Zenezi 13:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Abrã, Cana'ã ti'ai 'remhã ma tô sisa'u zahuré hã 're hâimana u'âsi. Tane nherẽ, Lo hã ma tô ta hawimhã zâmo, ro Sodoma 'rata, 'ri nho'u siwaptõma, ihâimana za'ra wa'wa ẽtẽ siwa'aba ãma, te te sima 'ri nharĩ da,

Zenezi 13:12 ပူးပေါင်းရင်းမြစ်များ

Zenezi 13:11

Tawamhã Lo, Zodã na romharé nhisi ãma uburé ti'a 're ihâimana mono hã te te sima pisutu wa, ma tô bâtâ pusizém niwĩmhã oto mo. Ãne ma tô oto tahawa, sima aiwãnhizari zahuré.

Zenezi 14:12

Lo, Abrãhã 'ra wapté Sodoma ãma ma tô 're hâimana. Tahawa taha zama ma tô duré da'u'âbâmhã dasiwi saprõni ni. Duré uburé isimarĩ, tãma 're ihâimana za'ra mono zama, ma tô dasiwi 'wasari ni.

Zenezi 14:2

Tawamhã ã norĩ maparane si'uiwa na apito, ma tô ãne 'ri nho'õmo nhisi norĩ ãma apito norĩ te te 're 'wapé za'ra: Bera Sodoma ãma, Birsa Gomora ãmamhã, Sinabe Adma ãmamhã, duré Semebe Zebo'ĩ ãmamhã. Bela na 'ri nho'õmo nhisi ãma zama ma to apito te te siwi 're 'wapé. ('Ri nho'õmo nhisi amo hã Zoa na.)

Zenezi 19:1

Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto.

Zenezi 19:24

Wisi wi, ma tô Uburé Danhib'apito, hâiwa hawi tã 're ita'a mono ne unhama norĩ, ẽtẽ ro'o nhizédé uzé pire me sisa'wari zahuré mono da hã 'manha, Sodoma norĩ nhisiwi Gomora me.

Zenezi 19:25

Tahawa, maparane 'ri nho'õmo norĩ, ma tô uprosi zahuré. Romharé wa 're idahâimana za'ra mono norĩ hã, rob're norĩ hã, duré taha ti'ai 're, wede 're isimasa mono norĩ zama ma tô uburé uprosi pese.

Zenezi 19:29

Ãne 'Re ihâimana u'âsi mono, romharé na 'ri nho'õmo norĩ ãma ma tô da'uprosi. Tane nherẽ, ma tô Abra'ã ãma hã po're puru. Tahawa Lo, 'ri nho'õmo 're, 're ihâimana mono zéb ãma te te da'uprosi wamhã, dazu dâ'â tõ da hã, ma tô tinhimihâzé wi hã waze.

1 Corĩtu 15:33

Ãne wa, te za dawi 're asi'madâ'â pese za'ra wa'aba mo, danhimiroti wasédé hã tô sena newa, da'ãma 're sasõmri za'ra wa'aba mono tõ da. Taha na da'ãma 're sasõmri za'ra wa'aba mono wamhã, ta norĩ ne te za oto 're aihâimana wasété za'ra wa'aba mo.