Zenezi 13:17 - ꞌRe Ihâimana Uꞌâsi Mono Zadawa Wasuꞌu

¹⁷ Tahawa te za ã hã ti'a na hâiwa nhimi'e niwĩmhã, hâiwa nhimire niwĩmhã, bâtâ pusizém niwĩmhã, duré bâtâ zasizém niwĩmhã 're robzabui mono da hã 're aimo, wa hã za te aima sõmri dâ'âsina.

Zenezi 13:17 ပူးပေါင်းရင်းမြစ်များ

Zenezi 12:7

Tawamhã tame Uburé Danhib'apito, Abrãhã u wisi wamhã, ma tô ãne tãma tinha: — Asihudu norĩ ma, wa za ã ti'a hã tãma sõmri za'ra. Tawamhã tame Abrã ma tô ẽtẽ za'ra hã 'manha, tinhimizama te te tãma ãma zata da, Uburé Danhib'apito ma. E marĩ wa. Tame hâimana ré, itẽmemhã wisi wa.

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 15:7

Tawamhã te duré sina tãma tinha ãne: — Wa hã, Uburé Danhib'apito. Wa hã wa tô Babilonia hawimhã we aiwaze, 'rinho'u Ur na isisi hawimhã, ã hã ti'a te aima isõmri da hã ãma 're airo mono da oto.

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.