Zenezi 12:8 - ꞌRe Ihâimana Uꞌâsi Mono Zadawa Wasuꞌu

⁸ Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 12:8 ပူးပေါင်းရင်းမြစ်များ

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 13:3

Tahawa, ma tô Bétéu na 'ri nho'õmo nhisi nho'õmoi baba si zâmo, itẽme iwisizéb u. Tawamhã ta hawimhã Bétéu 'rem norĩ 're, Ai na 'ri nho'õmo nhisi 're me, ro ihâimana u ma tô duré zâmo, nimahã na imorĩ'rata na te te sima 'ri iwa isõré mono zéb u.

Zenezi 13:4

Tawamhã duré ẽtẽ za'ra imorĩ'rata na te te aré i'manharĩ 'rata u wisi wamhã, ma tô Uburé Danhib'apito ãma tiwata.

Zenezi 21:33

Tawamhã tame ma tô Abra'ã rob're hã a're, Beseba ãma. Te te a're wamhã, ma tô Uburé Danhib'apito 'Re ihâimana u'âsi mono ãma tiwata.

Zenezi 22:9

Tawamhã 'Re ihâimana u'âsi mono, ẽne te te tãma ipisutu u oto simasisi wamhã, ma tô Abra'ã, ẽtẽ za'ra hã 'manha. Duré ẽtẽ nhisi wi, ma tô mi hã sa'ra. Taha pari, ma tô ti'ra Izaqui pa ubumro, te te wapre mono da. Te te wapre mono pari, ma tô mimi za'ra nhisi wi oto tihi.

Zenezi 26:25

Tawamhã Izaqui, tame ẽtẽ za'ra te te 'manharĩ wamhã, ma tô Uburé Danhib'apito ãma tiwata. Duré tô taha ti'ai 're romhâ 'manharĩ na te te sima 'ri nhoré mono wamhã, ma tô duré tame tãma romhuri'wa norĩ hã â zô ab're hã siwi ab're.

Zenezi 28:19

Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu na.

Zenezi 31:25

Tawamhã tô Ziliadi niwĩ ẽne ihâimana za'ra ãma, ma tô Labã, Zaco hã sasĩ, te te sima i'ri nhorézéb ãma. Labã norĩ, tô tame ma tô duré sima te te 'ri nhoré.

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Zenezi 35:7

Tawamhã tame ma tô ẽtẽ za'ra hã 'manha, 'Re ihâimana u'âsi mono ma. Ta hã ma tô sisi, “Bétéu te, 'Re ihâimana u'âsi mono” na. E marĩ wa. Tame tãma sihâi'ré wa, tidub'rata ma, simani wamhã.

Zenezi 4:26

Tawamhã duré Setihi ma, ma tô i'ra hã tãma 'maipodo. Ta hã ma tô duré sisi, Enosi na. Tawamhã tame ma tô oto Uburé Danhib'apito nhisi waptẽrẽ na hã ãma 're dawata na'rata za'ra.

Zenezi 8:20

Tawamhã Nowé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Neemia 11:31

Tawamhã Bẽzamihĩ nhihudu norĩ, ma tô hâiwa nhimi'e niwĩmhã Zeba ãma 're hâimana za'ra, Mitima ãma, Aia ãma, Bétéu ãma duré taha uirĩ na 'ri wa'õtõ mono na,

Ezodu 17:15

Tawamhã Mozési, ma tô ẽtẽ za'ra hã 'manha. Tahawa, ma tô ãne sisi: “Uburé Danhib'apito, dasi'wapé da, zazahâi waré hâimo isipra tẽme 're idasito mono ne, te ĩnhiptetezé hã ĩma tihâiba.”

Zuéu 2:32

Tawamhã ni'wam norĩ hã Uburé Danhib'apito nhimipawaptobzé te te tiwi iwaptẽrẽ za'ra hã te za uburé sõ'reptu za'ra. E marĩ wa. Wanhib'apito hã ma tô ropisutu, ni'wam norĩ hã isi'utõrĩ'õ hã za Siã na ẽtẽ'rãihâ nhisi ãma, Zeruzalẽ ãma 're si'ubumroi mono da. Ã norĩ hã Uburé Danhib'apito te te ipisutu za'ra norĩ si te za tinho'reptuzé hã sina uwaimrami za'ra, hâiba ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:21

Tawamhã te dapawaptob da, da te ĩwi waptẽrẽ za'ra wapsi, wa za tô sena da'anho'reptu.”

Hebreu 11:9

'Re ihâimana u'âsi mono si te te sina 're i'umnhasi mono zéb zarina, ma tô darob amoi ãma 're sãmra Abra'ã hã, dasiré õ nherẽ, 'Re ihâimana u'âsi mono, za ãma isa'ru da hã te te tãma ipisutuzéb ãma. Ãhã wamhã, romhâ 'manharĩ na 'ri wa, te oto 're sãmra, 'ri uptabi õ wa. Izaqui norĩ hã ma tô duré romhâ 'manharĩ na 'ri wa, 're simasisi zahuré, Zacoho me. Ta norĩ ma, ma tô duré ropisutu zahuré, Abra'ãhã ma te te iropisutu ne, 'Re ihâimana u'âsi mono hã.

Zozué 7:2

Tawamhã Zozué ma tô aibâ norĩ hã satõrĩ za'ra, Zerico hawi si'aba'ré da, Ai na 'ri nho'õmo nhisi u, Bétéu bâtâ pusizém niwĩ 're ihâimana mono niwĩ, Bete-Awé na romnhisi 'ratamhã. Ti'a te te siwi 'madâ'â da, ma tô satõrĩ za'ra. Tawamhã oto ta norĩ hã si'aba'réi wamhã, ma tô 'ri nho'u siwi waihu'u wẽ.

Zozué 8:12

Tawamhã Zozué, aibâ norĩ 5 miu na bâtâ zasizém niwĩ isima'uri za'ra da hã ma tô sõré, Aihi 'rem norĩ me, Bétéu me.

Zozué 8:17

Uburé pese ma tô aibâ norĩ hã Izaraéu nhihudu norĩ zarina wairé. Tahawa ma tô 'ri nho'u 'ridawa haré siwi tirẽ, ni'wa i'wawimhã isimapa da hã hâimana ãna.

Zozué 8:3

Tawamhã Zozué, uburé pese dasi'wapéi 'manharĩ'wa norĩ me ma tô oto sima robza'ra wẽ za'ra, te te ropãrĩ za'ra mono sina sisõré pese na si'aba'ré da, Ai zada hã. Tawamhã aibâ norĩ 30 miu na isib'ru norĩ te te ipisutu za'ra, ma tô bara na hã satõrĩ za'ra,

Zozué 8:30

Tawamhã Ebau na ẽtẽ nhisi ãma, ma tô Zozué ẽtẽ za'ra hã 'manha, Uburé Danhib'apito, Izaraéu nhihudu norĩ te 'Re ihâimana u'âsi mono ma.

Zozué 8:9

Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.

Zuize 6:24

Tawamhã tame Gidiã, ma tô ẽtẽ za'ra hã 'manha, Uburé Danhib'apito ma, marĩ zatazéb da hã. Tawamhã ma tô sisi, “Uburé Danhib'apito ãma si rowẽ za'ẽne hã”. Tawamhã ãhã na zama te zahadu ẽtẽ za'ra Abi'ézéhé siré norĩ te, 'ri nho'u Opra na isisi ãma hã 're sa.

1 Samuéu 30:27

Tawamhã Dawi hã ma tô tinhoprubzé hã sõmri za'ra, ãne 'ri'ahâ nhisi norĩ ãma dama i'rãnho'õmo norĩ ma hã: Bétéu, Rama hâiwa nhimi'e niwĩ Zuda ti'ai ãma, duré Zati,