Zenezi 12:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã tame Uburé Danhib'apito, Abrãhã u wisi wamhã, ma tô ãne tãma tinha: — Asihudu norĩ ma, wa za ã ti'a hã tãma sõmri za'ra. Tawamhã tame Abrã ma tô ẽtẽ za'ra hã 'manha, tinhimizama te te tãma ãma zata da, Uburé Danhib'apito ma. E marĩ wa. Tame hâimana ré, itẽmemhã wisi wa.

Zenezi 12:7 ပူးပေါင်းရင်းမြစ်များ

Zenezi 12:8

Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 13:15

Ta hã wa za asihudu norĩ ma ropibuma aima tisõ, õne u'â asihudu norĩ nhipti'a na tãma 're hâimana za'ra mono da, ã hã i'ab'madâ'â mono hã.

Zenezi 13:17

Tahawa te za ã hã ti'a na hâiwa nhimi'e niwĩmhã, hâiwa nhimire niwĩmhã, bâtâ pusizém niwĩmhã, duré bâtâ zasizém niwĩmhã 're robzabui mono da hã 're aimo, wa hã za te aima sõmri dâ'âsina.

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 13:4

Tawamhã duré ẽtẽ za'ra imorĩ'rata na te te aré i'manharĩ 'rata u wisi wamhã, ma tô Uburé Danhib'apito ãma tiwata.

Zenezi 15:18

Tawamhã tô taha bâtâ na ma tô Uburé Danhib'apito, Abrãhã ma, tinhimiropisutuzé hã tãma 'manha, ãne: — Asihudu norĩ ma, ã hã ti'a te tãma sõmri za'ra da wa ĩnhimiropisutu zahi hã 'manha, Ezitu ãma ti'a zada'ré inomro hawi, panho'u Eufrati na isisi u hã,

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 17:3

Tawamhã Abrã, hi'rãtitõ ma tô tãma nhamra. Ti'ai u ti'ubu na ma tô ãma ropto. Tahawa, te 'Re ihâimana u'âsi mono ãne duré tãma tinha:

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 18:1

Tawamhã Uburé Danhib'apito, Abra'ãhã ma, ma tô tãma sihâi'ré, rowede iwazéb zahi, Mare na isisi 'rata hâimana ré. Tawamhã Abra'ã, hâiwahâ tẽme rowa'ro wa, ma tô romhâ 'manharĩ na tinhorõwa 'ridawa zahâpâmhã nhamra rowi.

Zenezi 22:9

Tawamhã 'Re ihâimana u'âsi mono, ẽne te te tãma ipisutu u oto simasisi wamhã, ma tô Abra'ã, ẽtẽ za'ra hã 'manha. Duré ẽtẽ nhisi wi, ma tô mi hã sa'ra. Taha pari, ma tô ti'ra Izaqui pa ubumro, te te wapre mono da. Te te wapre mono pari, ma tô mimi za'ra nhisi wi oto tihi.

Zenezi 24:7

Uburé Danhib'apito, 'Re ihâimana u'âsi mono, hâiwa ãma 're isãmra mono ma tô ĩmama nhorõwa hawimhã, duré ĩsisãnawã norĩ nhipti'ai hawimhã we ĩwaze, ãwamhã. Duré ĩnhihudu norĩ ma, ã hã ti'a te te sõmri da, ma tô ĩma ropisutu. Õ hã te za tite hâiwa ãma romhuri'wa we satõ, te te asaprõni wẽ da hã. Ãhã wamhã te za ĩ'ra ma, pi'õ we tãma i'mazaprõ.

Zenezi 26:25

Tawamhã Izaqui, tame ẽtẽ za'ra te te 'manharĩ wamhã, ma tô Uburé Danhib'apito ãma tiwata. Duré tô taha ti'ai 're romhâ 'manharĩ na te te sima 'ri nhoré mono wamhã, ma tô duré tame tãma romhuri'wa norĩ hã â zô ab're hã siwi ab're.

Zenezi 26:3

Ãme te za tô a'â 're aihâimana mo. Tawamhã wa hã wa za asiré 're ĩhâimana. Wa za duré iwẽ hã te aima 're apisutu u'âsi. Asihudu norĩ ma, wa za ã hã uburé ti'a hã te tãma 're anhomri. Ãhã wamhã, wa za ãma tãma uwaimra, aimama Abra'ãhã ma, ĩnhimiropisudu te tãma i'manharĩzé hã.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 28:4

Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.

Zenezi 32:30

Tawamhã Zaco te ãne sima tinha: — 'Re ihâimana u'âsi mono, 'râwi pesere wa tô oto 'madâ. Tane nherẽ, wa zahadu ĩhâiba ré 're ĩhâimana. Tahawa ma tô ro hã sisi, Penué na.

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 35:12

Tawamhã Abra'ãhã ma, duré Izaquihi ma, ti'a te isõmri hã, ta hã aima zama wa za oto tisõ. Taha parimhã wa za asihudu norĩ ma tãma sõmri za'ra, ai'uirĩ na.”

Zenezi 35:7

Tawamhã tame ma tô ẽtẽ za'ra hã 'manha, 'Re ihâimana u'âsi mono ma. Ta hã ma tô sisi, “Bétéu te, 'Re ihâimana u'âsi mono” na. E marĩ wa. Tame tãma sihâi'ré wa, tidub'rata ma, simani wamhã.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Zenezi 8:20

Tawamhã Nowé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Esdra 3:2

Tawamhã sasedoti Zozué, Zozadaquihi 'ra, isiré ihâimana za'ra norĩ hã, isiré ihâiba amo sasedoti norĩ hã, Zorobabé, Salati'éhé 'ra zama, duré isisãnawã norĩ hã ma tô Izaraéu nhihudu norĩ te, 'Re ihâimana u'âsi mono ma danhoprubzé zata nomrizéb da hã siwi 'manha, Mozési, 'Re ihâimana u'âsi mono nhib'a'uwẽ nhimiroti na rob'ui'éré zarina.

Ezodu 17:15

Tawamhã Mozési, ma tô ẽtẽ za'ra hã 'manha. Tahawa, ma tô ãne sisi: “Uburé Danhib'apito, dasi'wapé da, zazahâi waré hâimo isipra tẽme 're idasito mono ne, te ĩnhiptetezé hã ĩma tihâiba.”

Ezodu 24:4

Tawamhã Mozési, Uburé Danhib'apito nhimiroti na ma tô uburé ãma rob'ui'éré. Tawamhã awẽ bâtâ na mararé ẽtẽ 'rãihâ zahâpâ ma tô danhimizama zatazéb da, sisiwipsi ẽne hã sa'ra. Te te sa'ra wamhã, ma tô duré 12 na ẽtẽ waré hã hâiwi te te anhoré, Izaraéu nhihudu norĩ hâiba za'rata mono bâ.

Ezodu 32:13

Ma'ãpé asib'a'uwẽ Abra'ã norĩ ãma Izaqui, duré Zaco, ãma aipo're pu'u za'ra na. Duré hâiwa na wasi ahâ uptabi na 're isimasa mono ne, isihudu norĩ ahâ na 're hâimana za'ra mono da, tãma iropisutu za'ra zém na zama ãma aipo're pu'u. Duré isihudu norĩ ma, uburé ti'a za tãma sõmri za'ra wa, itede'wa na õne u'â 're hâimana za'ra mono da, tãma iropisutu za'ra zém na zama aimreme na hã aipo're pu'u.

Ezodu 33:1

Tawamhã Uburé Danhib'apito te Mozésihi ma tinha ãne: — Ã hawimhã aiwairébé aba, a'uwẽ Ezitu hawi we isani za'ra norĩ me. Abra'ãhã norĩ ma, Izaqui, Zaco, duré isihudu norĩ ma, ti'a hã za te tãma sõmri za'ra da, te tãma ãma iropisutu za'ra zéb u hã ai'aba'réi wa'aba da.

Ezodu 6:3

Wa tô Abra'ãhã ma, 'Re ĩhâimana u'âsi mono ĩwaihu'u pese na tãma ĩsihâi'ré, Izaquihi ma, duré Zacoho ma hã. Tane nherẽ, Uburé Danhib'apito uptabi na ĩnhisi na tãma ĩsiwaihu'u za'ra õ di.

Ezodu 6:4

Wa tô iwẽ na tãma ropisutu za'ra, Cana'ã na romnhisi ãma ti'a te tãma sõmri za'ra da, isiré a'uwẽ'õ norĩ iwa 're ihâimana za'ra mono zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:5

Tane nherẽ, we te te saprõni nherẽ, te te tãma sõmri uptabi õ di, ti'a hã ite da. Tahawa, te ãne hã tãma tinha: “Tô sena, ti'a, wa za aima tisõ, ate da, asihudu sidâpâsi, asihudu norĩ te da.” Ãne ma tô tãma ropisutu, Abra'ãhã ma, 'ra õ ré.

Roma 9:8

Tahawa, Abra'ãhã nhihudu mono norĩ hã 'Re ihâimana u'âsi mono 'ra, aihĩni 're inomro mono õ na, te wasu'u ã hã, duréihã Abra'ãhã ma, 'Re ihâimana u'âsi mono te te iwaihu'uzém na. Abra'ã hã 'Re ihâimana u'âsi mono nhimiropisudu hã te te ãma isaze ne, tane duré isimiropisutu na, da te 're isaze za'ra mono norĩ si, te za Abra'ãhã nhihudu ne oto 're dahâimana za'ra.

Galata 3:16

Tane Abra'ãhã ma, isipai u isihudu na zama, 'Re ihâimana u'âsi mono te te iropisutuzé hã. Ãhã wasu'u na, da te ãma rob'ui'éré wamhã, isihudu norĩ hã da te wasu'u za'ra õ di. Isihudu norĩ hã da te wasu'u za'ra 'wa'âhã, te aré isihudu ahâ na dasiwi wasu'u ni. Isihudu misi, te wasu'u. Ta hã Cristu.

Galata 4:28

Ĩsisãnawã norĩ, ãhã wasu'u zarina, te oto Abra'ãhã nhihudu na te te 're asisi za'ra wa'wa, 'Re ihâimana u'âsi mono hã. Izaqui hã ma tô podo, 'Re ihâimana u'âsi mono hã Abra'ãhã ma, te te iropisutuzéb zarina. Tane te te tãma iropisutuzéb zarina, te oto Abra'ãhã nhihudu na te te 're asisi za'ra wa'wa, 'Re ihâimana u'âsi mono hã.

Hebreu 11:13

à norĩ hã 'Re ihâimana u'âsi mono te te sina 're umnhasi za'ra mono ré, 're dâ'â za'ra mono nherẽ, 'Re ihâimana u'âsi mono te te tãma iropisutu za'ra zé hã te te sima 're waibui mono õ di ta norĩ hã, ti'ai ãma hâiba ré 're hâimana za'ra mono ré hã. Tane nherẽ, 'Re ihâimana u'âsi mono te te tãma iropisutu za'ra zé hã romhâ na uptabi na za te te tãma ãma i'uwaimrami za'ra na, sena na te te 're waihu'u za'ra mono wa, ma tô ãma 're to za'ra ta norĩ hã, ti'ai ãma 're nomro mono ré. Ma tô duré sõ'awi dama 're siwasu'u za'ra, ti'ai ãma dasiré 're ihâimana uptabi za'ra mono õ na hã.

Hebreu 11:8

Abra'ã hã, 'Re ihâimana u'âsi mono si te te sina 're i'umnhasi mono zéb zarina, ma tô duré isimiroti na saze, tirom nhiti watobro da, ti'a te te tãma ipisutuzéb u morĩ da, ãma isa'ru da hã. Tawamhã tirom hawi ma tô watobro tô, ti'ai amoi u morĩ da, tamomomhã bâdâdi hã te te waihu'u õ nherẽ, za ãma imorĩzéb da hã itẽme.

Zozué 1:6

Asiptete, duré asib'ru na, a hã za ã hã a'uwẽ norĩ hã simroi mono dâ'âsina, ti'a te te siwi âri da hã, ihi'rata norĩ ma, te tãma ãma iropisutu za'ra hã.

Zozué 8:30

Tawamhã Ebau na ẽtẽ nhisi ãma, ma tô Zozué ẽtẽ za'ra hã 'manha, Uburé Danhib'apito, Izaraéu nhihudu norĩ te 'Re ihâimana u'âsi mono ma.

Zuize 6:24

Tawamhã tame Gidiã, ma tô ẽtẽ za'ra hã 'manha, Uburé Danhib'apito ma, marĩ zatazéb da hã. Tawamhã ma tô sisi, “Uburé Danhib'apito ãma si rowẽ za'ẽne hã”. Tawamhã ãhã na zama te zahadu ẽtẽ za'ra Abi'ézéhé siré norĩ te, 'ri nho'u Opra na isisi ãma hã 're sa.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.