Zenezi 13:13 - ꞌRe Ihâimana Uꞌâsi Mono Zadawa Wasuꞌu

¹³ a'uwẽ wasété uptabi na si 're ihâimana za'ra mono ãma, tiwasété si 'Re ihâimana u'âsi mono zada, te te 're i'manharĩ za'ra mono zéb ãma.

Zenezi 13:13 ပူးပေါင်းရင်းမြစ်များ

Zenezi 10:9

Ta hã Uburé Danhib'apito nhimipawaptobzéb zarina, ma tô aba'wa dama iwasu'u za'ẽtẽ na 're hâimana. Tahawa te dasima da te 're nharĩ za'ra, ãne: “Ma'ãpé, Nirodihi ne hã 're ai'maihâimana aba mono, Uburé Danhib'apito nhimipawaptobzéb zarina aba pese 'wa dama isa'ẽtẽ na hã.”

Zenezi 15:16

Asihudu norĩ, maparane si'uiwa na ãma idapoto ãmap si te za apâ we sina siri za'ra. E marĩ wa. Zahadu amoreu norĩ wasété zé ibâ na hâimana õ wa, niha na te tãma irob'manharĩ za'ra da hã.

Zenezi 18:20

Tawamhã Uburé Danhib'apito, te Abra'ãhã ma oto tinha ãne: — Sodoma norĩ ãma Gomora me, iwasédé da te ãma 're inomri zahuré mono zé sa'ẽtẽ uptabi di. Duré iwa 're idahâimana za'ra mono norĩ wasété za'ra zé hã pire uptabi di.

Zenezi 19:13

E marĩ wa. Ã hã daza'ru wa za wa norĩ hã uprosi ni. Uburé Danhib'apito, iwa 're idahâimana za'ra mono norĩ nhimi'manharĩ wasété zarina, iwasédé da te ãma 're inomro mono zé hã, ma tô te te 're wapari. Tahawa ma tô wama ti'ru, Sodoma hã wa te uprosi da.

Zenezi 38:7

Tane nherẽ, Uburé Danhib'apito, Er hâimana wasété zé hã te te tãma rowẽ õ di. Tahawa ma tô tiwĩ.

Zenezi 39:9

Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Zenezi 6:11

Tane nherẽ, te 'Re ihâimana u'âsi mono tõmo nho'a, uburé dawasété na si daro mono bâ 're dahâimana za'ra. Tahawa, te uburé daza'rui mono na da te dasina 're rowamnarĩ u'âsi za'ra.

Mateu 9:10

Tawamhã bara na ma tô isiré 're inomro mono norĩ hã Zezusihi me tisaihu. Mateuhu nhorõwa ãma te taha wamhã tisaihu. Saihuri ré, ma tô rob'uiprazé arĩ ubumroi'wa norĩ hã itẽme asisi 'ri para u, ahâ na, isiré saihuri da. Ni'wam norĩ hã zudeu nherẽ, farizeu norĩ nhimiroti zarina 're ihâimana za'ra mono õ norĩ zama ma tô duré itẽmemhã aihutu, Zezusihi u hã.

Mateu 9:13

Duréihã ma tô 'Re ihâimana u'âsi mono zadawa 'mahârâ'wa hã ãne na rob'ui'éré, 'Re ihâimana u'âsi mono mreme na: “Asimizama hã ĩma 're izata za'ra wa'aba mono zô hã, sô 're ĩnhimipari mono õ di oto. Asimizawi pese zarina, da'ãma 're aiwamri za'ra wa'aba mono da si, wa ĩsima te 're aiwẽ za'ra wa'wa oto.” Ãne duréihã 'Re ihâimana u'âsi mono mreme na rob'ui'éré hã sô sabu za'ra wa'aba ibaihâ hã, waihu'u pese za'ra wa'aba da. Dawẽ na 're idanomro mono norĩ zô ĩsitẽme sô 're ĩhârâ za'ra mono da, we ĩmorĩ õ di. Dawasété na 're idanomro mono norĩ zô si ĩsitẽme sô 're ĩhârâ za'ra mono da si, wa tô wei mo.

Zuwã 9:24

Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne: — Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.

Zuwã 9:31

Ni'wa hã 're morĩ wasété wamhã, imreme te te 're wapari mono õ di za, te te tãma ãma 're a'uwaimrami mono da, 'Re ihâimana u'âsi mono hã. Ni'wa hã isimiroti te te 're 'madâ'â pese mono wamhã, te za imreme hã te te 're wapari u'âsi, te te tãma ãma 're uwaimrami u'âsi mono da. Ãne wama waihu'u pese za'ra di, wa norĩ hã.

Roma 1:27

Tane aibâ norĩ hã pi'õ na dasina 're idamro za'ra mono zéb upana, te aibâ si'uiwa na si te te sina 're rosa'rata wasété uptabi za'ra, pi'õi upana, aibâ si'uiwa 're isi'ruiwapari za'ra mono na. Dasi'uihâ na te aibâ si'uiwa na dasina 're dawasété za'ra. Tahawa, te za 'Re ihâimana u'âsi mono hã te te 're da'ahâ za'ra, dapo're'õ si, da te dasi'ãma 're i'manharĩ za'ra mono zéb uwaibaba, 're danomro mono wa.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

2 Pedru 2:10

Dahâimana nhiséb'õ na 're dahâimana za'ra mono wamhã, duré isimiroti hã da te dasiwi 're wẽ'õ za'ra mono wamhã, te za sa'ẽtẽ na da te 're robzépata za'ra, 'Re ihâimana u'âsi mono nhimihâzéb zarina. Senai'õ na rowasu'u'wa norĩ hã, te simipari ãna 're hâimana za'ra. Ta norĩ hã hâiwa ãma romhuri'wa norĩ hã te te 're wazéb za'ra mono õ di. Timreme na te te ãma 're wasété u'âsi za'ra, sina pahi za'ra ãna.

Zuda 1:7

Duré ãma asipo're pu'u za'ra wa'aba, duréihã Sodoma na 'ri nho'õmo nhisi ãma 're idahâimana wasété za'ra mono norĩ ãma, duré Gomora na 'ri nho'õmo nhisi ãma 're idahâimana wasété za'ra mono norĩ ãma, duré i'rata 'ri wa'õtõ mono bâ 're idahâimana wasété za'ra mono norĩ ãma hã. Tamemhã ma tô uburé dahâimana wasété uptabi na 're dahâimana za'ra, dasiwazari. Dahâiba na ma tô dasina 're danhimisaihuri za'ra. Duré aibâ nherẽ, ma tô aibâ si'uiwa na dasina 're dawasété za'ra. Hâiwa ãma aré te te 're iromhuri za'ra mono norĩ hã, 'Re ihâimana u'âsi mono hã te te 're iwapari za'ra mono õ ne, da te 're wapari za'ra mono õ di. Tahawa, ma tô unhama ro'o na dama rob'manharĩ za'ra, 'Re ihâimana u'âsi mono hã, da te 're robzépata u'âsi za'ra mono da, wẽ te bâ, unhama ro'o u'âsi na. Taha na te za ãma 're dasipo're pu'u u'âsi za'ra, ta norĩ zarina ãma 're danomro wasété tõ mono da, isirã za'ra zéb zarina.

1 Samuéu 15:18

Ma tô duré aima ti'ru, amalequita norĩ uprosi da hã, a'uwẽ iwasédé hã. Duré ma tô aima hâiba 'ru za'ra 'wapé za'ra da hã uburé i'uprosi pese zéb u.

1 Samuéu 2:17

Tawamhã ãne Erihi 'ra norĩ hã ma tô siwi te te 're wazéb'õ zahuré, Uburé Danhib'apito ma danhoprubzé da te 're i'ãwisi za'ra mono hã. Tahawa, Uburé Danhib'apito ma hã ai'reputu norĩ wasété zahuré zé hã pire uptabi di.