Zenezi 13:2 - ꞌRe Ihâimana Uꞌâsi Mono Zadawa Wasuꞌu

² Abrã hã isimarĩ pese uptabi di, pozé wasété na hã, ẽtẽ waipo prã prata na hã, duré ẽtẽ waipo pré oru na hã.

Zenezi 13:2 ပူးပေါင်းရင်းမြစ်များ

Zenezi 12:16

Tawamhã duré taha hâiba u'âbâmhã ma tô apito, Abrãhã ma, marĩ hã tãma 'manharĩ wẽ. Tahawa pone'ẽrebâ norĩ hã, duré powawẽ norĩ hã, duré awaru po're pore si'aibâ norĩ isipi'õ norĩ me, duré pawa'âbâ ãna romhuri'wa si'aibâ norĩ pi'õ norĩ me hã, duré awaru ba'õmore norĩ hã ma tô tãma sõmri za'ra.

Zenezi 13:6

Tane nherẽ, siré 're ihâimana zahuré mono da hã waihu'u õ di, isimizama zahuré sazéb da du ihâimana hã, sadai õ wa. E marĩ wa. Simizama ahâ uptabi zahuré wa.

Zenezi 24:1

Tawamhã Abra'ã hã ihi uptabi na te 're hâimana oto. Duré Uburé Danhib'apito ma tô marĩ iwẽ hã te te tãma 're apisutu u'âsi.

Zenezi 24:35

Uburé Danhib'apito ma tô ĩnhib'apito ma iwẽ si te te tãma 're apisutu. Tahawa, ma tô sisimarĩ pese. Isimizama da, pone'ẽrebâ norĩ hã, pone'ẽrebâ zéré uzé norĩ hã, powawẽ norĩ hã, ẽtẽ waipo prã prata 'manharĩ hã, ẽtẽ waipo pré oru 'manharĩ hã, pawa'âbâ ãna tãma romhuri'wa si'aibâ norĩ hã pawa'âbâ ãna romhuri'wa sipi'õ norĩ hã, awaru ba'õmore norĩ hã, duré awaru po're pore norĩ zama hã ma tô tãma sõmri za'ra.

Zenezi 26:14

Izaquihi nhimizama pone'ẽrebâ hã, pone'ẽrebâ zéré uzé hã, powawẽ hã, duré tãma iromhuri'wa norĩ hã ahâ uptabi di. Tahawa te filisteu norĩ hã te te siwi 're 'ruiwapari oto.

Zenezi 30:43

Tawamhã ãne wa, ma tô oto sisibro pese. Isimizama pone'ẽrebâ zéré mapure norĩ, pone'ẽrebâ zéré uzé norĩ, tãma iromhuri'wa si'aibâ norĩ, tãma iromhuri'wa sipi'õ norĩ zama, awaru ba'õmore norĩ hã, duré awaru po're pore norĩ hã ahâ uptabi di oto.

Provébiu 10:22

Uburé Danhib'apito nhimipawaptobzé wẽ zarina te za danhimarĩ hã dama 're wairébé. Tahawa, duré ni'wa 'râwi tinhiptete na hã te te ãma sisiwi waihu'u õ di, tinhimarĩ na hã.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

1 Samuéu 2:7

Wanhib'apito hã te duré te te dama 're apisutu, danhiptihai ãna 're dahâimana za'ra mono da hã, duré danhibro pese na 're idahâimana za'ra mono zéb da hã. Õhõ si te te dama 're apisutu, dawapu na 're idahâimana za'ra mono zéb da hã, duré dapire na 're idahâimana za'ra mono zéb da hã.