Zenezi 13:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Lo te te 're rob'madâ'â mono wamhã, Zodã na romharé nhisi ma tô 'madâ, 'ri nho'u Zoa na isisi tẽme, pa nho'õmo nhipti ahâ ré ro inomro hã, Uburé Danhib'apito te, rob're iwẽ 're ihâimana mono sine hã, duré Ezitu ãma ti'a iwẽ 're ihâimana mono ne hã. Ãne na romharé iwẽ na ma tô aré 're hâimana, Uburé Danhib'apito, 'ri nho'u Sodoma, Gomora me te te uprosi zahuré wana ré hã.

Zenezi 13:10 ပူးပေါင်းရင်းမြစ်များ

Zenezi 11:27

à hã Teraha 'ra norĩ wasu'u, isihudu norĩ wasu'u me. Tera hã, Abrãhã mama, Naoho mama, duré Harãhã mama. Tawamhã duré Harã hã, Loho mama.

Zenezi 13:11

Tawamhã Lo, Zodã na romharé nhisi ãma uburé ti'a 're ihâimana mono hã te te sima pisutu wa, ma tô bâtâ pusizém niwĩmhã oto mo. Ãne ma tô oto tahawa, sima aiwãnhizari zahuré.

Zenezi 13:9

Tahawa wa za wasima aiwãnhizari ni. Õhõta ro inomro hã ma'ãpé 'madâ'â, rob're za'ẽtẽ uptabi di. Tahawa, ma'ãpé nima niwĩ ro inomro hã asima pisutu! Asimi'e niwĩ aimorĩ da wamhã, wa hã wa za ĩnhimire niwĩmhã mo. Duré asimire niwĩ aimorĩ da hã wamhã, wa hã wa za duré ĩnhimi'e niwĩmhã mo.

Zenezi 14:2

Tawamhã ã norĩ maparane si'uiwa na apito, ma tô ãne 'ri nho'õmo nhisi norĩ ãma apito norĩ te te 're 'wapé za'ra: Bera Sodoma ãma, Birsa Gomora ãmamhã, Sinabe Adma ãmamhã, duré Semebe Zebo'ĩ ãmamhã. Bela na 'ri nho'õmo nhisi ãma zama ma to apito te te siwi 're 'wapé. ('Ri nho'õmo nhisi amo hã Zoa na.)

Zenezi 14:8

Tahawa, Sodoma ãma apito, Gomora ãma apito, Adma ãma apito, Zebo'ĩ ãma apito, duré Bela ãma apito, ma tô ta norĩ hã tite dasi'wapéi 'manharĩ'wa norĩ ré hã wairé, Sidĩ na romharé nhisi u tame te te 'wapé za'ra da hã,

Zenezi 3:6

Tawamhã pi'õ te rowede iwẽ na hã 'madâ. Duré i'rã da te 're ihuri mono da hã te 'madâ'â ze na hã sima 'madâ. Tahawa, ma tô 'râwi duré sina rosa'rata, te te 'rẽne wamhã, za simiza'rese na rowaihu'u wẽ na 're ihâimana mono na hã. Tahawa, ma tô 'mata. Ma tô ti'rẽ. Taha pari, ma tô timro ma tisõ. Tawamhã taha zama ma tô duré oto ti'rẽ.

Zenezi 47:6

te za tô Ezitu ti'ai wa'õtõ nho'õmo 'remhã niha hã asima irowairébé za'ra wa'wa, asima iwẽ za'ra wa'aba zéb uwaibaba. Gosẽ ãma danhipai u ti'a iwẽ uptabi hã te za tãma isõmri za'ra, iwa 're hâimana za'ra mono da. Te za duré nima norĩ roptébré nhipese 'wa, aima iwaihu'u pese norĩ hã asimirosa'rata na bâ ipisutu za'ra, ĩnhimizama 'madâ'â'wa norĩ da hã.

Zenezi 6:2

ma tô 'Re ihâimana u'âsi mono 'ra norĩ, pi'õ wẽ uptabi na 're ihâimana za'ra mono na te te sima 're 'madâ'â ze za'ra. Tahawa ma tô duré te te sima 're iwẽ za'ra mono zéb zarina te te sima 're pisutu za'ra, ãma 're mro za'ra mono da.

Zuéu 2:3

Ta norĩ te za uburé marĩ hã te te uprosi, uzâ hã te te 're iromhõmo mono ne. We ãne hã romhâimana wana ré hã ti'a hã wẽ uptabi di, Édẽ na rob're nhisi ãmam ne. Tane nherẽ, we oto ãne romhâimana parimhã, aiwa oto rop si 're irosa'wari mono ne hã. 'Riti norĩ wi, marĩ i'maiba'a da hã mare di.