duré 're asisada'âbâ u'âsi za'ra wa'aba mo. Ãne na 're aihâimana za'ra wa'aba mono zé hã, e marĩ te aima wasu'u za'ra wa'wa. Cristu hã 're saze za'ra wa'aba mono õ ré, aiwasété na 're aihâimana za'ra wa'aba mono zé, zahadu 're irẽme waihu'u za'ra wa'aba mono õ zé, te aima wasu'u za'ra wa'wa, isazei'õ'wa norĩ 're ihâimana za'ra mono zém ne hã.

Galata 5:20

Duré 'Re ihâimana u'âsi mono upana, te romhâiba 'manharĩ ãma 're dawata za'ra. Te duré tãma 're damreme zusi. Duré abzé 'manharĩ'wa, te 're danomro. Duré te 're dasi'ruiwapari za'ra. Te duré 're dasisada'âbâ za'ra. Duré marĩ na te 're dasi'ruiwapari za'ra. Dasi'aba'ré na te duré 're dazahi za'ra. Duré marĩ iwẽ zô, te dasima si 're danhopré. Te duré 're dasirẽme za'ra, 'râwi dasi'rata 're dahâimana za'ra mono tõ da.

Colosu 4:5

Asimirosa'rata wẽ, oto ãma 're iwaihu'u za'ra wa'aba mono zéb zarina, te za Cristuhu zazei'õ'wa norĩ ma aihâimana prédup sina tãma 're aihâimana za'ra wa'aba mo. Duré 're danhopẽtẽ za'ra wa'aba mono sidâpâsi, te za Cristuhu wasu'uwẽ hã dama 're iwasu'u za'ra wa'aba mo, dasiré 're aihâimana za'ra wa'aba mono ré, da te 're waihu'u za'ra mono ãna 're dahâimana za'ra mono tõ da, Cristuhu wasu'uwẽ hã.

1 Tesalonita 4:12

Tawamhã danho'a 're anomro wẽ wa'aba mono wa, isazei'õ'wa norĩ hã te za te te 're aiwẽsãmri za'ra wa'wa. Te za duré te te oto 're aiwazéb za'ra wa'wa. Duré asimi'ẽ na 're romhuri za'ra wa'aba mono wamhã, 're dawari za'ra wa'aba mono ãna, te za 're anomro aba mo.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.

Tiagu 3:16

Marĩ na da te 're da'ruiwapari za'ra mono wamhã, duré marĩ iwẽ zô dasima si 're danhopré mono wamhã, rowẽ hã dama 're hâimana za'ra mono õ di za. Te za dasiwi da te 're ro'wa'rutu za'ra. Te za duré 're dahâimana wasété za'ra.

Tiagu 4:1

A norĩ wa'wa hã te aimreme na 're asi'wapé za'ra wa'aba mo. Te duré 're asisada'âbâ za'ra wa'aba mo. E marĩ wa. Asimirosa'rata wasété za'ra wa'aba zarina, marĩ zô asi'rep si asima 're rob'ruiwapari za'ra wa'aba mono wa.

1 Pedru 2:12

A norĩ wa'wa hã Wanhib'apito zazei'õ'wa norĩ wazari, te 're aihâimana za'ra wa'aba mo. Tahawa, te za aihâimana wẽ na si dama 're aihâimana za'ra wa'aba mo. Tawamhã aihâimana wasété na, taré da te aima 're nharĩ za'ra wa'aba mono nherẽ, te za da te 're aiwaihu'u za'ra wa'wa, dama 're aihâimana wẽ za'ra wa'aba mono zém na. Tawamhã Cristu hã apâ wei morĩ wapsi, te za 'Re ihâimana u'âsi mono ãma tawata za'ra ni, isimiroti zarina aihâimana wẽ na, dama 're aihâimana za'ra wa'aba mono wa.